Yowane 3:11 - BIBLIYA NTAGATIFU OMU MASHI

¹¹ “Okuli, okuli, nkubwîre, ebi rhuyishi byo rhuderha, n’ebi rhwabwîne byo rhunywêra akasheba, ci murhayêmêra obuhamîrizi bwîrhu”.

Yowane 3:11 ပူးပေါင်းရင်းမြစ်များ

Izaya 50:2

Amango nayîshaga, carhumaga ntabugana ndi? Erhi mpamagala, carhumaga barhanyâkûza? K’okuboko kwâni kuligi kofi bwenêne, na ntyo kwayabirwa okummulîkûza, nîsi ka misî mbuzire y’okummuciza? Kali nkakaliha hitya, nnanganye enyanja, n’enyîshi nzihindule irungu. Lêro obwo amîshi ganacibulikana, enfî zimubà zânarhangira okubola, zifè n’enyôrha.

Izaya 53:1

Ndi wayêmîre oku rhwabwîragwa, n’okuboko kwa Nyakasane emwa ndi kwaciyêrekîne?

Izaya 55:4

Loli oku ye nayimanzize, namujira muhamîrizi w’amashanja, muluzi w’okurhambula embaga.

Izaya 65:2

Ngasi lusiku nakâlambûlira amaboko gâni ebwa lubaga lw’entumva, ebwa balya bakulikira enjira mbî omu kushimba amîru gâbo.

Mateyo 11:27

“Nahîrwe byoshi na Larha, na ntâye omanya Omugala arhanali Îshe, na ntâye wankamanya Nyamuzinda-Îshe arhanali Mugala, erhi oyu Omugala alonzize okumufulûliraye”».

Mateyo 23:37

«Yeruzalemu! Yeruzalemu! we oyîrha abalêbi, n’abarhumirwe emwâwe obabande amabuye, kanga nalonzize okukukumakuma nka kulya engoko ekumakuma abânagoko bâyo omu byûbi, orhanayêmêraga!

Luka 10:22

Nahîrwe byoshi na Larha, na ntâye oyishi Omugala ye ndi arhanali Îshe, na ntâye oyishi Îshe ye ndi arhanali Mugala, erhi oyu Omugala olonzize okumufulûliraye».

Yowane 1:11

Ayisha omu bâge, n’abâge barhamuyankiriraga.

Yowane 1:18

Ntà muntu ciru n’omuguma osag’ibona Nyamuzinda; Omugala cûsha yêne, ôbà muli Îshe, ye warhumanyisagyaye.

Yowane 12:49

Bulya arhali byâni nadesire, ci Larha wantumaga ye wantegesire eby’okuderha n’eby’okuyigîriza.

Yowane 14:24

“Orhanzigira arhabîkirira ebinwa byâni”. “N’e­byo binwa mwayumvîrhe birhali byâni, ci biri bya Larha wantumaga”».

Yowane 3:12

“Akabà murhayêmîri nka nammubwîra eby’en’igulu, kurhi mwa­ nkayêmêra nkola nammubwîra eby’empingu”?

Yowane 3:13

“Ntâye wayinamukire empingu aha nyuma z’olya wahonaga empingu, Mwene-omuntu ôbà empingu”».

Yowane 3:3

Yezu amushuza, erhi: «Okuli, okuli, nkubwîzire, ntâye wankabona Obwâmi bwa Nyamuzinda nka arhashubir’iburhwa buhyâhya».

Yowane 3:5

Yezu amushuza, erhi: «Okuli, okuli, nkubwîzire, ntâye wankajà omu Bwâmi bwa Nyamuzinda nka arhashubir’iburhwa omu mîshi na muli Mûka Mutagatîfu.

Yowane 5:43

“Nayishire oku izîno lya Larha, murhananyankiriraga; erhi owundi ankacirhuma yênene, oyo mwanamuyankirira”.

Yowane 7:16

Yezu anacibashuza, erhi: «Enyigîrizo zâni zirhali zâni, ci z’olya wantumaga.

Yowane 8:14

Yezu abashuza, erhi: «Nêci, niene nie ncîhamîririza, ci kwône obuhamîrizi bwâni buli bw’okuli, bulya nyîshi aha ntenga n’eyi nyêrekîre; ci mwêhe murhishi aha mpubuka n’aha nâlola.

Yowane 8:26

“Ngwêrhe binji naderha kuli mwe, binji bammutwîrakwo olubanja; ci owantumaga arhaderha ebirhali by’okuli, n’ebi narhenzagya emwâge byo nanderha en’igulu”».

Yowane 8:38

Nie ono nderha ebi nabwîne emwa Larha, ninyu mujira ebi mwayumvîrhe emwa sho».

Ebijiro 22:18

“Nanacibona Nyakasane, a­mbwîra”, erhi: “Okanye, orhenge e Yeruzalemu, bulya barhayêmêre obuhamîrizi bwâwe kuli nie”.

2 Bakorinti 4:4

balya barhayêmêra, balya Nyamuzinda w’en’igulu ahusize obukengêre, mpu bankanabona obulangashane bw’Emyanzi y'Akalembe y’irenge lya Kristu, y’eri nshusho ya Nnâmahanga.

Mafulûlo 1:5

na Yezu Kristu, muhamîrizi w’okucîkubagirwa, Nfula y’abafîre, na Mwâmi mukulu w’abâmi b’igulu. Ayâgirwe mâshi Oyo orhuzigira anashuka ebyâha bîrhu omu mukò gwâge,

Mafulûlo 3:14

Malahika w’Ekleziya y’e Laodiceya omuyandikire, erhi: «Kwo adesire ntyâla Nêci-ntyo,'omuhamîrizi w’okuli na mwîkubagirwa, imerero ly’ebiremwa bya Nyamuzinda.