Yowane 17:6 - BIBLIYA NTAGATIFU OMU MASHI

⁶ Abantu warhenzagya igulu obampà, nabamanyisize izîno lyâwe. Bâli bâwe, wabampa, banashimba akanwa kâwe.

Yowane 17:6 ပူးပေါင်းရင်းမြစ်များ

Ennanga 119:11

Nsegîze akanwa kâwe oku murhima, nti ndeki hemuka.

Ennanga 22:22

Onkûle omu kanwa k’entale, n’obunyi bwâni oburhange oku mahembe g’embogo.

Lubungo 9:16

Ci alaga ecàrhumire nakuleka: nti nkuyêreke obuhashe bwâni lyo bamanyîsa izîno lyâni omu igulu lyoshi.

Migani 2:10

Amango omurhima gwâwe gwâjâmwo oburhimanya, n’obumanye bushagaluse omurhima gwâwe

Migani 23:23

Olonze okumanya okuli, ci orhabâga: «mpemba-nkubwîre» ocîhangâne omanye oburhimanya, ihano n’okumany’iyumva.

Yowane 1:18

Ntà muntu ciru n’omuguma osag’ibona Nyamuzinda; Omugala cûsha yêne, ôbà muli Îshe, ye warhumanyisagyaye.

Yowane 12:28

Larha, kuza izîno lyâwe!» Izù lyanacirhenga emalunga, erhi: «Nalikuzize nanacîlikuza kandi».

Yowane 15:19

“Mu­cibâga b’igulu, igulu lyankasîmire ecalyo; ci kulya kubà murhali b’igulu, bulya erhi ncimmwîshoga nammuyegûla n’igulu, igulu likola limmushomba”.

Yowane 15:3

“Okuca, mîra mwacâga, eci­nwa nammubwîzire cirhumire”.

Yowane 15:7

“Mukambêramwo n’ebinwa byâni bikasêra omu mirhima yinyu, muhûne ngasi coshi mulonzize, mwâcibona”.

Yowane 17:12

Erhi nciri nabo, nakâg’ibalanga oku izîno lyâwe abà wampâga. Nabalanzire, na ntà muguma wahezire muli bo, aha nyuma ly’o­mwâna w’omuhera, mpu lyo okwayandisirwe kuyunjula.

Yowane 17:14

Nabahîre akanwa kâwe, igulu lyabashomba, bulya barhali b’igulu, nk’oku nâni ntali w’igulu.

Yowane 17:16

Barhali b’igulu, nk’oku nâni ntali w’igulu.

Yowane 17:2

na bulya wamuhîre obuhashe kuli ngasi ciremwa, lyo ashobôza abà wamuhîre boshi akalamo k’ensiku n’amango.

Yowane 17:24

Larha, nnonzize abà wampîre nabo babè nâni aha ndi, lyo babona irenge wampîre, bulya wanzigîre embere z’okulemwa kw’igulu.

Yowane 17:26

Nabamanyîsize izîno lyâwe, nanacibamanyîsalyo, lyo obuzigire wa­nzigîre bubà muli bo, lyo nâni mbà muli bo».

Yowane 17:7

Buno bakolaga bamanyire oku ebi wampîre byoshi emwâwe birhenga;

Yowane 18:9

Ebyo byoshi mpu lyo cirya cinwa aderhaga ciyunjula, erhi: «Muli abà wampâga, ntahezagya ciru n’omuguma».

Yowane 6:37

Ebi Larha ampà byoshi byajà emunda ndi, n’ojire emunda ndi ntakamukwêba embuga;

Yowane 6:39

Naye owantumaga alonza mpu ntarheraga bici muli birya ampâga, ci mpu mbifûle olusiku luzinda.

Yowane 8:51

Okuli, okuli, mmubwîzire, oshimba ebinwa byâni arhakabona lufù ciru n’eliguma».

Yowane 8:52

Abayahudi bamubwîra, mpu: «lêro rhwamâmanya bwinjà oku shetani akulimwo. “Abrahamu afîre, n’abalêbi nabo bafà; nâwe, mpu”: “Oshimba ebinwa byâni arhakabona lufù ciru n’eliguma!”

Ebijiro 13:48

Erhi abapagani bayumva ebyo binwa, basîma, barhondêra bakuza akanwa ka Nyakasane, na ngasi boshi bâli bacîshogîrwe obuzîne bw’ensiku n’amango bayêmêra.

Barom 11:2

Nnâmahanga arhakabuliraga olubaga lwâge acîshogaga kurhenga mîra. Nkabaga kuhaba muhabire kurhi Amandiko gadesire kuli Eliya erhi acîduduma emwa Nnâmahanga mpu alega Israheli?

2 Bakorinti 4:6

Bulya Nyamuzinda waderhaga mpu omu omwizimya murhenge obumoleke, yêne ye wanamolekeraga omu mirhima yîrhu, mpu obulangashane bw’irenge lya Nyamuzinda liri ebusù bwa Kristu bumanyibwe.

Bakolosi 3:16

Oluderho Lwa Kristu lusêre bwenêne omu mirhima yinyu. Mukaz’ilubwirizanya, munakaz’ihanûlana n’obushinganyanya. N’omurhima gwinyu gwoshi mukâyimbira Nnâmahanga ennanga, ebîtakîro n’enyimbo z’obunya-mûka, munakamuvuga omunkwa.

2 Timoteyo 1:13

Oshimbe olwiganyo lw’ebinwa nkana wayumvagya omu kanwa kâni, omu buyêmêre n’omu buzigire bubà muli Kristu Yezu.

Bahabraniya 2:12

Namanyîsa balumuna bâni izîno lyâwe; omu ndêko y’olubaga nayimba irenge lyâwe.

Bahabraniya 3:6

Ci Kristu yêhe kwo ali mwemêzi nka mwene-nna-nyumpa, mpu arhegeke abâmwo boshi. N’eyo nyumpa, yo rhwe, caziga rhusêre burhashuba-nyuma oku bulangâlire n’oku mwishingo gw’oku rhwâhike omu mpingu.

1 Petro 1:1

Petro, ntumwa ya Yezu Kristu, oku bîshogwa bashandabîne omu Ponto, omu Galasiya, omu Kapadociya, omu Aziya n’omu Bitiniya.

1 Yowane 5:20

Kandi rhuyishi oku Mugala wa Nyamuzinda ayishire, n’oku a­rhushobôzize obukengêre bw’okumanya Nn’okuli. N’oyo Nn’okuli rhuli muli ye, omu Mugala Yezu Kristu: Ye Nyamuzinda w’okuli, ye na Buzîne bw’ensiku n’amango.

Mafulûlo 2:13

Ntahabiri aha oyûbaka; ho entebe ya Shetani ebà. Izîno lyâni oligwêrhe buzibu, orhanahakanaga bwanyêmêra, ciru na mwo zirya nsiku omuhamîrizi wâni w’okunali Antipa anigira­gwa emwinyu, eyo munda Shetani ayûbaka.

Mafulûlo 3:10

Kulya kubà walanzire akanwa nammusigiraga nti murharhamaga, nâni nkolaga nâkulanga oku mango g’amarhangulo gacihonda oku igulu lyoshi mpu garhangule abantu b’omu igulu.

Mafulûlo 3:8

Ebijiro byâwe mbiyishi. Alà oku lumvi lwigule mpebire embere zâwe, na ntâye wankahash’iluyigala; bulya obuhashe bwâwe buli bunji, wanabul’ilanga ebinwa byâni, n’izîno lyâni orhalihakanaga.