Yônà 1:6 - BIBLIYA NTAGATIFU OMU MASHI

⁶ Omukulu w’o­ bwârho anacimuyegêra, amuzûsa, amubwîra erhi: «Cirhumire ogweshîre? Zûka, ocîkumbe Nyamuzinda wâwe. Nkaba Nyamuzinda arhukengêra, rhurhagifà.»

Yônà 1:6 ပူးပေါင်းရင်းမြစ်များ

2 Samweli 12:22

Ashuza erhi: «Amango omwâna aciri azîne, naleka okulya, narhondêra n’okulaka, bulya nakâg’iderha erhi: Ndi omanyire? Ka harhali amango Nyakasane ankanfà lukogo n’oyo mwâna alame.

Esteri 4:16

«Ogend’ibwîra Abayahudi banali omu Suza boshi bacîshalise erhi nie ntuma. Murhalyaga murhananywaga miregerege isharhu na madufu asharhu. Oku lwâni lunda, nie haguma na bambalikazi bâni, nacîshalisa kuguma na ninyu. Na hanôla mbà namacîrheganya ntyôla, nanaj’emunda mwâmi ali, gwârhi irhegeko, akabà kufà nafà nanafâga».

Ennanga 107:6

Bayâkûza Nyakasane muli obwo bulagîrire bwâbo, abalikûza muli ago malibuko.

Ennanga 78:34

Oku adwîrhe abanigûza bamulongereza, banakaz’igaluka bal’ilonza Nyamuzinda,

Izaya 3:15

Carhuma mudwîrhe mwandibuziza olubaga n’okulabarhanya abakenyi?» Kwo adesire ntyo Nyakasane Nyamuzinda w’Emirhwe.

Ezekiyeli 18:2

Cici cirhuma mukaziyôrha mwaderha ogûla mugani omu cihugo c’Israheli, mpu: «Balarha balire ebîrhumbwe by’emizâbîbu, amîno g’abânarhabana bâbo gabola?»

Yoweli 2:11

Izù lya Nnâmahanga lyâyumvikane, ashokolire engabo zâge, bulya abamulwira bali banji, bulya ajira obuhashe bunji n’oku adesire kwo kunabà; luli lukulu olusiku lwa Nyamuzinda, lwa kuyôbohya, na ndi wankamuja emalanga?

Amosi 5:15

Mushombe amabî, musîme aminjà, mutwe emmanja kwinjà ekagombe; kwakanaba Nyakasane, Nyamuzinda w’Emirhwe, acibabalira Kasigwa wa Yozefu.

Yônà 3:8

Muyambale sunzu, muharâmye munashenge Nyamuzinda obwonjo oku byâha binyu, muleke okuhimba kwinyu kubî, muleke ebigalugalu by’amaboko ginyu.

Yônà 3:9

Ndi omanyire erhi Nnâmahanga arhankashukira ashube okuboko, aleke obukunizi bwâge arhuyôkole?»

Ebijiro 21:13

Lêro Paolo anacishuza erhi: «Kurhi okwo mudwîrhe mwalaka mwanantwa omurhima?. “Niehe arhali kubohwa kwône ncîrheganyizekwo, ci n’okufîra e Yeruzalemu izîno lya Nyakasane lirhumire”».

Barom 13:11

Câba murhahabiri mango gahi gano rhulimwo. Amango g’okuzûka gahisire. Obucire bukola burhuli hôfi kulusha amango rhwarhondêraga okuyêmêra.

Befezi 5:14

Co cirhuma baderha, mpu: «Tulûka, weri îrò, zûka omu bafù, Kristu âkumolekera».