Yeremiya 9:19 - BIBLIYA NTAGATIFU OMU MASHI

¹⁹ Mwe bakazi muyumvagye akanwa ka Nyakasane amarhwîri ginyu gajemwo oluderho lw’ekanwa kâge. Muyigîrize bâli binyu olu lwimbo lw’endûlù: muyigirizanye mwêne na nene olu lwimbo lw’endûlù.

Yeremiya 9:19 ပူးပေါင်းရင်းမြစ်များ

Izaya 32:9

Mwe bakazi balera-ngolo, yîmuki, muyumve izù lyâni! Mwe binyere birhashîbirira bici, murhege okurhwiri, muyumve akanwa kâni!

Yeremiya 15:1

Nyakasane ambwîra obwo erhi ciru Mûsa na Samweli bakayimanga omu masù gâni, olwo lubaga ntakalubêra lukogo! Obalibirhekwo, bagende bantengeho.

Yeremiya 2:14

K’Israheli aligi mujà nîsi erhi mwâna wa mushizi erhi bamuhêkaga mpira?

Yeremiya 4:13

Lâba oku kashâba asôka nka citù, engâlè yâge kwo eri nka mpûsi, endogomi zâge zo zâkanya kulusha amakozi, rhwamahera! rhwamahwa!

Yeremiya 4:20

Erhi bacîderha mwanzi erhi na gwa buhanya, ecihugo mpu coshi càhire ebihando byâni mpu byàshabûsire. Olwâkiro lwâni mpu lwahirigisire.

Yeremiya 7:15

Nkolaga namukaga muntenge omu masù, kulyâla nakagaga bene winyu bene Efrayimu.

Yeremiya 7:19

Ka nie bababazize, Yekudesire Nyakasane; kali bône bacibabazize, bône bacîbonesize nshonyi?

Yeremiya 7:29

Moma ebiviri byâwe birî-birî, obikabulire. Sôkera oku ntondo mpalangule obandirekwo endûlù. Bulyâla Nyamuzinda amakaga obûko bumugayîsa.

Ndûlù 4:15

Erhi bacibà bagera, abantu bababona banayâkûze abâbo, mpu: «Muyâke, muyâke, abo bali b’izinga! Muyâke, murhabayêgeraga!» Oku bajà balibirha barhanamanyiri ngahi bayêrekîre, abanya-mahanga baderhe, obwo, mpu: «Abà ntâko bankacishinga nsiku eno mwîrhu!»

Ndûlù 5:2

Ebirugu bîrhu binjinjà byanyazirwe n’abandi, n’enyumpa zîrhu zàjibwa­mwo n’entakembûlwa.

Ezekiyeli 27:2

Na­we, wâni mwene omuntu oderhe ebinwa by’okulibuka kwa Tiri.

Ben Levi 18:25

Ecihugo cacîbindisire, co cirhumire ncihanîre obubî bwâco. Na ntyo abalimwo bakazirwe.

Ben Levi 18:28

Erhi mwankahemula ecihugo, k’ecôla cihugo cirhankamushala nk’oku cashalaga amashanja gali gaciyûbasiremwo embere zinyu.

Ben Levi 20:22

Mulange amarhegeko gâni n’engeso zâni zoshi: mukaz’igashimba lyo eco cihugo nammutulira cirhag’imushala.

Mikeyo 2:10

Yimuki, mugende! Harhaciri ha kurhamukira aha. Okuhemuka kwinyu kwârhuma mwârhindibuka bwenêne.

Mikeyo 2:4

“Olwo lusiku mwatwîrwakwo omugani. Mwayimbirwakwo enkumbu, bâyishikâderha mpu: Mwanyazirwe lwoshi lwoshi. Ebirugu by’olubaga lwa Nyakasane bikola omu maboko g’abandi. Israheli bamuhivire omu ishwa lyâge, lidwîrhe lyagabirwa abapagani”.

Lushika 28:29

obone okola wajà watunduguza mûshi-kasirahinga, nka kula omuhûrha gutunduza omu mwizimya, orhanahike ngahi. Amâjira gâwe goshi gabà ga bihekà. Ci kwône walibuzibwa onanyagwe ebyâwe obule n’owakufungira.