Yowane 5:14 - BIBLIYA NTAGATIFU OMU MASHI

¹⁴ Erhi kugera nsiku, Yezu amushimâna omu ka-Nyamuzinda; anacimubwîra, erhi: «W’oyu wafumire; irhondo orhacijiraga byâha, olek’ibà kubî kulusha okurhanzi».

Yowane 5:14 ပူးပေါင်းရင်းမြစ်များ

2 Nganîro 28:22

Ago mango ali omu malibuko ntyôla anakulikiza ashubikazigayîsa Nyamubâho, oyo mwâmi Akazi.

Nehemiya 9:28

Erhi babà bamaluhûka, kandi bashubira omu mabî gâbo embere zâbo; nâwe wanacibaleka omu maboko g’abashombanyi bâbo, babarhegeka bwenêne. Ci kandi bashub’ikâlakira emunda oli na nâwe wayumva izù lyâbo kurhenga empingu, n’omu bwonjo bwâwe, wabalikûza kanji kanji.

Ennanga 118:18

Buhane Nyakasane àbâga nk’ampà, ci kurhàli kundîkira walufù.

Ennanga 18:22

Bulyâla nashimbire enjira za Nyakasane, ntanahemukaga nti ngomere Nnâhamwîrhu Nyamuzinda.

Ennanga 27:6

Nkolaga ndengerîre oku nyanya z’ababisha bandi eburhambi. Niono nkola nârherekêra omu mwâge enterekêro y’omwîshingo, nayimbira Nyakasane nnamuzihire.

Ennanga 9:13

Bulya ye cîhôlera omukò, abalibusire, omulenge gw’abagalugalu arhaguyibagira.

Izaya 38:20

Yâgirwa wamanciza! Rhukolaga rhwâkâmukuza n’omulya gw’olulanga ensiku zoshi z’obuzîne bwîrhu omu ndâro ya Nyakasane!

Izaya 38:22

Naye Hizkiyahu aderha, erhi: «Cimanyîso cici namanyirakwo oku nashub’ikarheremera omu ndâro ya Nyakasane?»

Ben Levi 13:20

Omudâhwa naye amulolereze. Erhi omudâhwa ankabona oyo w’ecibungu ajà alandira omu ndalâlà y’akakoba k’omubiri, n’olwôya lumuli lukola luhindusire lwêru, nyamudâhwa anamanyîsa oku oyo muntu akola azizire, bulya cikola cihulu ca lushomyo cizûsire omwôla mubuha.

Ben Levi 26:27

N’akabà kandi enyuma z’okola murhayumvîrhi, ci mushub’iyûshûla okugera yinyu njira

Ben Levi 7:12

Erhi ankabà eri nterekêro y’okukuza Nyakasane, banayûshûlako enterekêro y’okuvuga omunkwa, haguma n’orhugati rhwa ngasi lubero rhurhalimwo lwango, rhukalange n’amavurha, n’enshâno y’orhugati ebè ndobeke omu mavurha.

Mateyo 12:45

Anagenda obwo, arhôle bandi bazimu nda babî kumulusha; n’erhi bayijamwo, banacilambuliremwo; n’obwôrhere bw’oyo muntu bwanabà bubî kulusha obw’oburhanzi. Kwo lyâbè ntyo er’iburha lirhajira lugero omu bubî.

Marko 2:5

Yezu erhi abona obwêmêre bwâbo, abwîra nyakuhola enjingo, erhi: «Mwâna wâni, ebyâha byâwe byamârhenzibwa».

Yowane 5:13

Ci olya muntu wafumaga arhàli amumanyire, bulya Yezu àli amâzonga omu lubaga lwàli lulundumîne.

Yowane 5:5

Hàli muntu muguma, erhi ali myâka makumi asharhu na munâni alwâla.

Yowane 8:11

Naye, erhi: «Ntâye, Yâgirwa!» Yezu, erhi: «Nâni ntâko nacikujira. Cîgenderage, ci irhondo orhacihîra okahemuka».

1 Petro 4:3

Ka ziri nyi ensiku mwalamire nka bapagani, omu kuhusha, omu kushimba iralà ly’omubiri, omu ndalwè n’okulya obudâmbye, omu kunywa buzira lugero n’okugashâniza ebiremwa?