Yowane 12:32 - BIBLIYA NTAGATIFU OMU MASHI

³² Nâni bano nyînamulwa kurhenga igulu, nânakululira abantu boshi emunda ndi».

Yowane 12:32 ပူးပေါင်းရင်းမြစ်များ

2 Samweli 18:9

Absalomu anacirhinda kuli bambali ba Daudi. Agôla mango Absalomu ali ashonyire oku ndogomi, ci mpu aciyaka, endogomi yâge yashesherera omu ishaka ly’amashami manji, irhwe lyâge lyanacihangarhana omu mashami ga gulya murhi, asigala ayêrêra omu cirêre, n’endogomi yâge yacîkulira omulindi.

Lwimbo 1:4

«Onkeme nkushimbe, rhukanye! Mwâmi ampesire omu mwâge; We wâbà busîme na bushagaluke bwîrhu. Okusîmwa nâwe kwarhulalusa kulusha idivayi; Bayazize abakusîma».

Izaya 11:10

Mw’olwo lusiku, ecikundukundu ca Yese cayâlagala, cibè cêrekane c’embaga; amashanja gacilongeza aha nshi n’aha nyanya, n’endâro yaco yayunjul’irenge.

Izaya 49:6

Aderha, erhi: «Kuli kunyi okukujira murhumisi wâni, nti ogend’iyimanza amashanja ga Yakôbo, onagend’igalula abàfumire olufù, muli bene-Israheli. Nkujizire kamole k’amashanja, lyo olumîza obucunguzi bwâni kuhika ebuzinda bw’igulu!.»

Hozeya 11:4

Nakàbarhogoza, nakàbashishiriza n’obuzigire; kuli bo kwo naliyôsire nka kula omulezi w’akabonjo akazikanûnugurha omu irhama, na­ kaziyûnamîra emunda ali namuhà ebi àlya.

Mibalè 21:9

Mûsa anacitula enjoka y’omulinga, anaciyimanika oku murhi, n’erhi hankabîre olumirwe n’enjoka, akalola kuli erya njoka y’omulinga, analame.

Yowane 1:7

Ayisha nka muhamîrizi, mpu abè muhamîrizi w’obulangashane, lyo abantu boshi bayêmêra.

Yowane 12:34

Olubaga lwamushuza, mpu: «Ci rhwayumvîrhe omu Citabu c’Amarhegeko oku Kristu àbâho ensiku zoshi. “Kurhi w’oyo ocidesirage, mpu”: “Kukwânîne Mwene-omuntu ayinamulwe?” “Yerigi ndi oyo Mwene-omuntu?”»

Yowane 18:32

Okwo kwoshi mpu lyo akanwa Yezu aderhaga kabà, bulya àli erhi adesire lufù luci ayish’ifà.

Yowane 19:17

Abarhula omusalaba gwâge, arhenga omu Lugo, ajà ahantu haderhwa «hantu h’Empanga», omu cihabraniya «Golgota».

Yowane 3:14

«Kulyâla Mûsa amanikaga enjoka omu irungu, ntyo, kukwânîne Mwene-omuntu ayinamulwe,

Yowane 6:44

“Ntâye wankajà emunda ndi nka Larha wantumaga arhamukulwiri; nâni nayîsh’imufûla olusiku luzinda”.

Yowane 8:28

Obwo Yezu anacibabwîra, erhi: «Amango mwayinamula Mwene-omuntu, lyo mwamanya oku nie Nyamubâho n’oku ntâco njira oku bwâni bwâni; ebi Larha anyigîrizize byo nderha,

Bagalasiya 3:13

Kristu arhufumize okuhehêrerwa kw’amarhegeko, erhi yêne ayêmêra okuhehêrerhwa rhwe rhurhumire, bulya kuyandisirwe, mpu: Ahehêrerwe ngasi yêshi oli munanike oku murhi!

1 Timoteyo 2:6

wacîhânaga yêne mpu abè mpongano oku bantu boshi. Obwo bwo buhamîrizi Nnâmahanga yêne ahânaga omu mango ali erhi atwîre,

Bahabraniya 2:9

Ci olya warhangag’ijirwa munyi kuli bamalahika, Yezu, y’oyo okolaga ayambîrhe ishungwè ly’irenge n’obukuze, bulyâla ababîre anafà. Kwanali kukwânîne arhang’ifà, lukogo lwa Nyamuzinda na bunguke bwa ngasi muntu birhumire.

1 Petro 2:24

Ye wacîbarhuzagya ebyâha bîrhu omu mubiri gwâge oku murhi gw’omusalaba, mpu lyo rhufa oku byâha, rhunalamire obushinganyanya. Nêci, bibande byâge byàrhufumagya.

1 Petro 3:18

Ntyo kwo Kristu naye afîre liguma kwa lwoshi oku byâha by’abantu; ye mwêru-kwêru afîra abanya-byâha, mpu arhuhise kuli Nnâmahanga; bulya anizirwe omu mubiri, ci agalulirwa obuzîne bw’Omûka.

1 Yowane 2:2

Ye mpyûlo y’ebyâha bîrhu, a­rhanali ya bîrhu byônene, ci n’eby’igulu lyoshi.

Mafulûlo 5:9

Erhi banadwîrhe bayimba olwimbo luhyâhya, mpu: «Nêci, okwânîne oyanke eci citabu onahamûle orhuhamikizo rhwâco, bulya wanizirwe, warhucungwîre n’omukò gwâwe, warhuhà Nyamuzinda, rhwe b’omu ngasi mulala, n’omu ngasi lulimi luderhwa, n’omu ngasi ishanja, n’omu ngasi cihugo,