Yowane 15:20 - BIBLIYA NTAGATIFU OMU MASHI

²⁰ “Kengêri akanwa nammubwîraga: Omushizi arhankalusha nnawâbo. Erhi banti­ndibuza, ninyu bâmmurhindibuze; akabà bayumvirhîze akanwa kâni, n’akinyu bâkayumvirhize”.

Yowane 15:20 ပူးပေါင်းရင်းမြစ်များ

Ezekiyeli 3:7

Ci bene Israheli barhalonzizi okukuyumva, bulya barhalonza okunyumva; kulya kubà enyumpa y’Israheli yoshi eri ya cikanyi-cirhagomba n’omurhima muzibu.

Mateyo 10:24

Owayîga arhalusha omuyigîriza, n’omushizi arhalusha nnâha­mwâbo.

Marko 10:39

Nabo, mpu: «Rhwanahasha». Yezu ababwîra, erhi: «Akabehe nayîsh’inywa, kôhe mwâkanywa, n’obuhatizo nayîsh’ibatizibwa, mwâbubatizibwa.

Luka 2:34

Simeoni anacibagisha, abwîra nnina Mariya, erhi: «Omanye oku oyu mwâna ayishire mpu abè iherero n’iciriro lya banji omu Israheli, abè cishombanya;

Luka 6:40

“Owayiga arhalusha omuyigiîriza; ci omwigîrizibwa mwimâna abà nk’omwigîriza wâge”.

Yowane 10:31

Abayahudi balêrha amabuye mpu bamubandego.

Yowane 11:57

Abajinji b’abadâhwa n’Abafarizeyi bâli erhi bàrhegesire mpu owamanye ah’ali anababwîre, bagend’imugwârha.

Yowane 13:16

Okuli, okuli, mmubwîre, omushizi arhalusha nnawâbo, n’omuganda arhalusha owamurhumaga.

Yowane 5:16

Okwo kwarhuma Abayahudi barhondêra okuhîvulula Yezu mpu bulya akâg’ijira ntyo olwa Sabato.

Yowane 7:32

Abafarizeyi bayumva oku olubaga ludwîrhe lwamukûnga kungan’aho; bàrhuma abaganda mpu bamugwârhe.

Yowane 8:51

Okuli, okuli, mmubwîzire, oshimba ebinwa byâni arhakabona lufù ciru n’eliguma».

Yowane 8:52

Abayahudi bamubwîra, mpu: «lêro rhwamâmanya bwinjà oku shetani akulimwo. “Abrahamu afîre, n’abalêbi nabo bafà; nâwe, mpu”: “Oshimba ebinwa byâni arhakabona lufù ciru n’eliguma!”

Yowane 8:59

Banaciyanka ama­buye mpu bamubandego, ci Yezu acîyongolokera, arhenga omu ka-Nyamuzinda.

Ebijiro 14:22

Bakâzibuhya emirhima y’Abemêzi n’okubahà amahano mpu basêre omu buyêmêre, banakâbabwîra, mpu: «kukwânîne rhugere omu malibuko manji lyo rhuhika omu bwâmi bwa Nyamuzinda».

1 Bakorinti 4:12

Rhudwîrhe rhwarhindibuka n’okukola n’enfune zîrhu. Badwîrhe barhujâcira, nîrhu rhubahè obwangà; badwîrhe barhulibuza, nîrhu rhucîhumbire;

2 Bakorinti 4:9

Barhurhindibuza, ci rhurhali balîkirire; barhukubire, ci rhurhahimirwi.

1 Batesalonika 2:15

balyâla bayîrhaga Nyakasane Yezu n’abalêbi; bâbo bo bàrhulibuzagya; barhasîmîsa Nnâmahanga, banali bashombanyi b’abantu boshi.

2 Timoteyo 3:12

Nêci, ngasi boshi balonza okulama bwinjà omu bukombêdu muli Kristu Yezu, bâbone amalibuko.

1 Samweli 8:7

Nyamubâho abwîra Samweli erhi: «Ojire okwo lubaga lunakuhûnyire bulya arhali we lulahire ci nie lulahire, lurhacilonza ndurhegeke.