Yowane 16:14 - BIBLIYA NTAGATIFU OMU MASHI

¹⁴ “Ayish’inkuza, bulya oku byâni ayish’ihuma, ammubwîre”.

Yowane 16:14 ပူးပေါင်းရင်းမြစ်များ

Zakariya 12:10

Nâlumîza Omûka gw’olukogo n’obushibirizi omu nyumpa ya Daudi n’emwa abashizi b’e Yeruzalemu. Okuhandi bânagalamira emunda ndi, erhi olya bàtumirhaga orhumire. Bâmulakire nka nfula, bajè omu mishîbo yâge, nka kula banajirira omwâna w’enfula.

Yowane 14:21

«Omanyire amarhegeko gâni akanagashimba, oyo ye onzigira, na ngasi onzigira, ayish’izigirwa na Larha, nâni namuzigira nanciyêrekeye».

Yowane 15:26

“Mango Omu­rhûlirizi nâmmurhumira kurhenga emwa Larha ayisha, ye Mûka gw’okunali, ohubuka kuli Larha, ayish’impamîriza”.

Yowane 7:39

Aderhaga Mûka Mutagatîfu abamuyêmêre bâli bayish’ihâbwa; bulya barhàl’isâg’ihâbwa Mûka Mutagatîfu, kulya kubà Yezu arhàli aj’ikuzibwa.

1 Bakorinti 12:3

Co cirhumire nammubwîra­kwo: ntà muntu wankabà adwîrhe aderhezibwa na Mûka gwa Nyamuzinda akabul’iderha mpu «Yezu akahera», na ntâye wankaderha mpu «Yezu ye Nyakasane», arhanali oku buhashe bwa Mûka Mutagatîfu.

2 Bakorinti 4:6

Bulya Nyamuzinda waderhaga mpu omu omwizimya murhenge obumoleke, yêne ye wanamolekeraga omu mirhima yîrhu, mpu obulangashane bw’irenge lya Nyamuzinda liri ebusù bwa Kristu bumanyibwe.

Bagalasiya 5:5

Rhwêhe, obushinganyanya rhulangâlira, Mûka Mutagatîfu rhubulongezakwo omu buyêmêre.

1 Petro 2:7

Nêci, kuli mwe obukuze, mwe bemêzi; ci abalahîre okuyêmêra, ibuye abûbasi bagayaguzagya, lyâyish’ibà kaboko ka nyumpa,

1 Yowane 3:23

N’irhegeko lyâge ly’eri: mpu rhuyêmêre izîno ly’Omugala Yezu Kristu, rhunazigirane nka kulya arhurhegekaga.

1 Yowane 5:20

Kandi rhuyishi oku Mugala wa Nyamuzinda ayishire, n’oku a­rhushobôzize obukengêre bw’okumanya Nn’okuli. N’oyo Nn’okuli rhuli muli ye, omu Mugala Yezu Kristu: Ye Nyamuzinda w’okuli, ye na Buzîne bw’ensiku n’amango.

1 Yowane 5:6

Ye Yezu Kristu wayishaga omu mîshi n’omu mukò; arhali omu mîshi mwône, ci omu mîshi n’omu mukò. Na Mûka Mutagatîfu ye hamîriza okwo, bulya Mûka Mutagatîfu ye Kuli.

Mafulûlo 19:10

Nanacicîkwêba aha magulu gâge obwo, nti muharâmye; ci ambwîra, erhi: «Omanye wankajira ntyo! Nâni ndi mushizi akâwe n’aka bene winyu bagwêrhe obuhamîrizi bwa Yezu. Oharâmye Nyamuzinda erhi ye. Bulya obuhamîrizi bwa Yezu buli mûka gwa bulêbi».