Yowane 11:48 - BIBLIYA NTAGATIFU OMU MASHI

⁴⁸ Rhukamule­ka, abantu boshi bamuyêmêra, n’Abaroma bayish’irhuyôkera aka-Nyamuzinda n’obûko bwîrhu».

Yowane 11:48 ပူးပေါင်းရင်းမြစ်များ

Mateyo 22:7

Erhi mwâmi ayumva okwo, akunira, anacirîka engabo zâge, amalîra balya bîsi, n’olugo lwâbo aludûlika muliro.

Mateyo 22:9

Ci mugendage, mujè omu mashanganyizo g’enjira, na ngasi yêshi mwankashimâna, mumuhamagale ayishe oku buhya».

Mateyo 24:15

Amango mukabona birya bibî bibî byalêbagwa na Daniyeli biri omu hantu hatagatîfu (owasoma ayumve)!

Mateyo 27:25

Olubaga lwoshi lwashuza, lwaderha, mpu: «Omukò gwâge kuli rhwe n’oku bâna bîrhu!»

Luka 11:52

Buhanya bwinyu, mwe bashamuka b’ihano! Bulya mwayansire olwigulo lw’obumanye. Mwene murhacimujaga, nabo abàli bamujà, mwabahagalika!»

Luka 8:12

“Abâli eburhambi bw’enjira, bo balya bayumvîrhe; okubundi shetani ayisha, arhwêrûla lulya Luderho, omu mirhima yâbo, mpu lyo balek’iyôkoka bakayêmêra”.

Yowane 1:7

Ayisha nka muhamîrizi, mpu abè muhamîrizi w’obulangashane, lyo abantu boshi bayêmêra.

Ebijiro 5:28

«Ka rhurhammuhanzagya n’obwâlagale nti murhakâg’iyigîriza muli eryo izîno? Mw’oyo mwalumîzize enyigîrizo zinyu omu Yeruzalemu! Wabona mwalonza omukò gw’oyo muntu rhubè rhwe gutumuzibwa!»