Yeremiya 5:4 - BIBLIYA NTAGATIFU OMU MASHI

⁴ Kwo nakazagiderha nti abagunda bône bakola nka basirhe, bulya barhishi enjira ya Nyakasane barhanayishi ebya Nyamuzinda wâbo

Yeremiya 5:4 ပူးပေါင်းရင်းမြစ်များ

Izaya 27:11

Amashami nka gamâyuma banagavune, abakazi banayishe, bagadûlike muliro. Kwo binali, olu lubaga lurhajira bukengêre: co cirhumire omulêmi walwo arhalufà bonjo, n’owalubambaga ârhalubabalire.

Izaya 29:12

Lêro banalushumbîriza omuntu orhish’isoma, bamubwîre, mpu: «Somaga»; ci anashuza, erhi: «Ntish’isoma».

Yeremiya 10:8

Boshi boshi, bali bahwinja banali bingolongolo. Amahano obusha buhâna nago ganali ntâgo.

Yeremiya 4:22

Nêci olubaga lwàli lwahwinjagîre: lurhanyishi, luli nka bâna bo barhadôsa mirhima, ntà bukengêre bagwêrhe bali balenga ba bubî, ci barhishikola ehinja.

Yeremiya 7:8

Cikwône alaga oku mwêhe mudwîrhe mwacîkubagira ebinwa by’obunywesi birhamujiriri bici.

Yeremiya 8:7

Ciru na nyakadekere nk’ali emalunga, ayishi akasanzi kâge, Akafunzi, ehiremberembe n’omuhangâli, biyishi amango gâbyo g’okubunga. Olubaga lwâni lwôhe lurhishi obushinganyanya bwâni.

Yeremiya 9:3

Ngasi muguma acîlange oku mwîra wâge murhanacîkubagiraga obugoma: bulyâla ngasi mwene wâbo omuntu kwo adwîrhe ajira aka Yakôbo ngasi mwîra kunywerha adwîrhe anywerhera owâbo!

Hozeya 4:6

Olubaga lwâni lufirire okubula obumanye. Bulya w’oyo wakabulire obumanye, nkolaga nakukaga omu budâhwa bwâni; wayibagîre e­ nyigîrizo za Nyamuzinda wâwe nkolaga nayibagira abâna bâwe.

Mateyo 11:5

Emihûrha edwîrhe yabona, abahozire amagulu badwîrhe bagenda, abashomyo badwîrhe bafuma, n’ebihuli bidwîrhe byayumva, abafîre badwîrhe bafûka n’abakenyi badwîrhe babwîrwa Emyanzi y’Akalembe.