Yowane 20:19 - BIBLIYA NTAGATIFU OMU MASHI

¹⁹ Bijingo by’olwo lusiku lurhanzi lw’omugobe lwonênè, omu abaganda bâli enyumvi zoshi zàli mpamike erhi kuyôboha Abayahudi kurhuma. Yezu anacipamuka, abayimanga ekarhî, ababwîra, erhi: «Omurhûla muli mwe!»

Yowane 20:19 ပူးပေါင်းရင်းမြစ်များ

Ennanga 122:8

Bene wîrhu haguma n’abirhu bo barhumire nakuderha nti: «Obêmwo omurhûla.»

Mateyo 10:13

“Akabà enyumpa egukwânîne, omurhûla gwinyu gwanayijamwo, n’akabà erhagukwânîni, gwanamugalukira”.

Mateyo 18:20

Erhi babiri erhi basharhu bankacîgusha haguma omu izîno lyâni, nâni nanabà ekarhî kâbo.

Marko 16:14

Buzinda abonekera balya ikumi na muguma, erhi badwîrhe balya. Abakalihira erhi kubula buyêmêre kwâbo kurhuma n’oku buzibu bw’emirhima yâbo bw’okurhayêmêra balya bamubwîne afûsire.

Yowane 14:27

“Mmusigîre omurhûla, mmuhîre omurhûla gwâni”. “Ci ntammuhîrigwo kulyâla igulu liguhâna”. “Muhire omurhima omu nda, murhanayôbohaga”.

Yowane 16:22

“Ninyu kwo n’okwo”. “Buno muli burhè; ci nâcimubone n’omurhima gwinyu gwâshagaluke, n’obusîme bwinyu ntâye wâcimmukûle kuli bwo”.

Yowane 16:33

Nammubwîzire ebyo nti lyo mubona omurhûla muli nie. Mwâbone amalumwa omu igulu. Ci muzibuhe! Nahimire igulu».

Yowane 20:21

Yezu ashub’ibabwîra, erhi: «Omurhûla muli mwe! Nk’oku Larha antumaga, nâni mmurhumire».

Yowane 20:26

Erhi kugera nsiku munâni, abaganda bâli kandi omu nyumpa na Toma haguma nabo. Yezu apamuka erhi n’enyumvi zoshi ziri mpamike; abayimanga ekarhî, erhi: «Omurhûla muli mwe!»

Yowane 21:1

Enyuma z’aho, Yezu ashub’ibonekera abaganda bâge eburhambi bw’e­ nyanja y’e Tiberiyadi. Alagi oku ababonekeraga.

Yowane 21:14

Bwo bwàli bwa kasharhu obwo Yezu abonekera abaganda bâge kurhenga afûka omu bafù.

Yowane 7:13

Ci ntâye wakâg’imuderha n’obwâlagale erhi kuyôboha Abayahudi kurhumire.

Ebijiro 1:3

N’erhi ayûs’ibabala, kandi bo acîyêresire oku azîne omu kubahà bimanyîso binji; ajira nsiku makumi anni ababonekera anabashambâlira eby’O­bwâmi bwa Nnâmahanga.

Barom 15:33

Nyamuzinda w’omurhûla abè ninyu mweshi! Nêci, Ntyo!

1 Bakorinti 15:5

n’oku àbonekîre Kefa, abul’ibonekera na balya ikumi na babiri.

Befezi 2:14

Nêci ye buholo bwîrhu, ye wajiraga ago mashanja gombi okubà liguma, ashâba ecisîka c’obushombanyi cakâg’ibaberûla;

Befezi 6:23

Nyamuzinda Îshe na Nyakasane Yezu Kristu bashobôze bene wîrhu omurhûla, obuzigire n’obuyêmêre.

Bafilipi 1:2

Kuli mwe engalo n’omurhûla gwa Larha Nnâmahanga na Nyakasane Yezu Kristu!

2 Tesalonika 3:16

Nyamuzinda w’omurhûla yêne ammuhè omurhûla ngasi mango na muli byoshi! Nyakasane abè ninyu mweshi!

Bahabraniya 7:2

Abrahamu amuhà ecigabi ca kali ikumi c’ebintu byâge byoshi. Aderhwa burhanzi mpu mwâmi w’obushinganyanya, kandi mpu mwâmi w’e Salemi, kwo kuderha mwâmi w’omurhûla.

3 Yowane 1:14

Nnangâlîre nti rhuli hôfi rhubonane, rhushambâle n’akanwa.

Mafulûlo 1:4

Yowane oku Ekleziya nda ziri omu Aziya. Enshôkano n’obuholo bimmugabirwe na Nyamubâho, ye wanayôrhaga ahabà, ye wanish’iyisha, n’erya Myûka nda ebêra embere z’entebe yâge,