Yônà 4:11 - BIBLIYA NTAGATIFU OMU MASHI

¹¹ Nâni nie obwînage oku ntankafà mungo kuli Ninive, ecishagala cinene cirimwo bihumbi igana na makumi abirhi, ciru na kulusha, ga bantu barhishi okulyo kwâbo, barhishi okulembe kwâbo, cirimwo n’obusò bw’ebintu!»

Yônà 4:11 ပူးပေါင်းရင်းမြစ်များ

Murhondêro 9:10

rhuderhe omu kutwa bwofi, birya byanarhengaga omu nkugè, ensimba z’igulu.

Ennanga 104:14

We mêza ebyâsi ebihêsi bikera n’olurhendebuka lushalûla omuntu.

Ennanga 36:6

Yâgirwa wêhe olukogo lwâwe luhisire oku nkuba, oburhabêsha bwâwe buhumire oku bitù.

Izaya 1:18

“Muyishe rhujè kadali, kwo Nyakasane adesire. Ebyâha binyu bikaba bidukwîre nka mwambalo gwa kaduku, byahinduka byêru nka lubula; bikaba bidukulîze nka mugôla, byayêruha nka bôya bwêru!”

Izaya 37:37

Senakeribu, mwene Asîriya, agandûla, ashubira e Ninive, abêrayo.

Izaya 7:16

Ci embere nyamwâna amanye okulahira ehibî n’okucîshoga ehinja, eco cihugo c’abôla bâmi bombi badwîrhe bakujugumya, casigala bigûkà.

Yônà 1:2

«Yimuka, ojè e Ninive, cishagala cinene, obabwîre oku obubî bwâbo bwahisire emunda ndi».

Yônà 3:10

Nnâmahanga abona oku badwîrhe batabataba mpu lyo bahindula engeso zâbo. Lêro ashukira, arhacibarhumiraga obuhanya àli amâhiga oku âbarhumira.

Yônà 4:10

Nnâmahanga ashubîrira, amubwîra, erhi: «W’oyu, olubonobono orhakoleraga, orhanaluyuhiriraga, luli lwakuvuna, budufu buguma lwameraga, budufu buguma lwayumire.

Mateyo 18:33

Ka wêki orhàli okwânîne okubabalira owinyu nka oku nakubabaliraga?»

Lushika 1:39

Cikwône abâna binyu barhò, balya mwaderhaga mpu bakolaga bajibà mpira, na bagala binyu, abâla barhacimanya ene ebinja n’ebibî, abôla bo bacîjamwo, bo nacihà bo nanaciyankira cibè câbo.