Yeremiya 50:32 - BIBLIYA NTAGATIFU OMU MASHI

³² Ngasi ocîbona asârhala anahirime, na ntâye wamuzûsa. Ebishagala byâge nâbidulika muliro, gusingônole n’abamuzungulusire boshi.

Yeremiya 50:32 ပူးပေါင်းရင်းမြစ်များ

Ennanga 119:78

Abagayana enshonyi zirhangibabûmba, bulyâla bàntindibulîze obusha: nkolaga nagerêreza ngeregere omu marhegeko gâwe.

Migani 16:18

Kagayo kashokolera okurhibuka, n’omuhîmbo gw’omuntu gwo gushokolera okuhunguluka.

Migani 18:12

Omurhima gw’omuntu nka gwasherera, kuhimba gurhânga, ci nka gwajà irenge kurhôha gurhanga.

Yeremiya 21:14

Nâmuhanira amalehe g’ebijiro binyu, Kanwa ka Nyamubâho. Nadûlika omuliro omu muzirhu gwâge, gumôme amarhambi gâge goshi.

Yeremiya 49:27

Ecishagala ca Damasi nâcidulika muliro; gwâsingônola enyumpa ya Ben-Hadadi.

Yeremiya 51:26

Erya erhankacirhôlwakwo, ciru ibuye liguma, lyakaba kaboko ka nyumpa, erhi lyakuyûbakirwakwo, bulya wâbà muhehêrere, ensiku n’amango. Kwo Nyakasane ogala byoshi adesire.

Yeremiya 51:64

“okubundi oderhe ebi binwa, erhi: Ntyo kwo Babiloni âyishihirigirha, arhakanacizûka omu buhanya Nyakasane amurhumîre. Amashanja gamâlibuka.”» Obwo bwo buzinda bw’ebinwa bya Yeremiyahu.

Daniyeli 5:20

Ci erhi omurhima gwâge gucicîkangalaza, gucîhêka enyanya n’erhi acidârhabala kuhika omu kucîbona, banacimurhenza kuli erya ntebe y’obwâmi, ananyagwa n’irenge.

Amosi 1:10

“Nkola nalîkira omuliro oku byôgo bya Tiri, gumuyôkere enyumpa.”»

Amosi 1:12

Nkola nâlîkira omuliro kuli Temani, gusingônole enyumpa za Bosra.»

Amosi 1:14

Nkola nâyâkiza omuliro oku byôgo bya Raba, gusingônole enyumpa zâge, ebè ndûlù y’ebîrha, omu lusiku lw’okulwa, omu malibuko, olusiku lw’ecihûsi.

Amosi 1:4

“Nkola nâdûlika muliro enyumpa ya Hazaheli, n’enyumpa za Ben-Hadadi zisingônoke”.

Amosi 1:7

“Nkola nadûlika muliro ebyôgo bya Gaza, bisingônoke n’enyumpa zâge”.

Amosi 2:2

Nkola nalîkira omuliro kuli Mowabu, gusingônole enyumpa za Keriyoti, na Mowabu aherêrekere omu ntambala, omu ndûlù y’ebîrha, oku izù ly’omushekera.

Amosi 2:5

“Nkola nalîkira omuliro kuli Yûda, gusingônole enyumpa za Yeruzalemu”».

Amosi 5:2

Ahirimire. arhanacizûke, mwâli w’Israheli! Atulamire oku idaho lyâge lyo na nênè, ntâye wamuzûsa.

Lushika 32:22

Nêci, oburhè bwâni bwayâsire muliro, gwâyôca ciru n’ebiri idako ly’okuzimu, gwâyôca idaho guyôce n’emyâka, gurhasige olubando lw’entondo.

Mafulûlo 18:8

Okwôla kwo kwarhuma amabala gamurhogera omu lusiku luguma: «ecâhirà n’emishîbo n’ecizombo; anabôyôke n’omuliro, bulya Nyakasane Nyamuzinda wamutwîraga olubanja erhali ngonyi».