Yônà 3:4 - BIBLIYA NTAGATIFU OMU MASHI

⁴ Yônà anacihira njira, alambagira omulegerege gwoshi. Akajahamagaza n’okuderha, erhi: «Hacisigîre nsiku makumi anni, Ninive ahongoke.»

Yônà 3:4 ပူးပေါင်းရင်းမြစ်များ

2 Bâm 20:1

Mw’ago mango, Yezekiyahu, endwâla yanacimurhogerakwo alonzifà. Omulêbi Yesha’yahu mwene Amosi anacijà emunda ali anacimubwîra erhi: «Oku Nyakasane adesire kw’oku: Obâge wahâna oburhegesi buzinda hanôla mwâwe, bulya okola walingifa orhanacifume».

2 Bâm 20:6

“Nayûshûla oku nsiku zâwe myâka ikumi n’irhanu. Nakulîkûza we n’olu lugo omu maboko g’omwâmi w’e Asîriya. Nalanga olûla lugo irenge lyâni n’erya mwambali wâni Daudi lirhuma”».

Izaya 30:18

Ci Nyakasane adwîrhe alinga amango ammubabalira; co cirhumire amâyîmuka mpu ammuyêreke olukogo lwâge, bulya Nyakasane abà Nyamuzinda mushinganyanya; iragi lyâbo ngasi boshi bamulangâlira!

Yeremiya 42:10

Mukalonza okudêkerera mw’eci cihugo, namuyûbaka ntakanacimushâba, mmurhwêre ntakanacimushugula, bulya nâni ncîganyize okubî namujirire.

Yônà 3:10

Nnâmahanga abona oku badwîrhe batabataba mpu lyo bahindula engeso zâbo. Lêro ashukira, arhacibarhumiraga obuhanya àli amâhiga oku âbarhumira.

Mateyo 12:41

“Abantu b’e Ninive bayish’ijà omu lubanja n’er’iburha, banaliyagîrize, bulya bacîyunjuzize erhi Yônà abayigîriza, na olushire Yônà, y’ono oli hano!”

Luka 11:30

Bulya, nka kulya Yônà aberaga abantu b’e Ninive cimanyîso, kwo na Mwene-omuntu ayìsh’ibà kuli eri iburha.

Luka 11:32

Abantu b’e Ninive bayish’ijà lubanja n’eri iburha, banaliyâze, bulya bacîyunjuzize erhi bayumva enyigîrizo za Yônà; n’olushire Yônà, y’ono oli hano!»

Lushika 18:22

Omulêbi erhi akabà amâderha omu izîno lya Nyakasane, na kulya aderhaga kurhaciyishire, kulya kurhacibîre, kwo kuderha oku Nyakasane arhadesire kalya kanwa. Kwàli kuhalanjika omulêbi ahalanjikaga: orhayôbohaga oyo.