Yowane 1:14 - BIBLIYA NTAGATIFU OMU MASHI

¹⁴ Nêci, Luderho acîjizire muntu, anabêra muli rhwe. Nîrhu rhwabwîne irenge lyâge, irenge Nyamuzinda-Îshe ahîre Omugala cûsha, oyunjwîre inêma n’okuli.

Yowane 1:14 ပူးပေါင်းရင်းမြစ်များ

Ennanga 2:7

Lekagi nâni mmubwîre akanwa ka Nnâmahanga; àmbwîzire, erhi: «Oli mugala wâni, nie nkubusire ene».

Ennanga 45:2

Omurhima gwâni gukola gwarhengamwo ebinwa bilengehe, nkola nayimbira mwâmi ehimbo hyâni; olulimi lumba ekanwa mugera gwa muntu oyîsh’iyandika duba.

Ennanga 85:9

Ka nyumve ebi Nyakasane Nnâmahanga aderha: binwa bya murhûla bino adwîrhe abwîra olubaga lwâge n’abacêse bâge, byo anabwîra ngasi bayêrekeza omurhima emund’ali.

Izaya 40:5

Okubundi irenge lya Nyakasane lyâciyêrekana na ngasi muntu âlibona, bulya kanwa ka Nyakasane kakudesire».

Izaya 53:2

Akula embere zâge nka mburho yamera, nka muzî gwashoshôka omu idaho lyûmu. Arhàgwêrhe iranga nîsi erhi bwinjà buci bwankarhumire rhwamu­ manyîrira, erhi nshusho yankarhumire rhwamusîma.

Izaya 7:14

Nyakasane yêne akolaga ammuhà ecimanyîso. Alagîco: Omwâna-nyere mubikira amâbà izîmi, amâburha omugala, amânamuyîrika izîno lya Emanûweli.

Ezekiyeli 37:27

Ecihando câni cabêra ekarhî kâbo, nâbà Nyamuzinda wâbo, nabo babè lubaga lwâni.

Mateyo 1:16

Yakôbo aburha Yozefu, ibà wa Mariya, ye nnina wa Yezu, oderhwa Kristu.

Luka 2:11

ene, omu cishagala ca Daudi, Omuyôkozi ammuburhîrwe, ye Kristu Nyakasane.

Luka 2:7

Anaciburha omwâna-rhabana lubere lwâge, amubwîka n’orhushangi, anamugwîshiza omu ciranga, bulya barhabonaga cirâlo omu nyumpa y’ebigolo.

Luka 9:32

Petro n’abâbo erhi bazidohîrwe n’îrò. Erhi basinsimuka, babona irenge lyâge, na balya bantu bo­mbî bayimanzire bo naye.

Yowane 1:1

Aha murhondêro, erhi Luderho ho àbâ, na Luderho àli haguma na Nyamuzinda, na Luderho àli Nyamuzinda.

Yowane 11:40

Yezu amushuza, erhi: «Ka ntakubwîzire nti akabà oyêmîre, wabona irenge lya Nnâmahanga?»

Yowane 14:6

Yezu amushuza, erhi: «Nie Njira, nie n’Okuli, nie na Buzîne. “Ntâye wankajà emwa Larha arhanangeziriho”.

Yowane 14:9

Yezu amushuza, erhi: «Filipo, aga mango goshi ndi ninyu orhanasag’immanya? “Ombwîne erhi abwîne na Larha”. “Kurhi wankaciderhaga, erhi”: “Rhuyêreke Sho?”»

Yowane 17:22

Nabahîre irenge wampâga, nti lyo babà muguma, nka kulya nîrhu rhuli muguma:

Yowane 17:24

Larha, nnonzize abà wampîre nabo babè nâni aha ndi, lyo babona irenge wampîre, bulya wanzigîre embere z’okulemwa kw’igulu.

Yowane 18:37

Naye Bilato, erhi: «Kuziga oli mwâmi?» Yezu amushuza, erhi: «Wakudesire! ndi mwâmi. Naburhagwa nanajà en’igulu nti mpamîrize okuli. Ngasi muntu osîma okuli, ayumvîrhiza izù lyâni».

Yowane 2:11

Co cisômerîne cirhanzi ca Yezu eco. Acijiraga e Kana omu Galileya. Ayêrekana irenge lyâge, n’abaganda bâge bamuyêmêra.

Yowane 3:16

“Nêci, Nnâmahanga azigîre igulu, kuhika abâna Omugala cûsha, mpu ngasi yêshi wâmuyêmêra alek’ihera, ci abone obuzîne bw’ensiku n’amango”.

Yowane 3:18

“Ngasi omuyêmîre, arhahanwa; ci orhamuyêmîri, mîra olwâge lwatûbagwa, bulya arhayêmêraga izîno lya Mugala cûsha wa Nnâmahanga”.

Yowane 6:51

“Nie mugati guzîne gwahonaga empingu; owalya kuli ogwo mugati alama ensiku zoshi; n’omugati nâhâna, gwo mubiri gwâni gwalêrhera igulu obuzîne”».

