Yowane 4:14 - BIBLIYA NTAGATIFU OMU MASHI

¹⁴ Ci owanywe oku mîshi namuhà, arhakayumva nyôrha ciru n’eliguma; bulya amîshi namuhà gamuhindukamwo iriba lyakahululamwo amîshi g’obuzîne bw’ensiku n’amango».

Yowane 4:14 ပူးပေါင်းရင်းမြစ်များ

Izaya 49:10

Barhakacigwârhwa n’ishali barhakanacifà nyôrha; oli ehidûrhu hy’empûsi, oli izûba, birhakacibajira kurhi; bulya âbafà lukogo ye wanabalongôlana, abahêke aha maliba g’amîshi.

Izaya 55:1

Mweshi mwe mugwêrhwe n’enyôrha, muyishe ebwa mîshi; ciru na ninyu mwe murhagwêrhi nsaranga, muyishe! Mugule munanywe amamvu n’amarhà buzira nsaranga na buzira kulyûla bici!

Izaya 58:11

Nyakasane ânakaz’ikushokolera ngasi mango ânakuyiguse omu irungu; anakomeza amavuha gâwe, obè nk’ishwa lidômerîrwe na nk’iriba lirhahubamwo mîshi.

Yeremiya 2:13

Bulyâla olubaga lwâni kubirhi lwashûbûsire: bandeka, nie n’iriba ly’amîshi gahulula, bagendihumba yâbo yâbo migomero, eryâla erimwo obubere, eryâla erharhanga mîshi.

Yeremiya 31:25

Bulya nâshubihà emisî ngasi bakola barhamire, na ngasi ba buligo nabahà ebi banalagîrîrekwo.

Ezekiyeli 47:9

Ngasi ciremwa cizîne, cirya cinagenda erhi cankanagera muli agwôla mîshi canabona akalamo. Enfî zâluga bwenêne bulyâlya aha agôla mîshi gahisire aga­ndi gahali ganabè minjà kulusha, n’obuzîne bwanayûshûka ngasi aha agôla mîshi ganajire hoshi.

Ben Levi 11:36

Ci amaliba, ecirhûla c’amîshi, enyanja zoshi, byôhe byanayôrha bicîre; ci owahuma oku murhumba gwa nyandazi nguma mulizo, anazira.

Mateyo 25:46

Okuhandi abo banajà omu malumwa garhahwa, n’abashinganyanya bajè omu buzîne bw’ensiku n’amango.

Mateyo 5:6

Iragi lyâbo abashalisire banagwêrhe n’enyôrha y’obushinganyanya, bulya bayish’iyigurha.

Yowane 10:10

Ecishambo cikîsha, erhi kuzimba ciri n’okuyîrha n’okusherêza. Niehe ecandwîrhe, nti ebibuzi bibone akalamo, akalamo kanene.

Yowane 11:26

na ngasi yêshi olama muli nie onanyêmêra, arhakafà ciru n’eliguma. Okwo, ka okuyêmîre?»

Yowane 4:10

Yezu amushuza, erhi: «Ocimanyaga enshôkano ya Nnâmahanga okanamanya ndi okubwîzire, erhi: “Mpà nâni nnywe”, wakabire we muhûna, naye anakakuhîre amîshi g’obuzîne».

Yowane 4:11

Olya mukazi amubwîra, erhi: «Yâgirwa, ci orhagwêrhi eci wankadômeramwo, n’iriba lirî lirî. Ngahi wankacibona amîshi g’obuzîne?

Yowane 4:13

Yezu amushubiza, erhi: «Ngasi yêshi onywakwo aga mîshi ashub’iyumva enyôrha;

Yowane 4:36

“Omusârûzi akola ahâbwa oluhembo lwâge; akola adwîrhe alunda emburho oku buzîne bw’ensiku n’amango, na ntyo owarhwêraga naye akola asîma bo n’omusârûzi”.

Yowane 6:27

Mukâkola, arhali orhulyolyo rhuhwa rhurhuma, ci ebiryo biyôrha buzîne ensiku n’amango birhuma. Ebyo biryo Mwene-omuntu wamuhâbyo, bulya ye Îshe Nyamuzinda ahizirekwo ecimanyîso câge».

Yowane 6:35

Yezu abashuza, erhi: «Nie mugati gw’obuzîne; ojîre emunda ndi arhankacishalika, n’onyêmîre arhankaciyumva nyôrha.

Yowane 6:58

Ogwo gwo mugati gwamanukaga empingu; gurhali gwo muguma n’ogu basho balyaga banagal’ifà. Olya ogu mugati alama ensiku zoshi».

Yowane 7:37

Oluzinda lw’olusiku lukulu, lwo lulushire ezindi, Yezu anaciyimanga, ayâkûza n’izù linene, erhi: «Ngasi ogwêrhwe n’enyôrha, ayishe emunda ndi, anywe;

Barom 5:21

mpu lyo, nk’oku ecâha càli cigandâzize omu lufù, engalo ya Nyamuzinda egandâza n’obushinganyanya omu buzîne bw’ensiku n’amango, Nnawîrhu Yezu Kristu orhumire.

Barom 6:23

Bulya oluhembo lw’ecâha lubà lufù, ci engalo ya Nyamuzinda bubà buzîne bw’ensiku n’amango muli Nnâhamwîrhu Yezu Kristu.

2 Bakorinti 1:22

ye wanarhuhiragakwo ecimanyîso câge, anaheba ecikinja ca Mûka omu mirhima yîrhu.

Befezi 4:30

Mumanye murhajiraga Mûka Mutatagatîfu gwa Nyamuzinda burhè, ye wammuhiragakwo ecimanyîso c’olusiku lw’obucunguzi.

1 Petro 1:22

Erhi muyêmêra okushimba okuli, mwacêsize emirhima yinyu, mpu lyo muzigirana nk’abalondana buzira bulyâlya. Nêci muzigirane n’omurhima gucîre na burharhama,

1 Yowane 5:20

Kandi rhuyishi oku Mugala wa Nyamuzinda ayishire, n’oku a­rhushobôzize obukengêre bw’okumanya Nn’okuli. N’oyo Nn’okuli rhuli muli ye, omu Mugala Yezu Kristu: Ye Nyamuzinda w’okuli, ye na Buzîne bw’ensiku n’amango.

Mafulûlo 7:16

Barhakacishalika barhakanaciyumva nyôrha bundi; ntà mango izûba lyacibalibuze, na ntà hidûrhu hyacibajire kurhi.

Mafulûlo 7:17

Bulya Omwâna-buzi, oyîmanzire aha karhî k’entebe, yêne abà lungere wâbo, anabalangûle enjira ehêka ebw’iriba ly’amîshi g’obuzîne, Na Nyamuzinda abahôrhola emirenge yoshi ebali oku masù».