Yowane 12:13 - BIBLIYA NTAGATIFU OMU MASHI

¹³ Bahagula amashami g’emishugushugu, bagend’imulinga n’okukayakûza, mpu: «Hozana! Agishwe oyu oyishire oku izîno lya Nyakasane, ye Mwâmi w’Israheli!»

Yowane 12:13 ပူးပေါင်းရင်းမြစ်များ

Izaya 44:6

Kwo adesire ntyâla Nyakasane, mwâmi w’Israheli, muyôkozi wâge, Nyakasane Nyamuzinda w’Emirhwe: Nie murhanzi, nie na muzinda, ntà wundi nyamuzinda kuleka nie!

Hozeya 3:5

Buzinda bwenêne bashubigaluka emunda Nyakasane ali, bayêrekera emwa Nyamuzinda wâbo n’emw’obûko bwa Daudi mwâmi wâbo. Omu nsiku zâyisha balongereza n’obukenge obusù bwa Nyakasane n’ebinja Nyakasane abâna.

Ben Levi 23:40

Oku lusiku lurhanzi mwanarhôla oku malehe g’emirhi yinyu minjà, mwanarhôla omu nfune amashami g’emishugushugu, amashami g’emirhi y’ecishakashaka n’ag’ecikanganyambwe c’oku lwîshi, mukâbihindana n’omwîshingo embere za Nyakasane winyu muli ezôla nsiku nda.

Sofoniya 3:15

Nyakasane akazire obuhane bwakulikwo, alibirha oku mushombanyi wâwe. Nyakasane ye mwâmi w’Israheli oli muli we, ntà buhanya bucikuli­kwo mpu wayôboha.

Mateyo 23:39

Lêro mmubwîre: murhakacishub’i­mbona, kuhika olusiku mwâderhe, mpu: Aganze oyishire oku izîno lya Nyakasane!»

Mateyo 27:42

«Acizize abandi arhankanahash’icîciza yênene! Akabà ali Mwâmi w’Israheli, lêro amanukage kuli ogu musalaba, nîrhu rhumuyêmêre!

Yowane 1:49

Natanaeli amubwîra, erhi: «Rabi, we Mwene Nyamuzinda, we mwâmi w’Israheli».

Yowane 12:14

Yezu abona omucukà gw’endogomi, agushonakwo nk’oku byàli biyandisirwe, mpu:

Yowane 12:15

«Orhayôbohaga, mwâli wa Siyoni; Mwâmi wâwe oyo oyishire, ashonyire oku mucûkà gw’e­ndogomi».

Yowane 19:15

Nabo bayâma, mpu: «Rhenza, rhenza! Omubambe oku musalaba!» Bilato abadôsa, erhi: «Kurhi nankabamba omwâmi winyu?» Abajinji b’abadâhwa bamushuza, mpu: «Ntà wundi mwâmi rhujira orhali Sezari!»

Mafulûlo 15:3

Erhi badwîrhe bayi­mbà olwimbo lwa Mûsa mwabambali wa Nyamuzinda n’olwimbo lw’Omwâna-buzi, mpu: «Ebi wajizire biri bya kusômeza birhanali busha, Nyakasane, Nyamuzi­nda Nn’amahanga goshi! Enjira zâwe zishingânîne zinayumânîne, Yâgirwa Mwâmi w’amashanja!

Mafulûlo 19:16

Ecirondo câge n’olurhungu lwâge biyandisirwekwo er’izîno, mpu: «Mwâmi w’abâmi na Nyakasane wa Ba­nyakasane.»

Mafulûlo 7:9

Enyuma ly’okwo, nabona ehitù hy’abantu barhankaganjwa: bâli ba ngasi cihugo, ba ngasi bûko, na ngasi ishanja, na ba ngasi lulimi luderhwa. Erhi bayimanzire embere ly’entebe y’Omwâna-buzi, banayambîrhe emyambalo myêru, banafumbasire amashami g’emishugushugu omu nfune.