Yeremiya 51:30 - BIBLIYA NTAGATIFU OMU MASHI

³⁰ Abasirika b’entwâli b’e Babiloni bamâleka okulwa bamâcîfulika omu mashaka. Oburhwâli bwâbo bwabahwêrîre, bakola bayôsire nka bakazi. Emihango y’ecishagala yakundusire, enyumpa zâmwo bazidûlisire muliro.

Yeremiya 51:30 ပူးပေါင်းရင်းမြစ်များ

Ennanga 107:16

Kulya kubà àvungunywîre enyumvi z’amarhale, ashangula orhuhamikizo rhw’ecûma.

Ennanga 147:13

Bulya ahamikirîze enyumvi zâwe, abâna bâwe abagishìre aha mwâwe.

Ennanga 76:5

Wayisha n’emisî, wamoleka nka cimole, wamanuka oku ntondo z’ensiku n’amango.

Izaya 19:16

Mw’olwôla lusiku, abanya-Mîsiri babà nka kula abakazi bayôrha: bâjuguma banarhemuke n’obwôba babona Nyakasane Nyamuzinda w’Emirhwe abadundira okuboko.

Izaya 47:14

Alà oku kwo bali nka bijangala: omuliro gwabasingônola, barhafume oyôla nyandumà w’engulumira! Garhâbe makala ga kukaluka, nîsi erhi muliro gwa kutamalwâkwo eburhambi!

Yeremiya 48:41

Ebishagala byagwâsirwe mpira. Ebyôgo bizibu by’abalwî byashâbwîrwe (n’omurhima gw’omurhwe gw’abalwî b’e Mowabu, n’olwo lusiku, gwàli nka gwa mukazi odwîrhe afumba.)

Yeremiya 50:15

“Mumubandire orhuhababo rhwinyu rhw’ebîrha empande zoshi. Y’oyo wacilêrha alengezize amaboko. Emitungo yâge yashâbirwe, ebyôgo byâge byahondôsire. Lwihôlo lwa Nyakasane olwo, mucihôlage kuli Babiloni, mumukolere biri nka birya akolîre abandi”.

Yeremiya 51:32

enjira z’okujamwo zoshi zagosirwe, ebyôgo byahire ntugurhirà, abasirika bâge boshi barhemusire n’obwôba.

Yeremiya 51:57

“Nâbalalusa, abaluzi n’abashinganyanya bâge, abarhambo bâge, abajinji n’emirhwe-entwâli z’abalwî bâge, bayishigwîshira n’okujà îrò ly’ensiku n’amango, barhankacizûka bundi, kwo Mwâmi Mukulu oderhwa Nyakasane w’Emirhwe adesire”».

Ndûlù 2:9

Emihango y’ecishagala yahongosire, orhuhamikizo rhwâco rhwoshi arhuvungunywîre. Mwâmi n’abarhambo bagwîre omu maboko g’abapagani banyamahanga. Ntâye ciru n’omuguma w’okuderha ebi Nyamuzinda alonza; ciru n’abalêbi barhacimanya obulêbi bwarhenga emwa Nyakasane.

Amosi 1:5

“Nâherêrekeza oli oku ntebe aha Bikeat-Avena n’oyîmire aha Bet-Edeni, n’olubaga lwa Aramu luhêkwe omu bujà e Kiri, ntyo kwo Nyakasane adesire”».

Nahumu 3:13

Emwâwe erhaciri abarhali nka bakazi, emihango mihamikize y’ecihugo ekola ecîyigula yône embere z’omushombanyi: orhuhamikizo rhwâyo rhwo rhwalîrwe n’omuliro.

Mafulûlo 18:10

Oku baciyimanzire kuli erhi kuyôboha amababale gâge kurhuma, baderhe, mpu: «Camahera! Camahera cirya cishagala cinênênè! Nêci, wâni Babiloni, cishagala ciri-misî! Kàli olwâwe omu nsâ nguma lutwîrwe!»