Yowane 15:6 - BIBLIYA NTAGATIFU OMU MASHI

⁶ “Orhambêzirimwo, anakabulirwa embuga nk’ishami, ayûme; n’amashami mûmu banagarhôle, bagajugunje omu cibêye, gasingônoke”.

Yowane 15:6 ပူးပေါင်းရင်းမြစ်များ

2 Samweli 23:7

Omuntu wayihumakwo anarhôla ecûma nîsi erhi lusarhi lw’itumu ayikwêbe oku cîko esingônoke loshi.

Ayubu 15:30

Arhakacifuma endunduli, engulumira yamalîra emishabuka yâge, Anahirigirhe n’omûka gw’ekanwa ka Nyamuzinda.

Ennanga 80:15

Hindamuka Nnâmahanga w’emirhwe, hindamuka olîke amasù kurheng’emalunga obone, onayishe orhandûle ogu muzâbîbu.

Izaya 14:19

“Ci wêhe bakukabulire buzira cûsho nk’ishami libozire, omu kâgarhî k’abalindamboho bàyirhagwa n’engôrho bànakabulirwa oku mabuye g’enshinda, nka mufù gudwîrhe gwalabarhwa”.

Izaya 27:10

Nêci, cirya cishagala cizibu-zibu cirhaciyimbwâmwo muntu: cikola cicibêra bigûkà na mushaka nk’irungu. Mwo amanina gakola gayâbuka, mwo gakola gashiramira n’okukerera akahasi.

Ezekiyeli 17:9

Oderhe, erhi: Ntyâla kwo adesire Nyakasane Nyamubâho. Ka gwahasha? Ka enyunda erhavune emizî yago, enarhenze amalehe gâgo birinde hiyûma ehyâsi hihyâhya byajà kuli gwo, buzira kuderha mpu habè emisî minene n’engabo nyinji y’okugukula oku mizî ya­go?

Mateyo 13:41

“Mwene-omuntu ayish’irhuma bamalahika bâge, bakûle abantu b’enshumi mbî n’ab’amabî omu Bwâmi bwâge”;

Mateyo 27:5

Akwêba galya magerha omu ka-Nyamuzinda, agenda, acîmanika,

Mateyo 3:10

“Lêro embasha ekola eri aha cisiki c’emirhi. Na ngasi murhi gurhajira malehe minjà gwatûbwa gunakwêbwe omu muliro”.

Mateyo 7:19

Ngasi murhi gurhayanyiri malehe minjà, gunatûbwe, gukwêbwe eciko.

Yowane 15:2

“Ngasi ishami lindikwo lirhayâna malehe analihagule, na ngasi ishami liyâna amalehe analishogolere mpu lyo liyâna kulusha”.

Bahabraniya 10:27

na ntà kundi kucisigîre okurhali kutwîrwa olubanja lukali n’okukwêbwa omu ngulumira y’omuliro, yàyish’isingônola abagoma.

2 Petro 2:20

Obûla bàrhenzire omu bubî bw’igulu omu kumanya Nyakasane n’Omucunguzi Yezu Kristu erhi bankacîrikirira n’okubushubîrira, obwôrhere bwâbo bwa buzinda erhi bukola buhindusire bubî kulusha obw’oburhanzi.

1 Yowane 2:19

Muli rhwe bàrhengaga, ci bàrhali ba muli rhwe; bulyâla bacibâga ba muli rhwe, rhinga babêzire haguma nîrhu. Ci kwàli kukwânîne kubonekane n’obwâlagale oku boshi ba­rhàli ba muli rhwe.

Mafulûlo 20:15

Na ngasi yêshi orhàli muyandike omu citabu c’obuzîne, bâmukwêba omu Cîna n’omuliro.

Mafulûlo 21:8

Nabo abwôba, ababula­buyêmêre, abarhankakwirirwa, ebishumûsi n’abahushi, abalozi n’abagashâniza ebiremwa, na ngasi babêshi boshi, ogwâbo mwanya omu cîna c’engulumira y’omuliro n’ey’ecibiriti guli: olwo lwo lufù lwa kabiri».