Yowane 1:38 - BIBLIYA NTAGATIFU OMU MASHI

³⁸ Yezu akabaga­na, abona bamukulikîre; anacibadôsa, erhi: «Cici mwalonza?» Nabo, mpu: «Rabi -kwo kuderha Muyigîriza- ngahi ôbà?»

Yowane 1:38 ပူးပေါင်းရင်းမြစ်များ

1 Bâm 10:8

“Iragi lya bambali bâwe n’abarhumisi bâwe bakub’eburhambi; barhanahwa barhayumva n’okubona obushinganyanya bwâwe”.

Ennanga 27:4

Kantu kaguma konene nsengîre Nnawîrhu, kanali k’aka: nti mbêre nâni omu bwâmi bwa Nyakasane ensiku zoshi z’obuzîne bwâni, lyo ncîshingira oburhonyi bwa Nyakasane, ndole n’oku ndâro yâge.

Migani 13:20

Okômera abagula naye anabè mugula, okômera abahwinja anashube wundi

Migani 3:18

Bubà murhi gwa kalamo oku muntu obufumbasire; n’obugwêrhe anashube muntu obêrîrwe.

Migani 8:34

Ali muny’iragi omuntu wanyumva, omuntu oyîza ngasi lusiku aha nyumvi zâni.

Ndûlù 5:19

Ci kwône wêhe, Nyakasane, ôbà Mwâmi ensiku zoshi, we yôrha orhegeka omu myâka n’emyâka.

Luka 10:39

Oyo mukazi àli agwêrhe omulumuna, izîno lyâge ye Mariya; yêhe acibwârhalira aha magulu ga Nyakasane, akayumva ebinwa byâge.

Luka 14:25

Ngabo nyinji yamukulikira. Anacihindamuka, ababwîra, erhi:

Luka 15:20

“Anacigandûla, ajà emw’îshe”. “Erhi abà aciri kuli, îshe amulangira, ayumva o­bwonjo bwamugwârha; anaciyisha ali bulibirha, amuyâbabira, amuhôbera”.

Luka 19:5

Erhi Yezu ahahika, agalamira enyanya, amubwîra, erhi: «Zakeyo we, shonôka duba, bulya ene aha mwâwe najà».

Luka 22:61

Obwo Nyakasane akabagana, alikira Petro kwo amasù. Naye Petro akengêra ecinwa Nyakasane àmubwîraga, erhi: «Ene, embere oluhazi lubike, wampakana kasharhu».

Luka 8:38

Olya muntu wàlimwo abashetani amusengera mpu abêre bo naye; ci Yezu amusêzera anamubwîra, erhi:

Yowane 1:37

Balya baganda babiri erhi bayumva ntyo, bashimba Yezu.

Yowane 1:39

Ababwîra, erhi: «Yishi muhabone». Bayisha, babona ah’abâga, banalegerera bo naye olwo lusiku. Zàli nka nsâ ikumi.

Yowane 1:49

Natanaeli amubwîra, erhi: «Rabi, we Mwene Nyamuzinda, we mwâmi w’Israheli».

Yowane 12:21

Banaciyegera Filipo wali w’e Betisayida omu Galileya, bamubwîra, mpu: «Waliha, rhwankasîmire nîrhu okubona Yezu».

Yowane 18:4

Okuhandi, bulya Yezu ali amanyire okwâbà kwoshi, abajayo, ababwîra, erhi: «Ndi mwalonza?»

Yowane 18:7

Ashub’ibadôsa, erhi: «Ndi mwalonza?» Nabo bashuza, mpu: «Yezu w’e Nazareti».

Yowane 3:2

Anacijà emwa Yezu budufu, amubwîra, erhi: «Rabi, rhumanyire oku we Mwigîriza warhumagwa na Nnâmahanga; ntâye wa­nkajira ebisômerîne odwîrhe wajira nka Nyamuzinda arhali bo naye».

Yowane 3:26

Bajà emwa Yowane, bamubwîra, mpu: «Rabi, olya wali naye ishiriza lya Yordani, olya wahamîririzagya, naye akola adwîrhe abatiza, n’abantu boshi badwîrhe bamushimba!»

Yowane 4:31

Ago mango abaganda bâge bakâg’imuyinginga banamubwîra, mpu: «Waliha Mwigiriza, ebiryo bino».

Yowane 6:25

Erhi bamushimâna ishiriza, bamudôsa, mpu: «Yâgirwa, mangaci wahikaga eno?»

Ebijiro 10:21

Petro anaciyandagalira emunda abo bantu bâli, ababwîra, erhi: «Nie ono nie mudwîrhe mwalonza. Bici bimudwîrhe?»

Ebijiro 10:29

Co carhumire ntajira kadali ene mumpamagala. Mumbwîrage eci mumpamagalîre».

RUTI 1:16

Ruti anaciderha, erhi: «Orhansezagya mpu ngende nkuleke, bulya aha wajà ho nâni nankaja, aha wabêra ho nâni nanabêra; olubaga lwâwe lwâbà lwo lubaga lwâni, na Nyamuzinda wâwe abà ye Nyamuzinda wâni.