Yowane 14:13 - BIBLIYA NTAGATIFU OMU MASHI

¹³ Na ngasi kantu mwâhûne Larha oku izîno lyâni, nâmmujirireko, lyo Larha akuzibwa n’Omugala.

Yowane 14:13 ပူးပေါင်းရင်းမြစ်များ

Mateyo 21:22

“Na ngasi coshi mwâhûne n’obuyêmêre omu nsengero zinyu mwâcihâbwe”».

Mateyo 7:7

Muhûne, mwahâbwa; mulonzelonze, mwârhôla; mukomambe, mwâyigulirwa.

Marko 11:24

Co cirhumire mmubwîra: ngasi eci mwâhûne nka mwashenga, mulangâlire oku mîra mwacishobôlaga, mwanacihâbwa.

Luka 11:9

«Nâni mmubwîzire: Muhûne mwahâbwa, mulonze mwarhôla, mukomambe mwayigulirwa.

Yowane 10:30

Larha na nâni rhuli muguma».

Yowane 12:44

Yezu anaciyâkûza n’izù linene, erhi: «Onyêmêra, arhali nie ayêmêra, ci olya wantumaga,

Yowane 13:31

Erhi abà amahuluka, Yezu anaciderha, erhi: «Bunôla Mwene-omuntu amâkuzibwa, na Nnâmahanga akuzîbwe muli ye.

Yowane 14:14

Eci mwâhûne oku izîno lyâni, nâmmujirireco.

Yowane 14:6

Yezu amushuza, erhi: «Nie Njira, nie n’Okuli, nie na Buzîne. “Ntâye wankajà emwa Larha arhanangeziriho”.

Yowane 15:16

“Arhali mwe mwacînyishogaga, ci nie nacîmmwishogaga, nammuyimanza nti mugende, muyâne amalehe, n’amalehe ginyu gabêreho, lyo Larha ammushobôza ngasi kantu mwâmusengere oku izîno lyâni”.

Yowane 15:7

“Mukambêramwo n’ebinwa byâni bikasêra omu mirhima yinyu, muhûne ngasi coshi mulonzize, mwâcibona”.

Yowane 16:23

“Olwo lusiku ntâco mwâcindôse”. “Okuli, okuli, mmubwîre, eci mwâhûne Larha, ammushobôzaco oku izîno lyâni”.

Yowane 16:26

“Agôla mango, mwâhûne oku izîno lyâni. Ntadesiri nti nayîsh’immusengerera emwa Larha”,

Yowane 16:7

“N’obwo ndesire okunali”: “kummukwânîne ngende; bulya nkaba ntagenziri, Omurhûlirizi arhammuyishire; ci nkagenda, nâmmurhumiraye”.

Yowane 4:10

Yezu amushuza, erhi: «Ocimanyaga enshôkano ya Nnâmahanga okanamanya ndi okubwîzire, erhi: “Mpà nâni nnywe”, wakabire we muhûna, naye anakakuhîre amîshi g’obuzîne».

Yowane 4:14

Ci owanywe oku mîshi namuhà, arhakayumva nyôrha ciru n’eliguma; bulya amîshi namuhà gamuhindukamwo iriba lyakahululamwo amîshi g’obuzîne bw’ensiku n’amango».

Yowane 5:19

Yezu anacishuza, ababwîra, erhi: «Okuli, okuli, mmubwîre, Mugala wa Nnâmahanga arhankahash’ijira ebi arhabonaga Îshe ajira: ngasi byoshi Îshe ajira, n’Omugala kwo na kuguma abijira.

Yowane 7:37

Oluzinda lw’olusiku lukulu, lwo lulushire ezindi, Yezu anaciyimanga, ayâkûza n’izù linene, erhi: «Ngasi ogwêrhwe n’enyôrha, ayishe emunda ndi, anywe;

1 Bakorinti 14:13

Co cirhumire, oderha endimi, akwânîne ashenge enshôkano y’okuzihu­gûla.

Befezi 2:18

Nêci, oku rhuli babiri ye rhuhisa hali Îshe muli Mûka muguma yêne.

Befezi 3:12

Ye rhuhà, akabà rhuyêmîre, oburhwâli bw’okuyegera Nyamuzinda buzira bwôba.

Befezi 3:14

Co cirhumire nfukama embere za Nyamuzinda Îshe,

Bafilipi 4:13

Nanahasha byoshi n’oburhabâle bw’Olya onzibuhya.

Bakolosi 3:17

Na ngasi ci­nwa mwankaderha erhi cijiro mwankajira, byoshi mubijire oku izîno lya Nyakasane Yezu, bibè munkwa emwa Larha Nyamuzinda oku bulagizi bwâge.

Bahabraniya 13:15

Oku bulagizi bwâge rhurhûle Nyamuzinda enterekêro y’obukuze ngasi mango, kwo kuderha emburho y’orhunwa rhuhamîriza izîno lyâge.

Bahabraniya 4:15

Bulya rhurhagwêrhi omudâhwa mukulu orhankahash’iyumva olukogo lw’obuzamba bwîrhu: kulya kubà naye àbuyumvîrhe bwoshi akîrhu, kuleka ecâha.

Bahabraniya 7:25

Co cinarhumire anahash’iciza lwoshi abayegera Nyamuzinda oku burhabâle bwâge, bulya abà azîne ensiku n’amango mpu abalagire.

Yakôbo 1:5

Obuzire obushinganyanya muli mwe, abushenge Nnâmahanga, oshobôza boshi burhagera na buzira karhinda; abuhâbwa.

Yakôbo 5:16

Kuziga mukâfulûlirana ebyâha binyu, munakâsengererana, lyo mufuma. Omusengero gw’omushinganyanya washenga n’omurhima gwâge gwoshi gujira buhashe bunji.

1 Petro 2:5

Ninyu mubè nka mabuye gazîne, mujè omu bûbake bw’enyumpa y’obunya-mûka, muhinduke badâhwa batagatîfu b’okurherekêra enterekêro z’obunya-mûka zasîmîsa Nyamuzinda oku bulagizi bwa Yezu Kristu.

1 Yowane 3:22

na ngasi eci rhwankashenga coshi, anarhushobôzaco, kulya kubà rhushimba amarhegeko gâge rhunajira ebi asîma.

1 Yowane 5:14

Rhucîkubagire Nyamuzinda oku erhi rhwankamushenga akantu nk’oku alonzize, anarhuyumvîrhize.