Yeremiya 7:11 - BIBLIYA NTAGATIFU OMU MASHI

¹¹ Ka omu kubona kwinyu mw’eyi nyumpa ederhwa n’izîno lyâni likolaga libà ishubûkiro lya bishambo? Niono kubona mbona ntali muhûrha, Kanwa ka Nyakasane.

Yeremiya 7:11 ပူးပေါင်းရင်းမြစ်များ

2 Nganîro 6:33

yâgirwa onayumvîrhize kurhenga empingu, kurhenga ahôla obwârhîre, onajire nk’okwo ow’ecigolo anakuhûnyire, lyo embaga zoshi zimanya izîno lyâwe, bahashikurhînya aka olubaga lwâwe Israheli, banakazimanya oku izîno lyâwe linaderhwe muli enôla nyumpa nayûbakaga.

Izaya 1:12

“Nka muyishir’ibona obusù bwâni, ndi ommubwîra mpu mulabarhe omu byôgo byâni?”

Izaya 56:7

“nâbahêka oku ntondo yâni ntagatîfu nnâbasîmikize omu nyumpa yâni y’okushenga. Embâgwa zâbo n’enterekêro zâbo zâyankirirwa bwinjà aha luhêrero lwâni, bulya enyumpa yâni yakaz’iderhwa nyumpa amashanja goshi gakâshengeramwo”.

Yeremiya 2:34

Ciru n’omu nfune zâwe muli omukò gw’abêru-kwêru: bantu orhagwâsire babasa olumvi! Bacikudôsa ogw’abôla boshi.

Yeremiya 23:24

K’omuntu akacîfulika ahantu habishe mbule bwamubona? Kanwa ka Nyakasane. Ka ntabumbiri empingu n’igulu niono? Kanwa ka Nyakasane.

Yeremiya 29:23

“Kwo kuderha oku bakozire ebirhajirwa omu Israheli, bahusha na bakà omulungu, baderha n’ebinwa by’obunywesi omu izîno lyâni, ntanabarhumiri­ kwo. Mmanyire niene nnampamîrîze, kanwa ka Nyakasane”».

Yeremiya 7:10

mubuliyisha muyimange omu masù mw’eyi nyumpa ederhwa n’izîno lyâni, mpu «rhurhâcibè kurhi!» Kandi mushubirire amaligo ginyu?

Ezekiyeli 35:13

“Embere zâni, wadesire ebinwa by’obucîbone, waluza n’ebinwa by’obukunizi kuli nie, ebyo byoshi nabiyumvîrhe”.

Daniyeli 9:18

Yâgirwa, Nyamuzinda orhege okurhwiri onayumvîrhize; bwîkûla amasù gâwe obone kurhi bàrhushâbîre lulya lugo lwàli irenge erhi izîno lyâwe lirhuma. Rhurhadesiri nti bushi­nganyanya bwîrhu bunji bwo burhumire rhuhisa ezi nsengero zîrhu embere zâwe, ci, bwonjo bwâwe bunji burhumire.

Mateyo 21:13

Anacibabwîra, erhi: «Kuyandisirwe ntya: Enyumpa yâni yâderhwe nyumpa ya kushenga; ci mwêhe mwamayijiraga lukunda lwa bishambo!»

Marko 11:17

Erhi akola abayigîriza, ababwîra, erhi: «Ka kurhayandisirwi ntya: Enyumpa yâni yâderhwe nyumpa ya nsengero oku mashanja goshi? Ci mwêhe mwamayijiraga lukunda lwa bishambo!»

Yowane 2:16

Anacibwîra abarhunzi b’engûkù, erhi: «Rhenzi ebi. Enyumpa ya Larha murhayihindulaga cibuye».

Bahabraniya 4:13

Na ntà ciremwa ciru n’eciguma cirhabonwa na Nyamuzinda: byoshi byoshi bilangashîne binafulwîrwe omu masù g’Oyo wârhubûlanye kw’ebi rhwa­jizire.