Yowane 15:15 - BIBLIYA NTAGATIFU OMU MASHI

¹⁵ “Ntakacimmuderha bambali bâni, bulya omushizi arhishi eci nnawâbo ajira; mmudesire bîra, bulya ngasi byoshi Larha amanyîsize, nammuyigîrizebyo”.

Yowane 15:15 ပူးပေါင်းရင်းမြစ်များ

Ennanga 25:14

Nyakasane abamurhînya abajîsa mahwe, bo anayêreka ebi àli abalaganyize.

Migani 18:24

Hali abîra bakenya omuntu, hali n’abà omuntu arhonya kulusha mwene wâbo.

Amosi 3:7

Okunali, Nyakasane Nyamuzinda arhajira ebi arhamanyisagya abà­rhumisi balêbi bâge,

Mateyo 13:11

Abashuza anababwîra, erhi: «Mwêhe mwahîrwe okumanya amahwe gw’Obwâmi bw’empingu, ci abà bôhe barhakuhâbagwa.

Luka 10:23

Okubundi anacihindamukira abaganda bâge, ababwîra kwâbo, erhi: «Iragi ly’amasù gabwîne ebi mudwîrhe mwabona!

Yowane 12:26

Olonza okunshiga, anshimbe; n’aha ndi, ho n’omwambali wâni ayish’ibà. Omuntu o­nshizire, Larha ayish’imukuza.

Yowane 13:16

Okuli, okuli, mmubwîre, omushizi arhalusha nnawâbo, n’omuganda arhalusha owamurhumaga.

Yowane 15:20

“Kengêri akanwa nammubwîraga: Omushizi arhankalusha nnawâbo. Erhi banti­ndibuza, ninyu bâmmurhindibuze; akabà bayumvirhîze akanwa kâni, n’akinyu bâkayumvirhize”.

Yowane 16:12

“Ncigwêrhe binji by’okummubwîra, ci murhankashub’ibihasha”.

Yowane 17:26

Nabamanyîsize izîno lyâwe, nanacibamanyîsalyo, lyo obuzigire wa­nzigîre bubà muli bo, lyo nâni mbà muli bo».

Yowane 20:17

Yezu amubwîra, erhi: «Orhampumagakwo, bulya ntaj’irheremera emwa Larha. Ci ojage emunda bene wîrhu bali, obabwîre oku nteremîre emwa Larha na Sho, emwa Nyamuzinda wâni na Nyamuzinda winyu».

Yowane 4:19

Nyamukazi, erhi: «Yâgirwa, namâbona oku oli mulêbi.

Yowane 8:26

“Ngwêrhe binji naderha kuli mwe, binji bammutwîrakwo olubanja; ci owantumaga arhaderha ebirhali by’okuli, n’ebi narhenzagya emwâge byo nanderha en’igulu”».

Ebijiro 20:27

“bulyâla ntà mango nalesire kumubwîra obulonza bwa Nnâmahanga”.

Barom 7:15

Nanga, okuli, ebinjira ntabiyumva; bulya arhali ebinnonza okujira byo njira, ci ebi nshomba byo njira.

1 Bakorinti 2:16

Ndi okola omanyire ebi Nyakasane agerêrîze, akaderhaga mpu amuhanûla? Ebi Kristu agerêrîze rhwêhe rhubigwêrhe.

Bagalasiya 4:6

Na bulya muli bâna bâge, Nyamuzinda ahizire omu mirhima yîrhu Omûka gw’Omugala gukayakûza, mpu: «Abba, Larha!»

Befezi 1:9

Arhumanyîsa ihwe ly’obulonza gwâge, gulya muhigo gwâge gw’olukogo ali erhi ahizire muli Kristu,

Befezi 3:5

Ery’ihwe lirhàli lisag’ibwîrwa abantu ba mîra nk’oku likola limanyirwe n’entumwa zâge ntagatîfu n’abalêbi muli Mûka Mutagatîfu:

Bakolosi 1:26

ly’ihwe lyàli lifulike kurhenga emyâka n’emyâka n’oku bantu ba mîra, na buno likola limanyirwe n’ahatagatîfu bâge.

Filemoni 1:16

ci arhaciri nka mujà wâwe, ci kulusha omujà: nka mwene winyu muzigirwa. Ali ye lwoshi lwoshi kuli nie; kanga kulusha abà ye kuli we oku mubiri na muli Nyakasane!

Yakôbo 1:1

Yakôbo, mwambali wa Nnâmahanga n’owa Nyakasane Yezu Kristu, ahânyire omusingo oku milala ikumi n’ibiri eshandabîne omu igulu!

Yakôbo 2:23

Ntyo eci cinwa c’Amandiko cayunjula, ecidesire mpu: «Abrahamu ayêmîre Nnâmahanga, n’okwo kwarhuma abà mushinganyanya, anayirikwa murhonyi wa Nyamuzinda».

1 Petro 1:11

bacîhangâna okumanya mango gahi na bimanyîso­ bici Omûka gwa Kristu gwabalimwo gwakâg’ibalangûla, erhi gukâbabwîriza, embere bibè, amalumwa ga Kristu n’irenge lyânagakulikire.

2 Petro 1:1

Simoni Petro, mwambali na ntumwa ya Yezu Kristu, kuli boshi basho­bwîre obuyêmêre buguma bw’ecitwîro cidârhi akîrhu erhi obushinganyanya bwa Nyamuzinda wîrhu n’omucunguzi Yezu Kristu burhuma.

Yûda 1:1

Yûda, mwambali wa Yezu Kristu, mwene wâbo Yakôbo, oku nshâgi ntonyi muli Nyamuzinda Îshe zalangagwa erhi Yezu orhuma.

Mafulûlo 1:1

Okucîmanyîsa kwa Yezu Kristu ahâbagwa na Nyamuzinda, mpu ayêreke abambali ebiri hôfi bibè. Ako kanwa akamanyîsa erhi arhumira omwambali Yowane malahika.