Yeremiya 51:16 - BIBLIYA NTAGATIFU OMU MASHI

¹⁶ Oku irhegeko lyâge amîshi ganacîlunde oku nkuba, ecitù cinênênè cisôke emalunga, emilazô elêrhe enkuba, empûsi erhenge aha ebêra.

Yeremiya 51:16 ပူးပေါင်းရင်းမြစ်များ

Murhondêro 8:1

Nyamuzinda akengêra Nûhu, ensimba n’ebishwêkwa byàli bo naye omu bwârho. Nyamuzinda ageza empûsi oku igulu, ntyo amîshi gajà gayonda.

Ayubu 37:13

Hali amango eyisha eri hana abantu, nîsi erhi elerhe aminjà g’enkuba.

Ayubu 38:22

K’okola ohisire aha olubula lubîkwa, aha enguli zâlwo zibêra, k’okola ohahisire?

Ayubu 40:9

Ka ogwêrhe okuboko kw’obu-nyamuzinda? K’izù lyâwe lidwîrhe lyakungula ak’eryâge?

Ennanga 104:7

Wabà nka wakankama gakûla idârhi, wakungula gageramw’omusisi.

Ennanga 135:7

Ye rhenza ebitù kurhenga enyuma z’ebihugo, ahindule emilazô eshube nkuba, n’empûsi ayishâze aha yali ecifulisire.

Ennanga 147:18

Akarhuma akanwa binajonge, akarhuma empûsi yâge amîshi ganashubihulula.

Ennanga 18:13

Obulangashane bwamoleka embere zâge, n’ebitù byàhirigirha, byàrhenga-mwo olubula n’amakala g’amasèsè.

Ennanga 46:6

Nnâmahanga ali omu karhî k’olugo lwâge, lurhâhuligane, Nnâmahanga yêne aluhalira kurhenga sêzi lukula arhanda.

Ennanga 68:33

Mwe mâmi g’igulu muyimbire Nnâmahanga, muzihire Nyamwagirwa olulanga. Ye Nyamwagirwa oyishire oku malunga, oku malunga g’ensiku n’amango.

Ennanga 78:26

Ashub’ijà aho: atul’empûsi emalunga, n’oku buhashe bwâge azûsa kalemêra.

Lubungo 10:13

Mûsa ashonga ecihugo c’e Mîsiri akarhi kâge. Nyamuzinda azûsa empûsi ebuzûka-zûba oku cihugo c’e Mîsiri yalegerera yanalala yahûsa. Erhi buca sêzi bashanga empûsi y’ebuzûka-zûba yagwisize enzige.

Lubungo 10:19

Nyamuzinda ahindula erya mpûsi yabà y’ebuzika-zûba, mpûsi nyinji-nyinji, yazurundukana enzige yanazihêka ebwa Nyanja Ndukula. Harhasigalaga ciru n’oluzige luguma omu cihugo ca Mîsiri coshi.

Lubungo 14:21

Mûsa àlambûlira okuboko oku nyanja. Nyakasane àtunda enyanja obudufu bwoshi n’empûsi ndârhi y’ebuzûka-zûba yàyumya enyanja. Amîshi gàcîberamwo mpande ibiri.

Ezekiyeli 10:5

N’olubî lw’ebyûbi bya bamalahika lwakaziyumvikana kuhika omu bululi bwàli emuhanda, nka mukungulo gwa Nyamuzinda Ogala-byoshi amango akola aderha.

Amosi 9:7

«Wâni bene Israheli, -kwo Nyakasane adesire, -ka mwe mulushirage Abanya-Etiyopiya? K’arhali nie narhenzagya Israheli omu cihugo c’e Mîsiri, nka kulya narhenzagya Abafilistini e Kaftori n'Abakaldeyi e Kiri?

Yônà 1:4

Ci Nnâmahanga azûsa omuhûsi n’omulaba munene omu nyanja, ciru obwârho bwalinzitwîkamwo.

Yônà 4:8

E­erhi izûba lishoshôka, Nyamuzinda azûsa empûsi yâyôca, lirya izûba lyabasha­ kwo Yônà, okuhandi ajogonokerwa. Kandi acîfinja olufù, aderha, erhi: «Aye! Okufà kwo kukulu aha kulama ntya».