Yeremiya 51:9 - BIBLIYA NTAGATIFU OMU MASHI

⁹ Rhwabusire Babiloni, ci arhafuma. Rhumulekage na ngasi muguma acîshubirire emwâbo. Bulya obuhane bumurhogîrekwo buli bunene, busôsire bwahika emalunga.

Yeremiya 51:9 ပူးပေါင်းရင်းမြစ်များ

2 Nganîro 28:9

Eyôla munda yabaga omulêbi wa Nyamubâho, izîno lyâge ye Odedi. Oku ahuluka ajà emunda omurhwe gw’abalwî bashubûkiraga e Samâriya anacibabwîra, erhi: Loli oku, omu bukunizi bwâge kuli bene Yûda, Nyamubâho, Nyamuzinda wa basho anamuhîre bo; mwanabayirhira omujina gulya guhisire cingana omu mpingu.

Ezra 9:6

nanaciderha, nti: Yâgirwa Nyamubâho, niono nyunjwîre mungo na mutula birhankarhuma nacîshomya nti ngalamire emunda oli, bulya amabî gîrhu gayûshûsire, garhaluka olugero, na ntyo obubî bwîrhu bwarhaluka amalunga.

Izaya 13:14

Nka kashafu kayâka omuhivi, nka bibuzi birhagwêrhi cayâbula. ngasi muguma ashubira emwa bene wâbo, ngasi muntu ayâkira omu cihugo câbo.

Izaya 47:15

Ntyôla kwo bâbà abashonga bâwe wakâgikoyera kurhenga obusole bwâwe. Bagenda myâhu-myâhu, ngasi muguma lwâge lunda, ntâye ciru n’omuguma wâkulîkûza!

Yeremiya 46:16

Anacinaguzize banji ngasi muguma adwîrhe ahirima oku wâbo! Badwîrhe babwîrana mpu: «Zuki! Rhushubire omu ishanja lîrhu n’omu cihugo cîrhu, kuli n’eyi ngôrho edwîrhe yahuma na gombi».

Yeremiya 46:21

Emirenge y’abalwî b’enkonola masù balishushire amanina gashushagîre: nabo bamâniôla enshando, bahwêrîre boshi oku mashaka, barhalinziri kahuku. Bulya olusiku lwâbo lwahisire, lusiku lwa kuherêrekera, mango ga kuhanwa.

Yeremiya 50:16

“Mukûle muli Babiloni abahinzi n’abasârûzi. Ngasi muntu acîzibuke e­ ngôrho nkali, ashubire emwa benewâbo, ngasi muntu ayâkire omu cihugo c’emwâbo”.

Yeremiya 8:20

“Bayûsize basârûla, ecanda cahwîre, n’okucira n’orhaciziri!”

Hozeya 7:13

Buhanya bwâbo bulya bànyâsire. Bahungumuke bulya banyabîre. Oku ndi nti nabacungula, badwîrhe bannywerhera.

Mafulûlo 18:4

Nanaciyumva erindi izù lyahubuka emalunga, erhi: «Rhengi muli ye, ngabo yâni, mwankanashangîra ebyâha byâge, mubone mwamarhogerwa n’i­bala akâge;

Mafulûlo 18:5

bulyâla ebyâha byâge biri nsinga ehisire emalunga, n’obubî bwâge Nyamuzinda abukengîre».