Yowane 13:17 - BIBLIYA NTAGATIFU OMU MASHI

¹⁷ Mukamanya ebyo mukanabijira, mwâbà bany’iragi.

Yowane 13:17 ပူးပေါင်းရင်းမြစ်များ

Murhondêro 6:22

Nûhu ashimba byoshi, nk’oku Nyakasane alimurhegesire, kwo anajizire.

Ennanga 19:11

Zanacîfinjwa kulusha amasholo kulusha amasholo gacìre bwenêne; galushire obûci obununu, ciru n’enshongôle y’obûci.

Lubungo 40:16

Mûsa anacicîbanda omu mikolo, anacijira kulya Nyakasane amurhegekaga kwoshi.

Migani 29:18

Nka ntà mulêbi, olubaga lunabè nka kulya balunika, yêhe w’iragi omuntu oshimba irhegeko.

Yeremiya 11:6

Na Nyakasane anacimbwîra erhi: «omu bishagala bya Yûda n’omu mihanda ya Yeruzalemu oyâkûze mpu: muyumve ebinwa by’eyi ndagâno munabijire.

Ezekiyeli 36:27

Nâkuhiramwo omûka gwâni, nankuhè emisî y’okushimba engeso zâni, ey’okulanga ama­rhegeko gâni n’okugashimba.

Mateyo 12:50

Bulya ngasi yêshi ojira oku Larha oli omu mpingu alonza, ye mwene wîrhu, ye na mwâli wîrhu, ye na nyâmà».

Luka 11:28

Ci yêhe amushuza, erhi: «Iragi lyâbo erhi bo abayumva ecinwa ca Nnâmahanga n’okucilanga!»

Yowane 15:14

“Muli bîra bâni mukajira ebi mmurhegesire”.

Barom 2:13

Bulya arhali abayumvîrhiza amarhegeko kwône bo bêru-kwêru embere za Nnâmahanga, ci abajira oku amarhegeko gadesire bo bayêre.

Bagalasiya 5:6

Kali, muli Kristu, arhali kukembûlwa kujira akamalo, ci obuyêmêre buciyêrekana omu buzigire.

Yakôbo 1:25

Ci ocisêza okumanya irhegeko limâna, lirya irhegeko lijira abantu bantagengwa, akanalisêrakwo, arhâbè wa kuyumva n’okuyibagira, ci wa kujira, oyo ye wabone iragi omu kushimba irhegeko.

Yakôbo 4:17

Ntyo, omanyire aminjà ankajira, akanabula bwagajira, erhi câha ajizire.

Mafulûlo 22:14

«Iragi lyâbo abashuka emyambalo yâbo, lyo balya oku murhi gw’obuzîne, bahîrwe oluhyà, banagerere omu mihango, bajè omu lugo.