Yowane 5:37 - BIBLIYA NTAGATIFU OMU MASHI

³⁷ “Na Larha wantumaga, yêne ye muhamîrizi wâni. Mw’oyo murhasig’iyumva izù lyâge ciru n’eliguma, murhanasâg’ibona obusù bwâge”,

Yowane 5:37 ပူးပေါင်းရင်းမြစ်များ

Lubungo 20:19

Bàbwîra Mûsa, mpu: «Orhubwîre wêne rhwayumwa; ci Nyamuzinda arharhubwîraga, rhwankanafà!»

Izaya 26:10

Erhi bankababalira nyankola-maligo, arhankayigîriraho obushinganyanya; omu cihugo c’obwîrhonzi, yêhe anakâjira ebigalugalu, arhankanabona obukulu bw’irenge lya Nyakasane.

Mateyo 17:5

Oku anacidwîrhe aderha, olwikungu lwêru lwababwîka; izù lyanacirhengamwo lulya lwikungu, lyaderha, erhi: «Oyu ye Mugala wâni muzigirwa, oyu nsîma bwenêne, mukaz’imuyumva».

Mateyo 3:17

Muli ako kasanzi, izù lyarhenga emalunga, lyaderha, erhi: «Oyu ye Mugala wâni muzigirwa, oyu ncîshingiramwo».

Marko 1:11

Izù lyarhenga emalunga, erhi: «We Mugala wâni murhonyi nzigira bwenêne».

Luka 24:27

Arhondêrera kuli Mûsa n’Abalêbi boshi, abahugûla ngasi byoshi byàli bimuyêrekîre omu Mândiko.

Luka 3:22

na Mûka Mutagatîfu amuyandagalira omu nshusho y’engûkù. Izù lyanacirhenga emalunga, erhi: «We Mugala wâni murhonyi, we nzigira bwenêne».

Yowane 1:18

Ntà muntu ciru n’omuguma osag’ibona Nyamuzinda; Omugala cûsha yêne, ôbà muli Îshe, ye warhumanyisagyaye.

Yowane 14:9

Yezu amushuza, erhi: «Filipo, aga mango goshi ndi ninyu orhanasag’immanya? “Ombwîne erhi abwîne na Larha”. “Kurhi wankaciderhaga, erhi”: “Rhuyêreke Sho?”»

Yowane 15:24

“Ntàcijiraga ekarhî kâbo ebijiro birhasâg’ijirwa na wundi muntu, barhankabîre na câha; ci buno bàbwîne, bagal’irhushomba rhwe na Larha”.

Yowane 5:32

“Wundi odwîrhe wampamîririza, nnamanyire oku obuhamîrizi bwâge kuli nie buli bw’okuli”.

Yowane 6:27

Mukâkola, arhali orhulyolyo rhuhwa rhurhuma, ci ebiryo biyôrha buzîne ensiku n’amango birhuma. Ebyo biryo Mwene-omuntu wamuhâbyo, bulya ye Îshe Nyamuzinda ahizirekwo ecimanyîso câge».

Yowane 8:18

Ncîhamîriza niene, na Larha wantumaga naye ampamîririza».

Lushika 4:12

Nyamubâho amushambâza obwo, kurhengera omu karhî k’omuliro; mwakazagiyumva izù ly’ebinwa, cikwône murhabonaga busù buhi. Mwakazagiyumva izù lyône.

1 Timoteyo 1:17

Kuli Mwâmi w’ensiku n’amango, Mwâmi orhankafà, orhanabonekana, Nyamuzinda muguma dolodolo, obukuze n’irenge emyâka n’emyâka! Nêci ntyo!

1 Timoteyo 6:16

yêne dolodolo ye jira akalamo karhayûrha, ye ba omu bumoleke burhankahikwakwo, ye rhasâg’ibonwa na muntu, na ntà muntu wankahash’imubona. Kuli ye obukuze n’obuhashe ensiku n’amango! Amen.

1 Yowane 4:12

Nyamuzinda ntâye osâg’imu­bona. Akabà rhuzigirîne, Nyamuzinda ali muli rhwe, n’obuzigire bwâge buli bwimâna muli rhwe.

1 Yowane 4:20

Owaderha erhi: «Nzigira Nyamuzinda» n’obwo ashomba muci wâge, oyo erhi kanywesi: bulya orhazigira mwene wâbo adwîrhe abona, ntâko ankazigira Nyamuzinda arhabona.

1 Yowane 5:9

Obu rhuyêmêra obuhamîrize bw’abantu, obuhamîrizi bwa Nyamuzinda bulushîne. Bulya buli buhamîrizi bwa Nyamuzinda, buhamîrizi ahamîrizagya Omugala.