Yeremiya 6:7 - BIBLIYA NTAGATIFU OMU MASHI

⁷ Kula iriba lirhengamwo amîshi kwo naye arhengamwo amabî gâge, okutula entambala n’okushâba yo myanzi baderha eyo, omu masù gâni, ngasi mango endwâla n’ebibande.

Yeremiya 6:7 ပူးပေါင်းရင်းမြစ်များ

Migani 4:23

Olange omurhima gwâwe, kulusha ebindi byoshi, gwo gubà nshôko y’obuzîne.

Izaya 1:6

“Kurhangirira oku nshando z’amagulu kuhika oku irhwe, ntà cirumbu cigumaguma: ci bironda byône n’ebibande n’ebihulu byadwa masira, birhasâg’ijakwo bufumu, erhi kurhubwa, erhi kuhirwakwo amavurha”.

Izaya 57:20

Ci abantu babî kwo bali nka nyanja yamâtulûla erhankanacihasha okurhûlûla; emihûsi y’emilaba yâge yanakaz’iyisha ekumbirikinye omushenyi n’ebijondo.

Izaya 59:6

Enyûzi zâbo zirhankarhengamwo mwambalo, barhankanacibwîka ehy’omu bushanja bwâbo. Obushanja bwâbo buli bushanja bwa mabî gônene, na bijiro bibî byône bibabà omu nfune.

Yeremiya 20:8

Erhi naciderha erhi kuyâma n’okuyakûza mpu: zâtula akavu, zinashûbe. Akanwa ka Nyakasane kabîrage kuli nie, igwârhiro ly’okugâywa n’okushekerwa bwaca-bwayira.

Yeremiya 30:12

“Ntya kwo Nyakasane adesire. Obuvune bwâwe burhalunge ecihulu câwe kali kafinjo”.

Yeremiya 30:13

“Ntâye wahalîza mpu akusambira, habà ebidundu by’okubuka obulema ci kuli we ntà bufumu!”

Yeremiya 30:15

“Cirhumire walakira obuvune bwâwe n’obu amalumwa gâwe garhankarhûlirizibwa? Bugoma bwâwe n’ebyâha byâwe binjibinji, bya­rhumire nakujira ntyo!”

Yeremiya 32:31

“Nabwîne oku kurhenga baguyûbasire, ogu murhundu gwinyu gwanjizire oburhè bwenêne, na kuhika ene ncigayire bwenêne. Nkolaga naderha bagushenye, guntenge omu masù”.

Yeremiya 8:22

“Ka ntà mavurha gacibà omu Galadi? Ka ntà mufumu ocibâmwo? Cirhumirage cirhafuma ecibande ca mwâli w’olubaga lwîrhu?”

Ezekiyeli 21:29

Co cirhumire aderha ntyâla Nyakasane Nyamubâho, erhi: Ebwa kubà muli bahamîrizi b’amabî ginyu, omu kuyêrekana ebyâha binyu, omu kuyêrekana obubî bwinyu omu ngasi bijiro binyu byoshi, na bulya mwacîyêrekîne loshi, mukola mwâgwârhwa bujà.

Ezekiyeli 24:7

Bulya omukò gwâyo guli ekarhî kâyo, yaguhizire oku ibuye liri bwâmwa erhaguhizire omu budaka lyo gubwîkirwa n’akatulo.

Ezekiyeli 45:9

Ntyâla kwo adesire Nyakasane Nyamubâho, erhi: Hoshi aho, wâni bâmi b’Israheli! Muleke okukaz’ilibuza olubaga n’okulunyaga! Mukaz’ijira okwinja n’okushingânîne olubaga lwâni mulurhenze kwo eby’okulibuza kwinyu, kwo adesire Nyakasane Nyamubâho.

Ezekiyeli 7:11

Akavango kamâyushûka, kamâbà buhanya bwa bwîsi bwônene.

Ezekiyeli 7:23

Cilukire omugufu bulya ecihugo cayunjwîre mifù ya bantu bajabânigwa, olugo luyunjwîre kavango.

Sofoniya 3:1

Buhanya bwa Yeruzalemu, cirya cishagala cigoma, ecasherîre n’okulibu­za abantu.