Yowane 11:47 - BIBLIYA NTAGATIFU OMU MASHI

⁴⁷ Abajinji b’abadâhwa n’Abafarizeyi kwo kujà ihano, mpu: «Cici rhwâjira obu oyo muntu adwîrhe ajira ebisômerîne binji?

Yowane 11:47 ပူးပေါင်းရင်းမြစ်များ

Mateyo 26:3

Okuhandi abajinji b’abadâhwa n’abagula b’olubaga bashimânana omu côgo c’omudâhwa mukulu, oderhwa Kayifa.

Mateyo 5:22

Ci niehe mmubwîzire oku ngasi yêshi wabîkire owâbo oburhè, ayish’ihanwa omu lubanja. Naye owabwîre owâbo mpu kadunduguli, akwânîne okuhanirwa e kagombe. N’owabwîre owâbo mpu musirhe, âyish’ihanwa omu nyenga y’omuliro.

Marko 14:1

Hali hacisigîre nsiku ibiri embere z’olwa-Basâka n’olw’emigati erhali­ mwo lwango. Abajinji n’abashamuka b’ihano bakâg’ilonza oku bankamugwârha n’obwenge n’oku bankamuyîrha.

Luka 22:2

Abajinji b’abadâhwa n’abashamuka b’ihano bakâg’ilonza oku bankayirhamwo Yezu, bulya bakâg’iyôboha olubaga.

Yowane 11:57

Abajinji b’abadâhwa n’Abafarizeyi bâli erhi bàrhegesire mpu owamanye ah’ali anababwîre, bagend’imugwârha.

Yowane 12:19

Obwo Abafarizeyi bakâbwîrana, mpu: «Ka murhabwîni oku murhamuhashe! Obu Olubaga lwoshi lumushimbire!»

Yowane 2:11

Co cisômerîne cirhanzi ca Yezu eco. Acijiraga e Kana omu Galileya. Ayêrekana irenge lyâge, n’abaganda bâge bamuyêmêra.

Yowane 6:2

Abantu mwandu erhi bamushimbire, bulya bâli bamâbona ebisômerîne akâg’ijirira abalwâla.

Yowane 7:32

Abafarizeyi bayumva oku olubaga ludwîrhe lwamukûnga kungan’aho; bàrhuma abaganda mpu bamugwârhe.

Yowane 7:45

Abaganda banacishubûka, bajà emw’abajinji b’abadâhwa n’Abafarizeyi. Nabo babadôsa, mpu: «Carhumire murhamulêrha?»

Ebijiro 5:21

Bayumva ako kanwa, n’erhi bunaca, bajà omu ka-Nyamuzinda, barhondêra okuyigîriza. Lêro omudâhwa mukulu anaciyisha bo n’abà bâli boshi. Bahamagala abashamuka b’ihano likulu na ngasi bagula b’omu bene Israheli. Okubundi bàrhuma abaj’ilêrha Entumwa omu mpamikwa.

Ebijiro 5:24

Erhi bayumva okwo, omurhambo w’aka-Nyamuzinda n’abajinji b’abadâhwa bazânwa, bakadôsanya mpu lêro kwo kurhi okwo.