Yeremiya 50:33 - BIBLIYA NTAGATIFU OMU MASHI

³³ Ntya kwo Nyakasane Nyamuzinda w’Israheli adesire: «Bene Israheli na bene Yûda bàlibuzîbwe. Ababalulizagya babagwâsire buzibu, balahîre okubalîka.

Yeremiya 50:33 ပူးပေါင်းရင်းမြစ်များ

Lubungo 5:2

Faraoni mwâmi w’e Mîsiri ashuza, erhi: «Ye ndi oyo Nyakasane, lyo nyumva izù lyâge, kurhume naleka Israheli agenda? Ntishi oyo Nyakasane, ntânaleke bene-Israheli nti bagende!»

Lubungo 8:2

Aroni àlambûlira okuboko oku mîshi goshi g’e Mîsiri: ebikere byayulubuka, byarherema, byàfûnika ecihugo c’e Mîsiri.

Izaya 14:17

“Ahindwîre igulu bwêrûlè, ashâba ebishagala, arhanazigaga bayigulira ababohe empamikwa!”

Izaya 47:6

Nali nkunirîre olubaga lwâni, naleka bahemula akashambala kâni, nakulikiraga. Wêhe orhabafaga lukogo, ciru n’abashosi wabavondamya n’omuzigo gwâwe!

Izaya 51:23

Nakahira omu nfune z’abanzi bâwe, balya bakâg’ikubwîra, mpu: Gwishira oku idaho, rhukugerekwo! Na ntyo wakaz’iherhamya omugongo gwâwe nka njira y’oku idaho, nka mulimbwa bakaz’igeramwo.

Izaya 58:6

Okucîshalisa nnonza ka kurhali kw’okûla: okushwêkûla enkoba z’obubî, Okutwa obudagulè okulîka abâli omu mpamikwa n’okutwa ngasi budagulè?

Yeremiya 30:20

“Abâna bâge bashubiyôrha nka kulya kwa mîra banashubikashûbûzanya omu ndêko embere zâni. Nayishihana bwenêne ngasi bakâbalibuza”.

Yeremiya 50:7

“Abashombanyi barhangîriza babibuganaga, bakazibifomera burharhindira, banacidesa erhi: Ntà kubî rhwajizire, abà bantu babihire Nyamuzinda wâbo, ye wali bucire bwâbo bw’okuli na bulangâlire bwa bashakulûza bâbo”.