Yeremiya 5:26 - BIBLIYA NTAGATIFU OMU MASHI

²⁶ Nêci olubaga lwâni lulimwo enkola-maligo, zikazirhega orhusirha, nka barhezi ba binyunyi, zinakazirhega emirhego mpu zigwasemwo abantu.

Yeremiya 5:26 ပူးပေါင်းရင်းမြစ်များ

Ennanga 64:5

Zo zira nkola-maligo zikaz’icîfulika mpu ziyâgaze omuhanya, mpu zimuyûbûke zimuyâgaze, zirhânababale bici.

Migani 1:11

Erhi bakakubwîra mpu: «oyîshe rhugende rhweshi, rhucîbundike rhubulage omukò buzira igwârhiro, rhucîfulike rhulinge omwêru-kwêru:

Izaya 32:7

Endyâlya yôhe, ebijiro byâyo bibà bibî: enakahiga emigâbo y’okuherêrekeza abanyinyi omu kuhamîriza eby’obunywesi, ciru abakenyi bakabàbahashire okuyêrekana oku bo bayâzize.

Izaya 58:1

Oyâkûze n’izù linene burhahusa, oshekêreze nka mushekera, obwîre olubaga lwâni ebyâha byâlwo, n’enyumpa ya Yakôbo amabî gâyo.

Yeremiya 18:20

K’omuntu anagalule obubî oku minjà? Bôhe badwîrhage bampumbira omwîna. Kengêra oku nayimangaga embere zâwe nti mbaderhere ebinja, nti mbayâse oburhè bwâwe.

Yeremiya 18:22

Bayumve endûlù zirhenge omu nyumpa zâbo hano obarhêran’ebishungu birhabalira? Bulyâla bahumbire omwîna mpu bangwâse, n’aha magulu gâni bafulikaho emishego.

Yeremiya 4:22

Nêci olubaga lwàli lwahwinjagîre: lurhanyishi, luli nka bâna bo barhadôsa mirhima, ntà bukengêre bagwêrhe bali balenga ba bubî, ci barhishikola ehinja.

Yeremiya 9:8

Ka mpu ebiri ntyo ntabihane? Ye kudesire Nyakasane. Ka mpu mbule bwacihôla oku ba bêne abo?

Mikeyo 6:10

Ka nanahasha okuyêmêra endyâlya zihake eby’obushambo omu nyumpa zâbo?

Mikeyo 7:2

Abantu ba Nnâmahanga barhaciboneka omu cihugo; ntà mushinganyanya ciru n’omuguma omu bantu. Boshi bàcîkwendesirage bayunja oku bahuma omukò, ngasi muguma adwîrhe arhega mwene wâbo akasirha.

Luka 5:10

Yakôbo na Yowane, bene­ Zebedeyo, bakâg’igenda boshi na Simoni, nabo kwo n’okwo. Yezu anacibwîra Simoni, erhi: «Orhayôbohaga: kurhenga ene bantu wakaz’iduba».