Yeremiya 52:12 - BIBLIYA NTAGATIFU OMU MASHI

¹² Omu mwêzi gwa karhanu, zàli nsiku nda zâgwo, mwâka gw’ikumi na mwenda gw’obwâmi bwa Nabukondonozori, mwâmi w’e Babiloni, Nebuzaradani, cirongôzi c’enganda za murhambo wa mwâmi w’e Babiloni, àhandira Yeruzalemu.

Yeremiya 52:12 ပူးပေါင်းရင်းမြစ်များ

Murhondêro 37:36

Balya ba Madiyaniti bamuhêka e Mîsiri, bamuguliza Potifari, nkonè ya Faraoni mwâmi w’e Mîsiri na murhambo w’abaganda bâge.

2 Bâm 24:12

Okubundi Yoyakini ahuluka ajà emunda olya mwâmi w’e Babiloni ali, yêne, nina, abambali, abagula bâge, n’enshangi zâge, naye olya mwâmi amugwârha mpira, mwâli omu mwâka gwa kali munâni kurhenga ali mwâmi.

2 Bâm 25:8

Omu nsiku nda z’omwêzi gwa karhanu mwâli omu mwâka gwa kali ikumi na mwenda kurhenga Nabukondonozori, ayîmire omu Babiloni, omurhambo w’engabo yâge izîno lyâge ye Nebuzaradani, ayisha aha Yeruzalemu.

Ezra 5:12

Ci konene erhi ababusi bîrhu bacishologosa Nyamuzinda w’empingu, abahâna mpira omu maboko ga Nabukondonozori, mwâmi w’e Babiloni. Ye Munya-Kaldeya washâbaga eyo nyumpa, n’olubaga aluhêka bujà e Babiloni.

Nehemiya 2:3

N’obwôba bunji, nanacishuza mwâmi, nti: «Mwâmi aganze. Kurhigi obusù bwâni burhankazinzibala, erhi akabà olugo lubamwo enshinda z’ababusi bâni lwoshi lwahombire, ebyôgo byâlwo byalundugurhwa n’omuliro?»

Ennanga 79:1

Lulanga. Lwa Azafi. Nnâmahanga mâshi kàli abapagani bàkuhisire ekà, bàhemwîre engombe yâwe ntagatîfu, Yeruzalemu yêshi bàmuhindwîre bigûkà.

Yeremiya 1:3

kashubimurhindakwo oku ngoma ya Yehoyakimu, mwene Yoshiyahu, mwâmi w’e Yûda, kuhika omwâka gwa kali ikumi na liguma gwa Sedekyahu, mwene Yoshiyahu, mwâmi w’e Yûda, kuhika oku lubungo lwa Yeruzalemu, lwabâga mwêzi gwa karhanu.

Yeremiya 32:29

“engabo z’e Kalideya zidwîrhe zabalwîsa, zâyanka ecishagala cinyu, zâcitwanirakwo omuliro, zâyôca na zirya nyumpa bakazâgirherekêreramwo Bali, bakaziginamurhûla­ mwo obukù n’amamvu, bàshengeramwo na banyamuzinda b’agandi mahanga, bangayisize bwenêne”.

Yeremiya 39:11

Kuli Yeremiyahu, Nabukondonozori, mwâmi w’e Babiloni ali arhegesire Nebuzardani, murhambo w’engabo y’abalâlîzi, erhi:

Yeremiya 39:9

Nebuzardani, murhambo w’engabo y’abalâlîzi, ahêka e Babiloni olubaga lwasigalaga omu lugo, n’abàli bamâcîshegulaye bône, n’abalenga bali bacisigîre.

Yeremiya 52:14

Engabo alidwîrhe yoshi yacîhonda oku byôgo bya Yeruzalemu, yabiha oku idaho.

Yeremiya 52:29

omu mwâka gwa kali ikumi na munâni gw’obwâmi bwâge, àluliza bantu magana gali munâni na makumi asharhu na babirhi b'e Yeruzalemu;

Daniyeli 1:1

Omu mwâka gwa kasharhu gw’engoma ya Yehoyakimu, ali mwâmi w’e Yûda, Nabukondonozori mwâmi w’e Babiloni; ayish’irhêra Yeruzalemu anamugorha.

Daniyeli 2:14

Lêro Daniyeli anacibona ishuzo linjà na lya kucizibuka, alihà Arioki, ye wali murhambo wa abalanzi ba mwâmi, owali okola acîrheganyize okuyîrha abarhimanya boshi b’omu Babiloni.

Zakariya 8:19

«Mmubwîzire nti okucîshalisa kw’omwêzi gwa karhanu, okw’ogwa kali nda n’okw’ogwa kal’ikumi, kurhenga ene kukola kwahinduka nsiku nkulu ziyunjwîre masîma n’omwîshingo oku lubaga lwa Yûda. Cikwône kulusha byoshi mulongereze okuli n’omurhûla.»