Yowane 2:6 - BIBLIYA NTAGATIFU OMU MASHI

⁶ Hàli rhubindi ndarhu rhwa mabuye, rhw’okuhiramwo amîshi Abayahudi bakalaba, ngasi kaguma ka ngero ibiri erhi isharhu.

Yowane 2:6 ပူးပေါင်းရင်းမြစ်များ

Luka 16:6

Naye, erhi: «Mirengo igana ya mavurha». Amubwîra, erhi: «Yanka ecêrhè câwe, bwârhala, oyandike duba makumi arhanu».

Yowane 2:7

Yezu ababwîra, erhi: «Yunjuzi orhu rhubindi mîshi». Barhumbumba kuhika oku muhiro.

Yowane 3:25

Hanacizûka akadali ekarhî k’abaganda ba Yowane n’Omuyahudi oku kucishuka.

Befezi 5:26

mpu ayijire ntagatîfu anayicêse omu kuyishuka n’amîshi haguma n’oluderho.

Bahabraniya 10:22

rhuyegerage n’omurhima gurhalimwo bulyâla omu buyêmêre bwimâna; emirhima yîrhu ecêsibwe ngasi bubî buyirimwo, n’emibiri yîrhu eshukwe n’amîshi gashongwîre.

Bahabraniya 6:2

enyigîrizo z’obubatizo n’ez’okulambûlirwa amaboko oku irhwe, ez’obufûke bw’abàfîre n’ez’olubanja lw’ensiku n’amango.

Bahabraniya 9:10

Bulya gali marhegeko gayêrekîre eby’omubiri, nk’ebiryo, n’ebinyôbwa, n’okucîkalaba kwa ngasi lubero. Ebyo byoshi biri birhegeke kuhika amango g’omuhindo muhyâhya.

Bahabraniya 9:19

Bulya erhi Mûsa àyûsibwîriza olubaga lwoshi amarhegeko n’oku ngasi liguma linadesire, àyanka omukò gw’ebimasha n’ebihebe, haguma n’amîshi n’obwôya bw’omuduku n’orhubabi rhw’enkangûlo, àshahiza oku citabu conênè n’oku lubaga lwoshi, erhi: