Yowane 12:1 - BIBLIYA NTAGATIFU OMU MASHI

¹ Erhi hasigala nsiku ndarhu embere za Basâka, Yezu ajà e Betaniya, emunda Lazaro afûlaga àbâga.

Yowane 12:1 ပူးပေါင်းရင်းမြစ်များ

Mateyo 21:17

Okubundi, anacibaleka, arhenga omu cishagala, acîjira e Betaniya, atwayo icumbi.

Marko 11:11

Erhi ahika omu Yeruzalemu, ajà omu ka-Nyamuzinda; n’erhi abà amahengûza enyunda zoshi, bulya ecajingwe càli camabà, ahuluka, aj’e Betaniya bo na balya ikumi na babiri.

Luka 24:50

Anacibahulukana, abahêka olunda lw’e Betaniya; alambûla amaboko, abagisha.

Luka 7:37

Hâyisha mukazi muguma munya-byâha w’omu cishagala. Erhi ayumva oku ali oku cîbo omu mw’oyo Mufarizeyi, anaciyish’adwîrhe ecihakabiro c’omugavu.

Yowane 11:1

E Betaniya, emwâbo Mariya na mwene wâbo Marta yali omulume mu­lwâla, mpu ye Lazaro.

Yowane 11:43

Erhi ayûs’iderha ntyo, ayâkûza n’izù linene, erhi: «Lazaro huluka, ojà eno mbuga!»

Yowane 11:44

Nyakufà ahuluka, amagulu n’amaboko mashwêke n’orhutambara, n’obusù bubwîke n’omwenda. Yezu ababwîra, erhi: «Shwêkûliye, mu­muleke agende».

Yowane 11:55

Basâka w’Abayahudi àli hôfi, n’abantu banji bayinamukira e Yeruzalemu mpu bagend’icicêsa.

Yowane 12:12

Erhi buca, erya ngabo y’abantu bâli oku lukulu bayumva oku Yezu ali omu njira y’okujà e Yeruzalemu.

Yowane 12:20

Omu bantu baliyishir’iharâmya oku lusiku lukulu, mwâli Abagereki.

Yowane 12:9

Bayahudi banji bamanya oku ho ali aho, banayisha, arhali Yezu yênene o­rhumire, ci mpu babone na Lazaro afûlaga.