Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yeremiya 51:51 - BIBLIYA NTAGATIFU OMU MASHI

51 Oku rhwakagiyumva enshonyi zarhubumba erhi rhwayumvagya ebijâci! Enshonyi zakazirhusôka kuhika emalanga amango rhwabonaga abanya-mahanga bashesherera omu cirhînyiro ca Nyakasane.

အခန်းကိုကြည့်ပါ။ ကော်ပီ




Yeremiya 51:51
37 ပူးပေါင်းရင်းမြစ်များ  

Abakaz’indega enshonyî zibabumbe; okurumbaguza kwâbo kubabwîke nka cirondo.


Ngasi bashimbire omûka gwâni, enshonyi zibagwarhe babulabule; balya barhammirira marhî boshi, enshonyi zibayûbikire, zibabumbe.


Lulanga. Lwa Azafi. Nnâmahanga mâshi kàli abapagani bàkuhisire ekà, bàhemwîre engombe yâwe ntagatîfu, Yeruzalemu yêshi bàmuhindwîre bigûkà.


Ojire mâshi Nyamwagirwa, abâlungwe bîrhu ecijâci bakujacira cibagalukekwo kali nda omu murhima


Rhwabîre lwimbo emw’abalungu bîrhu, rhwakwâmirwe rhwanashekerwa n’abarhuli eburhambi rhwarhama.


Ensiku z’obusole bwâge wazinyihizagye, wamubonesa eza mêmè.


Obulêbi buyêrekîre Babiloni Yeshayahu, mwene Amotsi abonaga.


Nêci, Nyakasane âbabalira Yakôbo ânashub’icîshoga Israheli; âshub’ibadekereza omu cihugo câbo. Abantu b’embuga bacîgusha haguma nabo banalungane n’enyumpa ya Yakôbo.


Obulêbi buyêrekîre irungu liri ebwa nyanja. Nka kula empûsi ya kalemêra ehûkiza omu Nêgebu, kwo bârhenga ebw’irungu, omu cihugo c’ecôbà.


Honoka, obwârhale omu katulo, wâni mubikira, munyere w’e Babiloni! Bwârhala oku idaho, buzira entebe yâwe y’obwâmi, we munyere w’Abanya-Kaldeya bulya ntà mango banacikuderhe mpu we mutûdu; mpu we na mwinjinjà.


Abagale badwîrhe bàrhuma abâna mpu bajilonza amîshi. Abâna badwîrhe bajà ebwa maliba ci barhabona mîshi, badwîrhe bakazigalukana orhubindi rhurhalimwo bici, n’omûmà n’ebishonyi n’irhwe libwîkire.


Abâmi b’e mwênè, abà hôfi n’abà kuli, muguma akurhenga owundi akujè, n’amâmi gali kunôla igulu goshi. Omwâmi w’e Shasheki yêhe, ye wanywa enyuma zâbo.


“Nêci, rhwàli erhi rhwakugomîre, cikwône buno rhuyêmîre oku rhwàbîhire, warhulangwîre obubî bwîrhu, rhuli rhwakomomba aha murhima, eza meme zarhubumbire, rhwafîre nshonyi z’ebijiro bîrhu byakurhenga eburhò”.


Aka-Nyamuzinda akahà muliro, enyumpa z’oku bwâmi n’e­ nyumpa z’e Yeruzalemu zoshi àzidûlika muliro.


Omubisha ahêsire obuhiri bwâge bwoshi omu nfune. Ciru anabwîne n’oku abapagani bayenjerera omu cirhînyiro ca Nyakasane. N’obwo, Yâgirwa Nyakasane, wêne wahanzagya mpu irhondo abo bapagani barhajaga ahantu h’endêko yâwe.


Nyakasane, lolà obone ndi ojirîre ntyo. Mâshi Nyakasane, kurhi abakazi bankahika cingana aha, kulya abâna boburhaga bône banabalera? Ku­erhi abashombanyi bankalinda bahika aha kuyîrhira abadâhwa n’abalêbi omu cirhînyiro câwe?


Nyakasane, orhayibagire okûla rhwabîre, olole obone kuno badwîrhe ba­rhujira.


“Ojibwira omulala gw’Israheli ebîra binwa: kwo Nyakasane Nyamubâho adesire ntyâla: Loli oku nkola nagendizinza aka-Nyamuzinda kâni, ho hantu mulimbira, gwo mwishingo gw’amasù ginyu, go masîma g’emirhima yinyu. Bagala binyu na bâli binyu mwasigaga bakola bajifa n’engôrho”.


Nâluza amalehe g’oku mirhi n’emburho z’omu mashwa, ntyo murhacikabone enshonyi z’ecizombo omu karhî k’amashanja.


Bâyambala sunzu, n’omusisi gwâbabumba obusù boshi bwayunjula nshonyi, amarhwe goshi gamômwa.


Anacibabwîra, erhi: «Muhemule aka-Nyamuzinda. muyunjuze obululi mirhumba munahuluke». Banacihuluka, bakanya bajà banigûza omu lugo mwoshi.


Emirhwe y’abasirika barhumirwe naye bânayisha barhabîre, bânasherêza aka-Nyamuzinda kazibu-zibu; banarhenza enterekêro y’ensiku n’amango, bâ nahiraho ebyâbo by’okusherêza.


Ahantu Izaki arherekêrera hâshâbûka, engombe z’Israheli zâshandâla, n’enyumpa ya Yerobwâmi nâyigezamwo engôrho.»


Bulya wakulikire olwiganyo lw’amarhegeko ga Omuri, na ngasi ngeso z’omu nyumpa ya Ahabu; mudwîrhe mwayiganya okwâbo kwoshi kwoshi; kwarhuma nakuhindula bigûkà, n’abantu bâwe bashube ba kuhâbwa olwôho. Lyo mwabarhula ebijâci abantu bâni bajâcîrwe.


Hano omushombanyi wâni abona okwo, enshonyi zimubumbe; olya wa­mbwîraga erhi: «Ngahi Nyamuzinda wâwe aligi?». Amasù gâni gamu­lolà hano akola adwîrhe alabarhwa nka bijondo omu njira.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