Yowane 8:32

mwamanya okuli, n’okuli kwammurhenza omu bujà».

Ebijiro 13:33

Nyamuzinda arhuyunjulîzeyo, rhwe bâna bâbo, erhi afûla Yezu, nka kulya biyandisirwe omu lulanga lwa kabirhi, mpu oli mugala wâni, niene nkubusire ene.

Barom 8:3

Bulya ebi amarhegeko garhahashaga erhi buzamba bwa mubiri burhuma, Nyamuzinda yêne abijizire erhi arhuma Omugala omu mubiri gushushire ogwîrhu gw’ebyâha, mpu lyo ahima ecâha, n’omu mubiri gwâge, ayagîriza ecâha,

Barom 9:5

Bashakulûza bâli b’omu ishanja lyâbo; n’oku maburhwa g’omubiri, Kristu ali wa kuli bo, ye mwâmi mukulu w’ebintu byoshi, ye Nyamuzinda mugishe emyâka n’emyâka. Amen!

1 Bakorinti 15:47

Omuntu murhanzi omu bidaka arhengaga, anali w’en’igulu; owa kabiri yêhe arhengaga empingu.

2 Bakorinti 12:9

Naye ambwîra, erhi: «Enshôkano yâni erhakunyihiri; bulya obuhashe bwâni omu buzamba mwo bucîyerekana». Nkolaga nsîmire okulimbira obuzamba bwâni, lyo obuhashe bwa Kristu bumbêramwo.

Bagalasiya 4:4

Ci amango Nnâmahanga ali atwîre erhi gayunjula, arhuma Omugala waburhagwa n’omukazi, aburhwa amango g’Irhegeko,

Befezi 3:8

Nie munyi omu bakristu boshi, nie nashobwîre enshôkano y’okumanyîsa abapagani obuhirhi bwa Kristu burhajira Lugero

Bakolosi 1:19

Bulya Nyamuzinda alonzize okumuhiramwo obwimâna bwoshi,

Bakolosi 2:3

ye bamwo obuhirhi bwoshi bw’obushinganyanya n’obumanye.

Bakolosi 2:9

Bulya muli ye mwo obwimâna bwoshi bw’obunyamuzinda bubà omu mubiri, ninyu mushangîre obwo bwimâna muli ye,

1 Timoteyo 3:16

Nêci, ntâye wankakulahira, liri likulu ihwe rhugashâniza: Lyabonekîne omu mubiri, lyayêra muli Mûka Mutagatîfu, lyabonwa na bamalahika, lyamanyîsibwa omu mashanja, lyayêmêrwa omu igulu, lyahêkwa omu irenge.

Bahabraniya 1:3

Oyo Mugala, ye bulangashane bw’irenge lyâge, ye na nshusho y’obwôrhere bwâge; ye tugika igulu n’oluderho lwâge lugala-byoshi. Erhi abà amârhufumya ebyâha bîrhu, aj’ibwârhala ekulyo kwa Nyamuzinda omu mpingu.

Bahabraniya 1:5

Ka hali malahika Nnâmahanga akola abwîzire, erhi: We Mugala wâni, nie nakuburhaga ene? Nîsi, erhi: Nâbà nie Îshe, naye abè Mugala wâni?

Bahabraniya 10:5

Kwo kwûrhumaga, erhi Kristu ajà en’igulu, aderha, erhi: Orhalonzagya nterekêro na ntûlo; ci wanteganyîze omubiri.

Bahabraniya 2:11

Bulyâla omûmânya n’abâjirwa bimâna nkomôka nguma bajira. Co cirhuma arhabà nshonyi z’okubaderha balumuna, erhi:

Bahabraniya 5:5

Kwo na kwo, arhali Kristu yêne wacîjiraga mudâhwa mukulu, ci olya wamubwîraga, erhi: We Mugala wâni, nie nakuburhaga ene.

1 Yowane 4:14

Na nîrhu rhwono rhwabwîne, rhunahamîrize oku Nyamuzinda Îshe arhumîre Omugala mpu abè Muciza w’igulu.

1 Yowane 4:9

Obuzigire bwa Nyamuzinda kuli rhwe bwamanyikîne erhi Nyamuzinda àrhuma Omugala cûsha en’igulu mpu arhuhè akalamo.

2 Yowane 1:7

Bulya igulu lyazûsiremwo bakanywesi mwandu, barhayêmêra oku Yezu Kristu acîjizire muntu. Y’oyo ye Kanywesi, ye na Antikristu!

Mafulûlo 19:13

Ali ayambîrhe ecirondo cijomire n’omukò, n’izîno lyâge ye Luderho lwa Nyamuzinda.

Mafulûlo 21:3

Nayumva n’izù linene lyarhenga ebwa ntebe, lyaderha, erhi: «Alagi ecirâlo ca Nyamuzinda bo n’abantu: akolaga ahanda haguma nabo, babè lubaga lwâge, naye Nyamuzinda yêne abè haguma nabo».