Yowane 3:23 - BIBLIYA NTAGATIFU OMU MASHI

²³ Naye Yowane erhi adwîrhe abatiza e Heno, hôfi h’e Salimi, bulya amîshi galiyo manji, n’abantu bakayish’ibatizi­bwa.

Yowane 3:23 ပူးပေါင်းရင်းမြစ်များ

Murhondêro 33:18

Yakôbo ahika mugumagumà aha lugo lwa Sikemi omu cihugo ca Kanâni, erhi arhenga e Padani-Aramu, anacihanda embere z’olwo lugo.

Yeremiya 51:13

We yûbaka oku burhambi bw’enyîshi, we mugale omu mihako, ôlwâwe lwahwîre, amango gakuhikîre.

Ezekiyeli 19:10

Nyoko kw’ali nka muzâbîbu, murhwêre oku burhambi bw’olwîshi, gwakaziyâna gwanajira ebyâsi binji, bunji bw’amîshi burhuma.

Ezekiyeli 43:2

Nalola oku irenge lya Nyamuzinda w’Israheli lyamârhenga olwo lunda lw’ebuzûka-zûba, Lyàyisha lyajira olubî nka mîshi manji gayisha gahûma, n’igulu lyayunjula bulangashane bw’eryo irenge lyâge.

Luka 3:7

Anacikabwîra orhutu rhw’abantu bal’iyishire mpu ababatiza, erhi: «Mwe iburha lya cibugusha, “ndi lêro wammuyeresire enjira y’okuyâka obukunizi bwayisha?”

Yowane 3:22

Enyuma ly’ebyo, Yezu ajà bo n’abaganda bâge omu cihugo c’e Yudeya; ajirayo nsiku haguma nabo, anakabatiza.

Yowane 3:24

Erhi Yowane arhacishwêkwa obwo.

Mafulûlo 1:15

amagulu gâge erhi gashushire omulinga omu cibêye, n’izù lyâge erhi liri nka mululumo gwa mîshi manji.

Mafulûlo 14:2

Nanaciyumva emalunga izù liri nka nshalalo ya mîshi manji manji na nka kulya enkuba ekalihire elaza. Eryôla izù nayumva liyôsire nka kulyâla abazihi b’ennanga bakômera ennanga zâbo;

Mafulûlo 19:6

Nashub’iyumva eliri nk’izù lya bantu mwandu n’eliri nka nshalalo ya mîshi manji, n’eliri nka mukungulo gwa milazô, lyayisha, mpu: «Aleluya! Nêci, ye yîmire Nyakasane, Nnawîrhu Nyamuzinda, Nn’amahanga goshi.

1 Samweli 9:4

Banacikanya, bagera omu birhondo bya Efrayimu, bagera omu cihugo ca Shalisha, barhabona cici. Bakanya bajà omu cihugo ca Shalimu, barhabonaga cici, bayikira ewwa bene Benyamini, nayo barhazibonaga.