Yeremiya 50:6 - BIBLIYA NTAGATIFU OMU MASHI

⁶ “Olubaga lwâni lwàli lukola lubà busô bwa bibuzi bihezire. Abangere bâbyo bâli erhi babihabwîre, babireka byajà byagenda mihabuka omu ntondo. Ntà ntondo na ntà rhurhondo byacihabaga, byalinda biyibagira ecôgo c’aha kà”.

Yeremiya 50:6 ပူးပေါင်းရင်းမြစ်များ

Ennanga 116:7

Oshubiluhûka murhima gwâni, bulya Nyakasane akuyumvirhize

Ennanga 119:176

Kwo nahezire kula ecibuzi cihabuka, okanye ojè walonza mwambali wâwe bulyâla ntayibagiraga amarhegeko gâwe.

Ennanga 23:2

Anampugire omu bulambo bw’akahasi kinjà; anampise aha nshôko y’amîshi naluhûkira.

Ennanga 32:7

We lwâkiro lwâni, we wânankûle omu bulagîrire, onampire omu karhî k’enshagadu y’obucire.

Ennanga 90:1

Musengero. Gwa Mûsa. Mwambali wa Nnâmahanga. Nyamwagirwa oyôrha ôbà lwâkiro lwîrhu kurhenga abantu baburhwa.

Ennanga 91:1

We yimangirwe n’ow’enyanya, we bêra omu cizunguzungu c’Ogala-byoshi

Izaya 1:3

“Enkafu enamanye nnayo, n’endogomi enamanye eciranga ca nnawâbo; Israheli yêhe arhajira bumanye, olubaga lwâni lurhayumva”.

Izaya 30:15

Bulya ntyâla kwo adesire Nyakasane Nyamuzinda, Omutagatîfu w’Israheli: «Omu kugaluka emunda ndi n’omu kuyôrha murhulwîre mwo mwarhenga obucire bwinyu; omu kudêkerera n’omu kundangâlira mwo mwarhenza oburhwâli bwinyu», ci murhalonzagya!

Izaya 32:2

Ngasi muguma abè nka kacîkirizo ka mpûsi na lwâkiro bayâkiraho enkuba y’ecihûsi, bâbà nka nyîshi omu budaka buyûmûsire, nka cihôho ca lwâla lunênênè omu cihugo c’idûrhu likali.

Izaya 53:6

Rhweshi rhwàli rhushandabîne nka bibuzi bihezire, na Nyakasane amubarhuzize amabî gîrhu rhweshi.

Yeremiya 10:21

Balungere bo babîre bahwinja. Barhalongerizi Nyakasane n’okwôla kwarhuma bayabirwa: obusò bwâbo bwoshi bwashandîre.

Yeremiya 13:16

Muhè Nyakasane Nyamuzinda winyu irenge duba oku omwizimya gurhacigwa, n’oku amagulu ginyu garhacisârhala, oku birhondo by’obudufu. Mwoyo mudwîrhe mwalinda obuce: yêhe mwizimya adwîrhe abulula n’okuguhindula ndundulya ya budufu,

Yeremiya 2:20

Nêci, arhali ene wajahikaga omushigo gwâwe, watwa enkoba waderha erhi «ntâshiga». Kurhahangaga orhagwîshira nka mukazi wa cishungu oku ngasi ntondo ndîrî, n’ah’idako lya ngasi murhi mubishi.

Yeremiya 2:32

K’ensûli enayibagire amagerha? Nîsi erhi omunyere washebwa ayibagire omukaba gwâge? Olubaga lwâni lwôhe lwanyibagîre, ensiku zirhakaciganjwa.

Yeremiya 23:1

Bali bahanya abangere bahabula n’okushandabanya ebibuzi by’obusò bwâni, kanwa ka Nyakasane.

Yeremiya 3:23

Kwo binali, entondo bunali bunywesi, n’akadugundu k’oku ntondo kwo na kwo. Nêci kwo binali, Nyakasane Nyamuzinda wîrhu yêne bucire bw’Israheli.

Yeremiya 3:6

Oku ngoma ya Yoshiyahu, Nyamubâho ambwîra erhi ka wabwîne ebi olya mugoma Israheli akozire? Ajire oku ngasi ntondo elengerîre na hali ngasi murhi mubishi, abàragirayo.

Yeremiya 33:12

Nyakasane Nyamuzinda adesire erhi: muli eci cihugo banyagaga, ntà muntu, ntà nsimba bicicîdundamwo, hasigiremwo amalambo gône, banaciyâbuliramwo ebibuzi.

Yeremiya 50:17

“Israheli ali akola ayôsire nka bibuzi bihezire, byajà byahivwa n’entale. Omurhanzirhanzi wabirirekwo ali mwâmi w’e Asûru. Enyuma z’okwo, ayisha mwâmi Nabukondonozori w’e Babiloni, amubederhera orhuvuha”.

Yeremiya 50:19

“Cikwône nashubilongolana Israheli omu lwâbuko lwâge. Akerera oku ntondo ya Karmeli n’omu Bashani; arhâbule kantu oku ntondo ya Efrayimu n’omu cihugo ca Galadi-Akera, ayigurhe, anagambwe”.

Ezekiyeli 13:10

Bulya bàmâkaz’ihabula olubaga lwâni: omu kubabwîra, erhi: «Murhûla» n’obwôla ntà murhûla, n’obwôla agôla mango badwîrhe bayûbaka olugurhu banaluzibuhya n’ibumba.

Ezekiyeli 34:14

“Nâbiyâbulira omu malambo minjà, n’obuhasi bwâbo bwâbà oku ntondo ndîrî z’Israheli, yo byâkazilâla eyoia munda omu kahasi kinjà, byakaziyâbukira omu bulambo bujinyire, oku ntondo z’Israheli”.

Ezekiyeli 34:15

“Niene nakaz’iyâbula ebibuzi byaâni, nambihire aha byarhamukira, kwo adesire Nyakasane Nyamubâho”.

Ezekiyeli 34:16

“Nâja nalongereza ecihezire, nâkaziyisha ngalwîre ecàli cihabusire; nâkaz’irhuba eciri n’ecibande, nkaz’igalulira emisî cirya càli cikola cizamba; ci konene cirya cakazâg’iciyâbula conene, cirya cakazâg’iciheka n’emisî, nâcisherêza, nâciha obuhane”.

Mateyo 10:6

“Mujè emunda ebibuzi byahezire b’Israheli biri erhikwo”.

Mateyo 15:24

Naye erhi acishuza, aderha, erhi: «Ntarhumagwa okurhali oku bâna-buzi bahezire b’Israheli».

Mateyo 9:36

Lêro erhi abona orhutu rhw’abantu, obwonjo bwamugwârha, bulya bali bahugalîre banashiramire nka busô burhagwêrhi mungere.

1 Petro 2:25

Bulya mwâli muyôsire nka bibuzi birhêresire, ci buno mwashubîrîre lungere n’omulanzi w’emyûka yinyu.