Yowane 12:20 - BIBLIYA NTAGATIFU OMU MASHI

²⁰ Omu bantu baliyishir’iharâmya oku lusiku lukulu, mwâli Abagereki.

Yowane 12:20 ပူးပေါင်းရင်းမြစ်များ

Izaya 11:10

Mw’olwo lusiku, ecikundukundu ca Yese cayâlagala, cibè cêrekane c’embaga; amashanja gacilongeza aha nshi n’aha nyanya, n’endâro yaco yayunjul’irenge.

Marko 7:26

Oyo mukazi àli mupagani, Mufenisi w’e Sîriya. Anacimusengera mpu amukûlire shetani omu mwâna.

Yowane 12:1

Erhi hasigala nsiku ndarhu embere za Basâka, Yezu ajà e Betaniya, emunda Lazaro afûlaga àbâga.

Yowane 12:19

Obwo Abafarizeyi bakâbwîrana, mpu: «Ka murhabwîni oku murhamuhashe! Obu Olubaga lwoshi lumushimbire!»

Yowane 7:35

Nabo Abayahudi bakâbwîrizanya, mpu: «Ngahi aho ajà, rhubule kumubona? “K’ajà omu Buyahudi bashandabîne emw’abapagani, agend’iyigîriza abapagani?”

Ebijiro 14:1

Byanacibà ntyo! Nka kulya banakomereraga okujira, e Ikoniya bajà omu sinagogi y’Abayahudi; banacishambâla bwinjà, ciru engabo nyinji y’Abayahudi n’Abagreki bayêmêra.

Ebijiro 16:1

Okubandi, ahika e Derba n’e Listra. Yali omuganda, izîno lyâge Timoteyo. Nnina àli Muyahudi mwemêzi, ci îshe àli mugereki.

Ebijiro 17:4

Baguma muli bo banaciyêmêra, bashimba Paolo na Sila, n’abandi mwandu b’omu bapagani barhînya Nyamuzinda, n’engabo y’Abagereki n’abagoli barhali banyi.

Ebijiro 20:21

“nabwîra Abayahudi n’abapagani nti bacîyunjuze, bashige Nyamuzinda, banayêmêre Nnawîrhu Yezu”.

Ebijiro 21:28

banabanda orhuhababo, mpu: «Bene Israheli, muhâbwe! Lêro yêshi oyu olya muntu okâyigîriza hoshi na hoshi okugomera ishanja lîrhu n’Amarhegeko gîrhu n’aka Ka-Nyamuzinda. Ciru anahumânyize ahâla hantu hatagatîfu ene alêrhamwo Abagereki».

Ebijiro 8:27

Anaciyimuka, agenda. Obwo hanacigera mulume muguma w’Etiyopiya. Ali mulamba murhonyi wa Kandasi, mwâmi-kazi w’Etiyopiya, na murhegesi w’ebirugu byâge byoshi. Al’iharâmya e Yeruzalemu,

Barom 1:16

Emyanzi y’Akalembe ntayibêra nshonyi; bulya eri misî ya Nnâmahanga ociza ngasi mwemêzi, burhanzi Omuyahudi, kandi Omugereki.

Barom 10:12

Bulya ntà kabôlo ekarhî k’Abayahudi n’Abagereki: ali Nyakasane muguma, mwâmi wa boshi, ye shobôza abamushenga boshi;

Bagalasiya 2:3

Ciru na Tito, Omugereki rhwàli rhweshi, barhamusêzagya mpu akembûlwe;

Bagalasiya 3:28

Murhacirimwo Muyahudi erhi Mugereki; murhacirimwo mujà erhi ntagengwa; murhacirimwo mulume erhi mukazi: mweshi muli muguma muli Kristu Yezu.

Bakolosi 3:11

Aha harhaciri Mugereki erhi Muyahudi; harhaciri mukembûle erhi ntakembûlwa, harhaciri ba-ntamanywa n'Abashita; harhaciri bajà erhi bantagengwa: akola Kristu yêne, ye byoshi muli boshi.