Yowane 3:17 - BIBLIYA NTAGATIFU OMU MASHI

¹⁷ “Bulya Nyamuzinda arharhumaga Omugala en’igulu mpu ayish’ihana igulu, ci mpu lyo aciza igulu”.

Yowane 3:17 ပူးပေါင်းရင်းမြစ်များ

Zakariya 9:9

We munyere w’e Siyoni, ocîshinge n’emisî yâwe yoshi: nâwe we munyere w’e Yeruzalemu, obande empûndu y’omwîshingo. Lolà oku mwâmi wâwe ayishire emunda oli, mutûdu na muhimanyi, ashonyire oku ndogomi, oku mucûkà gwa ndogomi, mucûkà gwa ndogomi-kazi.

Mateyo 1:23

Alà omubikira ayish’ibà nda, aburha omwâna: bayish’imuhà izîno lya Emanuweli, kwo kuderha: Nyamuzinda - haguma - nîrhu.

Mateyo 18:10

“Mumanye murhagayaguzagya ciru n’omuguma muli abà bâna barhôrhô: mmubwîzire ntyo bulya Bamalahika bâbo omu mpingu barhahusa okubona obusù bwa Larha oli omu mpingu”». [

Mateyo 18:11

Bulya Mwene-omuntu ayishir’iciza ebyàli bihezire.]

Luka 19:10

Bulya Mwene-omuntu ayishiraga okulonza n’okuciza ngasi càli cahezire».

Luka 9:56

Mwene-omuntu arhishag’iheza abantu, ci okubaciza». Banacigwârha enjira y’okujà omu cindi cishagala.

Yowane 1:29

Erhi kuca, Yowane abona Yezu amujayo, aderha, erhi: «Oyu ye Mwâna-buzi wa Nnâmahanga okûla ecâha c’igulu.

Yowane 10:36

“ninyu oyu Nyamuzinda Îshe ayimikaga anamurhuma en’igulu, mpu”: “Wamalogorha, okwenge nadesire, nti: Nie Mwene-Nyamuzinda!”

Yowane 11:42

Nyôrha nyîshi oku onyumvîrhiza ensiku zoshi; ci abantu bazungulusire bo barhumire naderha ntyo, lyo bayêmêra oku we wantumaga».

Yowane 17:18

Kulya wantumaga igulu, kwo nâni mbarhumire igulu.

Yowane 17:21

Boshi babè muguma. Nk’oku we, Larha, oli muli nie nâni nkulimwo, nabo babè muguma muli rhwe, lyo igulu liyêmêra oku we wa­ntumaga.

Yowane 17:23

nie muli bo, nâwe muli nie, lyo babà muguma lwoshi, lyo n’igulu limanya oku we wantumaga n’oku nabazigire nka kulya wanzigîre.

Yowane 17:25

Larha mwimâna, igulu lirhakumanyaga, ci niehe nakumanyire, n’abâla bamanyire oku we wantumaga.

Yowane 17:3

Akalamo k’ensiku n’amango kuli kukumanya, w’oyo Nyamuzinda w’okuli wênene, n’oyu warhumaga, Yezu Kristu.

Yowane 17:8

bulya ebinwa wampâga, nabahîrebyo, banayêmêra okuli oku muli we nahubukaga, banayêmêra oku we wantumaga.

Yowane 20:21

Yezu ashub’ibabwîra, erhi: «Omurhûla muli mwe! Nk’oku Larha antumaga, nâni mmurhumire».

Yowane 3:34

“Oyu Nyamuzinda arhumaga, binwa bya Nyamuzinda aderha, bulya Nyamuzinda nka ahâna Mûka Mutagatîfu arhagera”.

Yowane 5:36

“Niehe ngwêrhe obuhamîrizi bulushire obwa Yowane: emikolo Larha a­mpâga mpu njire; eyo mikolo njira yo ehamîriza oku Larha ye wa­ntumaga”.

Yowane 5:38

n’ecinwa câge cirhammubamwo, bulya oyu arhumaga murhamuyêmêra”.

Yowane 5:45

“Murhamanyaga mpu nie nâmmushobeke emwa Larha”. “Mûsa mucicîkubagira ye wâmmushobeke”.

Yowane 6:29

Naye Yezu abashuza, erhi: «Omukolo gwa Nnâmahanga kwo kuyêmêra oyo arhumaga».

Yowane 6:38

bulya nahonyire empingu, arhali mpu nkajira oku nalonza, ci oku owa­ntumaga alonza.

Yowane 6:40

Nêci, kwo Larha alonza mpu ngasi obona Omugala anamuyêmêre abè n’obuzîne bw’ensiku n’amango, nâni mmufûle olusiku luzinda».

Yowane 6:57

Nk’oku Larha wantumaga azîne, nâni nzîne muli Larha, ondya naye alama nie ntumire.

Yowane 7:29

Niehe mmuyishi, bulya ye cisisi câni, bulya ye wanantumaga».

Yowane 8:11

Naye, erhi: «Ntâye, Yâgirwa!» Yezu, erhi: «Nâni ntâko nacikujira. Cîgenderage, ci irhondo orhacihîra okahemuka».

Yowane 8:42

Yezu anacibabwîra, erhi: «Nnâmahanga acibâga Sho, singa munzigira, bulya muli Nyamuzinda mpubuka n’emwâge narhengaga. Arhali niene nacîdwîrhe, ci ye wantumaga.

1 Yowane 2:2

Ye mpyûlo y’ebyâha bîrhu, a­rhanali ya bîrhu byônene, ci n’eby’igulu lyoshi.

1 Yowane 4:14

Na nîrhu rhwono rhwabwîne, rhunahamîrize oku Nyamuzinda Îshe arhumîre Omugala mpu abè Muciza w’igulu.