Yowane 17:17 - BIBLIYA NTAGATIFU OMU MASHI

¹⁷ Obajire batagatîfu omu okuli: akanwa kâwe kwo okuli.

Yowane 17:17 ပူးပေါင်းရင်းမြစ်များ

2 Samweli 7:28

Na bunôla Yâgirwa Nyamubâho, wêne we ôbà Nyamuzinda n’ebinwa byâwe bibà by’okuli. Lêro wêne wabwîraga mwambali wâwe akôla kanwa k’omulagi.

Ennanga 119:104

Namâjâga nayumva amarhegeko gâwe, namâjâga nashomba enjira z’obulyâlya.

Ennanga 119:11

Nsegîze akanwa kâwe oku murhima, nti ndeki hemuka.

Ennanga 119:144

Obushinganyanya bw’amarhegeko gâwe bubà bw’ensiku n’amango, onyigîrize mbone akalamo.

Ennanga 119:160

Okuli lyo ifûndo ly’ebinwa byâwe n’obucîranuzi bwâwe bw’obushinganyanya buyôrha buli bw’ensiku n’amango

Ennanga 119:9

Kurhi omusole gusêra omu njira gulimwo? Omu kubîkirira ebinwa byâwe.

Ennanga 12:6

Naye Nnâmahanga, erhi: «Amalibuko g’abazamba» «n’emirenge y’abakenyi erhumire», «nkolaga nayimanga; abalonza obucire nabahêrezabwo.»

Luka 8:11

«Ogwo mugani gw’ogu: “Emburho lwo Luderho lwa Nyamuzinda”.

Luka 8:15

“Nazo ezarhogeraga, omu budaka bwinjà, bo balya bayumvîrhe Oluderho n’omurhima nkana na mwinjà, balushîbirira, banayerakwo amalehe omu bushibirizi bwâbo”».

Yowane 15:3

“Okuca, mîra mwacâga, eci­nwa nammubwîzire cirhumire”.

Yowane 17:19

Ncihânyire nterekêro bo barhumire, lyo nabo bahinduka nterekêro omu okuli.

Yowane 8:32

mwamanya okuli, n’okuli kwammurhenza omu bujà».

Yowane 8:40

Ci mw’abo mwalonza okunyîrha okwenge namammubwîra ebinali nayumvîrhe emwa Nnâmahanga. Okwo A­brahamu arhakujiraga!

Ebijiro 15:9

Arhajira kabôlo ciru n’ehitya ekarhî kîrhu n’akâbo, bulya acêsize emirhima yâbo n’obuyêmêre.

2 Bakorinti 3:18

Ci rhwêhe kuno rhunali, obusù burhali bubwîke, rhudwîrhe rhwabonekamwo irenge lya Nyakasane nk’omu ndolero, rhudwîrhe rhwahindulwa mpu rhushushe n’eyo nshusho, rhulangale kulusha rhunalangashane, nk’oku Nyakasane alonzize, bulya abà Mûka.

Befezi 4:21

akabà mwamuyumvîrhe n’akabà mwayigîrizibwe muli ye nka kulyâla binali muli Yezu.

Befezi 5:26

mpu ayijire ntagatîfu anayicêse omu kuyishuka n’amîshi haguma n’oluderho.

2 Tesalonika 2:13

Rhwêhe rhukwânîne okukâvuga Nnâmahanga omunkwa ngasi mango erhi mwe murhuma, bene wîrhu bazigirwa ba Nyakasane, bulyâla Nyamuzinda acîmmwishozire kurhenga aha murhondêro, mpu ammucize, ammujire batagatîfu n’obuhashe bwa Mûka Mutagatîfu, munayôrhe muyêmîre okuli.

Yakôbo 1:21

Kuziga mukwêbe kulî ngasi byoshi byankamuhemula na ngasi bisigaliza by’obubî, munayankirire n’obwîrhôhye akanwa ka Nyamuzinda karhwêragwa omu mirhima yinyu mpu kammucize.