Yeremiya 51:41 - BIBLIYA NTAGATIFU OMU MASHI

⁴¹ Kurhi byabîre ntyo! Ecishagala ca Sheshaki cija irenge omu igulu lyoshi cagwâsirwe! Kurhi oku Babiloni yekola irungu lya côbà omu ga­ndi mashanja?

Yeremiya 51:41 ပူးပေါင်းရင်းမြစ်များ

2 Nganîro 7:21

“Eyîra nyumpa yalijire enyanya ntyâla, yânabà côbà ca ngasi yêshi wankanagera hôfi nayo, anakaziderha erhi carhumaga Nyamubâho ajira ecîra cihugo n’eyîra nyumpa ntyâla?”»

Izaya 13:19

Babiloni, irenge ly’amâmi, mulimbo gw’Abakaldeyi, kw’abà nka kulya Sodomo na Gomora bàbâga, erhi Nyamuzinda àbaherêrekeza.

Izaya 14:4

wâyimbîsa olu lwimbo lw’okutwa omwâmi w’e Babiloni akanego, erhi: «Kurhigi amâyûrha olya wajàga alibuzanya? Kurhigi bwamayûrha obucîbone bwâge?

Yeremiya 25:26

Abâmi b’e mwênè, abà hôfi n’abà kuli, muguma akurhenga owundi akujè, n’amâmi gali kunôla igulu goshi. Omwâmi w’e Shasheki yêhe, ye wanywa enyuma zâbo.

Yeremiya 49:25

Kurhi kwankahashikana cirya cishagala c’irenge kulya, gulya murhundu gw’amasîma gusigwe bwâmwa buzira bantu?

Yeremiya 50:23

Ka kwankanabà? Olya Babiloni wali nyundo yakâgivunyungula igulu lyoshi! Naye akavunyunguka bushangukizà. Abè irungu lya kuyôbohya omu gandi mashanja goshi! Nka gurhi obwo!

Yeremiya 50:46

Erhi ogwo mwanzi gunamanywa, mpu: «Babiloni agwâsirwe», igulu lyàdirhimana, ecihôgero cinene càmazûka omu mashanja goshi.

Yeremiya 51:37

Babiloni nâmujira mushaka, abè bulumba bwa banyambwe, cishagala cirhayimbwamwo muntu, ca kurhangâza na ca kuyôbohya.

Ezekiyeli 27:35

Abantu bayûbaka omu bizimba by’ekulî bàgeziremwo omusisi erhi we orhuma. Abâmi bâbo bamârhangâla, obusù bwâbo bwamâzinzibala.

Daniyeli 2:38

“na ngasi habà muntu n’ensimba z’erubala, n’enyunyi z’emalunga byoshi abihizire omu maboko gâwe: we oligi lirya irhwe ly’amasholo”.

Daniyeli 4:22

“Bakulibirhakwo omu karhî k’abantu ogendilama omu karhî k’ensimba z’erubala, bakazikuha eci walya nka kula banalisa enkafu, wanalobe n’olumè lwarhenga oku nkuba na mango nda gahwa erhi onali ntyôla kuhika olinde omanya oku Ow’Enyanya bwenêne agwêrhe obuhashe oku mâmi g’abantu hanôla igulu n’oku ye ohâna obwâmi emwa ngasi oyu analonzize”.

Daniyeli 4:30

Muli akwôla kasanzi ebyaderhagwa kuli Nabukondonozori byanacibà; anacilibirhwakwo omu karhî k’abantu, anacikazilya olubala nka nkâfu n’omubiri gwâge gwakaziloba n’olumè lw’oku nkuba, emviri zàmuli oku irhwe zashalama nka mashala g’oku byûbi by’enyunda n’enyûnu zâge zalihûka nka za rhunyunyi.

Lushika 28:37

Wâbà birhangâlo; lwimbo na masheka omu mashanja Nyamubâho akuhêka.