Yeremiya 50:20 - BIBLIYA NTAGATIFU OMU MASHI

²⁰ “Mw’ezo nsiku na mw’ago mango, kwo Nyakasane adesire, bâlonza obubî bwa Israheli, barhâcibubone, balonze ebyâha bya Yûda, barhâcibibone, bulya nâbabalira ngasi boshi basigîre”».

Yeremiya 50:20 ပူးပေါင်းရင်းမြစ်များ

Ennanga 103:12

Nka kulya ebushoshôkero eri kuli n’ebuzikiro, kwo Nnâmahanga ahirika kuli ebyâha bîrhu.

Ennanga 17:3

Wanalola omu ntimanya z’omurhima gwâni onantangule budufu; wanantangula: orhankambonamwo bubî.

Ennanga 85:3

Olubaga lwâwe walubabalîre obubî bwâlwo, ebyâha byâlwo wabibwikira birhag’iboneka.

Izaya 1:9

“Acibiga Nyakasane Nyamuzinda w’Emirhwe arhali arhulekîre amâhûngà g’emisigala, rhwankabîre aka Sodomo rhunashushe Gomora”».

Izaya 10:21

Amâhûngà ganagaluke, amâhûngà g’omu nyumpa ya Yakôbo gânagalukire Nyamuzinda Ciri-misî.

Izaya 33:24

Ntà mulungu waciderhe, erhi: «Ndi mulwâla». Olubaga lw’omu Yeruzalemu lwakûlirwa obubî bwâlwo.

Izaya 43:25

Niono, niene nkola nazûsa amabî gâwe, n’ebyâha byâwe ntacibiyîbuka bundi.

Izaya 44:22

Nazazize amabî gâwe nka lwikungu, n’ebyâha byâwe nka citù. Shubira emunda ndi, bulya nie nakuyôkolaga.

Yeremiya 31:34

Ciru n’omuguma mulibo, ntâye wânacidôse owâbo erhi mulungu mpu amumanyîse izîno lyâni, bulya boshi bayîshiba balimanyire; kwo Nyakasane adesire, boshi kurhenga akabonjo kuhika omushosi. Bulya nâbabalira amabî bajirîre, ntakacikengêra ebyâha byâbo.

Yeremiya 33:15

Muli ezo nsiku, n’ago mango, nahà Daudi oluburha lw’okuli, lwo lwalandiza obudahemuka n’obushinganyanya omu cihugo coshi.

Yeremiya 33:8

Nâbacêsa nambababalire ebyâha byâbo byàli bingayisize, byàrhumaga barhakulikira amarhegeko gâni.

Yeremiya 44:14

Muli ogu musigala gwa Yûda gwayishigibêra omu cihugo ca Mîsiri, barhâfulumuke­ mwo ciru n’omuguma, mpu ashubire omu cihugo ca Yûda, n’obwo badwîrhe bacîfinja okuyishubira n’okuyibêra».

Yeremiya 50:4

“Mw’ezo nsiku na mw’ago mango gonènè, kwo Nyakasane adesire, bene Israheli bagaluka haguma na bene Yûda. Bagwârha enjira bajè balonza Nyakasane Nyamuzinda wâbo”.

Ndûlù 4:22

Obuhane bwâwe bwahwîre, we munyere w’e Siyoni, orhacihêkwe ebwa kululizibwa. Kuli we, wêhe munyere w’e Edomu, Nyakasane abâna amabî gâwe, ajalabule amabî gâwe goshi.

Ezekiyeli 18:22

Barhankacikengêra ebyâha byoshi àjizire, ânalama erhi kulya kushingânîne ajiraga kurhuma.

Mikeyo 7:19

Kandi oshubirhufa bwonjo, olabarhe amabî gîrhu, ebyâha bîrhu byoshi obikwêbe emuhengere.

Sofoniya 3:12

Bantu bîrhôhye bônene n’abakenyi naleka muli we, abakampûna mpu mbalange.

Zakariya 3:9

Mpizire ibuye embere za Yozwè, liri ibuye liguma lirikwo masù nda galangashana. Nienene nâtâkakwo ogwâgo mwandiko, n’omu lusiku luguma nârhenza obubî buzinza eci cihugo, kwo niono Nyakasane w’Emirhwe ndesire ntyo.

Mibalè 23:21

Ntabwîni bubî buci muli Yakôbo. Ntabwîni ntanya nci muli Israheli. Nyamubâho Nyamuzinda wâge ali naye, aha mwâge wanayumva ecihôgêro c’aha bwâmi.

Ebijiro 3:19

Lêro mucîyunjuzagye munahinduke, lyo ebyâha binyu bizâzibwa,

Ebijiro 3:26

Mwe barhanzirhanzi mwarhumaga Nyamuzinda afûla omwambali, amurhuma mpu ammuhè omugisho, ly’arhenza ngasi muguma muli mwe omu bubî bwâge».

Barom 11:6

Ci akabà eri nshôkano, birhaciri bijiro birhumire; n’acibâga arhàli ntyo, e­nshôkano erhankacibire nshôkano.

Barom 5:16

N’eyo nshôkano erhali nka bwahu­kire bw’ecâha ca muguma; bulya olubanja lw’eco câha ca muguma buhane lwadwîrhe; ci enshôkano y’olukogo Nyamuzinda àrhufaga oku byâha bîrhu binji yàrhujira bêru-kwêru.

Barom 6:13

Murhajiraga ebirumbu binyu byoji by’obulyâlya omu kubikolêsa oku kujira ebyâha; ci mucîhâne mwêne emwa Nyamuzinda nka bantu bazîne bàfulumusire olufù, n’ebirumbu binyu mubikolêse nka byoji bya bushinganyanya omu kurhumikira Nnâmahanga.

2 Petro 3:15

Nêci mumanye oku olukogo lwa Nnawîrhu lubà lwa kulonza okurhuciza, nka kulya mwene wîrhu muzigirwa Paolo naye ammuyandikiragakwo omu bushinganyanya àhâbirwe.