Yeremiya 51:18 - BIBLIYA NTAGATIFU OMU MASHI

¹⁸ Bibà bintu birhagwêrhi kalamo, bintu birhagwêrhi nda na mugongo. Byanahirigirha amango Nyakasane arhuma obuhanya.

Yeremiya 51:18 ပူးပေါင်းရင်းမြစ်များ

Lubungo 12:12

“Mw’obwo budufu nâgera omu cihugo c’e Mîsiri, njè nanigûza ngasi lubere lw’omu Mîsiri, lubè lwa muntu erhi lwa cintu. Nafendûla banyamuzinda b’obwîhambe b’omu Mîsiri boshi. Nie Nyakasane”.

Izaya 19:1

Obulebi buyêrekîre Mîsiri. Alà oku Nyakasane amashonera oku citù cibidu, amaj’e Mîsiri. Ba­ nyamuzinda b’obwîhambe b’e Mîsiri bamâdundagana embere zâge, n’abanya-Mîsiri omurhima gwamâbarhoga omu nda.

Izaya 2:18

Ci enshusho za banyamuzinda b’obwîhambe zahirigirha zoshi.

Izaya 46:1

Beli agondamire, Nebo aherhemire: enshusho zâbo zahizirwe oku bihêsi, oku mugongo gw’ensimba! Emizigo mwakazagibarhula mwene, ekola yabarhulwa n’ensimba zikoyire!

Izaya 57:12

Cikwône nâyâliza obushinganyanya bwâwe n’emikolo yâwe, eyi orhakulagamwo bunguke buci.

Yeremiya 10:11

Kwo wababwîra ntya: erhi: banyamuzinda, abarhajiraga amalunga n’igulu baherêrekera hanôl’igulu n’idako ly’amalunga.

Yeremiya 10:14

Go mango, ngasi muntu ahwinjagala, ayimange buzira kuyumva go mango ngasi mutuzi agwârhwa n’enshonyi erhi alola enshusho zâge. Bulyâla biri bya bunywesi, birhalimwo omûka.

Yeremiya 10:15

Birhabà cici, amango g’okuhanwa kwâbyo, byahirigirha.

Yeremiya 10:8

Boshi boshi, bali bahwinja banali bingolongolo. Amahano obusha buhâna nago ganali ntâgo.

Yeremiya 18:15

Olubaga lwâni lwôhe lwanyibagîre! Bôhe obusha banaburherekêra enshangi. Bàbasârhazize omu mirimbwa yâbo, omu njira zâbo za mîra, mpu lyo bagera omu rhujira mulimbwa gurhali mubêre,

Yeremiya 46:25

Nyakasane w’Emirhwe, Nyamuzinda w’Israheli adesire erhi: «Lolà oku nahana Amoni wa No, Faraoni mwâmi w’e Mîsiri w’e Mîsiri, banyamuzinda bâge n’abâmi bâge, Faraoni mwâmi w’e Mîsiri na ngasi boshi bacîmwikubagira.

Yeremiya 48:7

“Nêci, bulya walangâlîre ebijiro byâwe n’emihako yâwe, nâwe wamâgwârhwa mpira. Kemoshi alulizibwa haguma n’abadâhwa bâge n’a­baluzi bâge”.

Yeremiya 50:2

«Muyâlîze ogu mwanzi ekarhî k’amashanja, mugushongêze, murhafulikaga akantu. Mubabwîre oku Babiloni agwâsirwe, Beli ba­mubonesize za mêmè, Marduki anashângusire, enshanga zâge zikola hêru, ebyo bishwêka byâge byaherêrekîre.

Ezekiyeli 6:6

Ngasi hoshi muyûbasire, ebishagala byâshandâla, empêro zinyu zahenangu­lwa, lyo empêrero zinyu zishandâzibwa bananyâge ebiri kwo byoshi, lyo abazimu binyu bajonjagwa banahirigirhe n’ebîko binyu muyôkeramwo enshangi bihashisherêzibwa na ntyo eby’obushanja bwinyu bihirigirhe.

Yônà 2:8

Oku omurhima gwâni guli gwashûbuka nakengêra Nyamuzinda, n’omusengero gwâni gwahika emunda oli, omu burhwâli bwâwe bwimâna.

Sofoniya 2:11

Nyakasane ânabè Nyandumà kuli bo, âherêrekeza banyamuzinda b’obunywesi boshi b’omu igulu, amashanja goshi g’oku birhwa ganamuharâmye, gamufukamire, ngasi liguma omu cihugo câlyo.

Ebijiro 14:15

«Mâshi, mwe balume, kurhi okwo mwajira? Kàli nîrhu rhuli bantu ak’inyu; rhumubwîzire nti muleke ebi bya busha, muhindamukire Nyamuzinda ozîne wajiraga amalunga n’igulu n’enyanja na ngasi byoshi bibâmwo.