Yowane 20:16 - BIBLIYA NTAGATIFU OMU MASHI

¹⁶ Yezu amubwîra, erhi: «Mariya!» Mariya amumanyîrira, amubwîra omu mahabraniya, erhi: «Rabuni!» kwo kuderha: «Muyigîriza».

Yowane 20:16 ပူးပေါင်းရင်းမြစ်များ

Murhondêro 22:1

Enyuma z’aho, Nyamuzinda arhangula Abrahamu, amubwîra, erhi: «Abrahamu! Abrahamu!» Naye ashuza, erhi: «Ho ndi hano.»

Murhondêro 22:11

Ci kwône Malahika wa Nyakasane anacimuyakûza kurhenga empingu, erhi: «Abrahamu! Abrahamu!» Abrahamu, erhi: «Ho ndi hano!»

Murhondêro 45:12

Mucîbwinîre n’amasù ginyu, mulumuna wâni Benyamini naye abwîne oku kanwa kâni kadwîrhe kamuderheza.

Lubungo 3:4

Nyakasane abona oku ayisha azunguluka mpu alole; lêro Nyamuzinda anacimuhamagala omu kâgarhî ka lirya ishaka, erhi: «Mûsa, Mûsa!» Naye, erhi «Karame!»

Lubungo 33:17

Nyakasane abwîra Mûsa, erhi: «Okwo odesire buno nakujira nako, bulya oli murhonyi omu masù gâni, nnambà nkumanyîre oku izîno lyâwe.»

Lwimbo 3:4

Ene mbà namâbarhaluka, namabugâna olyâla omurhima gwâni guzigira. Namâmugwârha ntanacimulîke, kuhika nmuhise omu nyumpa ya nyâmà, omu mw’olya muzîre wamburhaga.

Lwimbo 5:2

Ngwîshîre ci omurhima gwâni guzîne. Namâyumva Muzigirwa wâni akomomba oku lumvi: Nyigulira mâshi mwâli wîrhu, mukazi wâni, mâshi ngûkù yâni, mâshi Mwinjà-Muzira-ishembo. Kali irhwe linyunjwire lumè, emviri zinyunjwire mirhonyi ya budufu.

Izaya 43:1

Lêro bunôla ntyâla kwo adesire Nyakasane, owakulemaga, wâni Yakôbo, owakubumbaga, wâni Israheli: Orhayôbohaga, bulya nakucungwîre, nakuhamagîre omu izîno lyâwe: oli wâni.

Mateyo 14:27

Ho n’aho Yezu abaderhesa, anababwîra, erhi: «Muhire omurhima omu nda, murhayôbohaga, nie nnêne».

Marko 10:51

Yezu amudôsa, erhi: «Cici walonza nkujirire?» Naye olya muhûrha, erhi: «Yâgirwa, nti nâni mbone».

Luka 10:41

Nyakasane anacimushuza, erhi: «Marta, Marta, odwîrhe wakoyakoya wanalibuka na binji; nobwo ciguma conene cikwânîne.

Yowane 1:38

Yezu akabaga­na, abona bamukulikîre; anacibadôsa, erhi: «Cici mwalonza?» Nabo, mpu: «Rabi -kwo kuderha Muyigîriza- ngahi ôbà?»

Yowane 1:49

Natanaeli amubwîra, erhi: «Rabi, we Mwene Nyamuzinda, we mwâmi w’Israheli».

Yowane 10:3

Oli oku lumvi anamuyigulire, n’ebibuzi binayumve izù lyâge. Anahamagale ebibuzi byâge ciguma ciguma, anabihuluse.

Yowane 11:28

Erhi ayûs’iderha ebyo binwa, aj’ihamagala mwene wâbo Mariya. Amuhwehwerheza, erhi: «Omuyigîriza kwo ali kuno, akuhamagîre».

Yowane 13:13

Kwo munderha mpu Muyigîriza na Nyakasane, n’okwo muderha kwo binali, bulya ndi ye.

Yowane 20:28

Toma ashuza, erhi: «Nyakasane, Nyamuzinda wâni».

Yowane 3:2

Anacijà emwa Yezu budufu, amubwîra, erhi: «Rabi, rhumanyire oku we Mwigîriza warhumagwa na Nnâmahanga; ntâye wa­nkajira ebisômerîne odwîrhe wajira nka Nyamuzinda arhali bo naye».

Yowane 5:2

Aha maziba g’ebibuzi, omu cishagala c’e Yeruzalemu, habà iriba liderhwa Betesta omu ciyahudi. Eryo iriba lijira mbaraza irhanu.

Yowane 6:25

Erhi bamushimâna ishiriza, bamudôsa, mpu: «Yâgirwa, mangaci wahikaga eno?»

Ebijiro 10:3

Lêro, anacibonekerwa. Zàli nka nsâ mwenda z’omûshi. Abona bwinjinjà malahika wa Nyakasane ajà omu mwâge, anamubwîra, erhi: «Korneliyo!»

Ebijiro 9:4

Acîrhimba oku idaho, ayumva izù lyamuyakûza, erhi: «Saulu, Saulu, bici wandibuziza?»

1 Samweli 3:10

Oku bundi Nyamubâho ashubiyisha, ayêgera, ashubihamagala nka kulya kwa burhanzi erhi: Samweli! Samweli! Naye Samweli ashuza erhi: «Ombwîre Yâgirwa bulya mwambali wâwe arhezire amarhwîri».

1 Samweli 3:6

Ci Nyakasane ashubirira okuhamagala Samweli; Samweli akanya emunda Eli ali amubwîra erhi: Niono ohamagîre. Eli amushuza, erhi: Ntakuhamagiri mwâna galuka ojigwîshira.