Yowane 5:15 - BIBLIYA NTAGATIFU OMU MASHI

¹⁵ Olya mulume anacigend’ibwîra Abayahudi oku Yezu ye wamufumagya.

Yowane 5:15 ပူးပေါင်းရင်းမြစ်များ

Marko 1:45

Ci olya yêhe erhi alîkûla, arhondêr’alumîza n’okushwâliza ogwo mwanzi; ciru Yezu arhacijaga omu lugo n’obwâlagale, ci akacîbêrera kuli, aharhali bantu, bakarhenga oku ngasi murhundu bajà emunda ali.

Yowane 1:19

Alaga obuhamîrizi bwa Yowane, erhi Abayahudi bamurhumira abadâhwa na bene-Levi kurhenga e Yeruzalemu mpu bagend’imudôsa, mpu: «We ndi?»

Yowane 4:29

«Yishi mubone omulume wamambwîra ebi najizire byoshi. K’arhankabà ye Kristu?»

Yowane 5:10

Abayahudi babwîra oyo muntu wâfuma­ga, mpu: «Ene lwa Sabato, orhankabarhula encingo yâwe».

Yowane 5:12

Bamudôsa, mpu: «Ye ndi oyo wakubwîraga, erhi: Yanka encingo yâwe, ogende?»

Yowane 5:16

Okwo kwarhuma Abayahudi barhondêra okuhîvulula Yezu mpu bulya akâg’ijira ntyo olwa Sabato.

Yowane 5:18

Okwo kwarhuma Abayahudi bakâlonza okumuyîrha, arhali okwenge akâg’ivuna olwa Sabato kwônene, ci bwenêne bulya akâg’iderha mpu Nyamuzinda ye Îshe n’okucîyumanyanya na Nnâmahanga.

Yowane 9:15

Abafarizeyi nabo bashub’imudôsa kurhi amasù gâge gabungûkaga. Naye, erhi: «Anshîga orhujondo oku masù, nagend’icîshuka, nankola ndwîrhe nabona».

Yowane 9:25

Naye, erhi: «Akabà ali munya-byâha, ntishi; kantu kaguma kône mmanyire: nali muhûrha na buno nkola ndwîrhe nabona».

Yowane 9:30

Olya mulume abashuza, erhi: «Lêro namasômerwa! Murhishi ali wa ngahi omuntu onfumize obuhûrha!

Yowane 9:34

Bamushuza, mpu: «Kurhenga omu nda ya nyoko erhi oyunjwîre byâha, onakola mpu warhuyigîriza!». Banacimulibirhakwo.