Yeremiya 5:12 - BIBLIYA NTAGATIFU OMU MASHI

¹² Bahakanyire Nyamuzinda, baderha mpu «kali ntâye». Mpu ntâko rhwâbà., rhurhâjemwo ngôrho rhurhânajekwo cizombo.

Yeremiya 5:12 ပူးပေါင်းရင်းမြစ်များ

2 Nganîro 36:16

Ci bakazishekera ezôla ntumwa za Nyamuzinda, bagayaguza ebinwa byâbo, banakazishekera abalêbi bâge, kuhika obukunizi bwa Nyamuzinda bwalinda buyâka oku lubaga na ntà bufumu bwankacibukûzire.

Ennanga 10:6

Anaderhe omu murhima gwâge, erhi: «Nie ntadundwa; amâburha gàja oku gandi ntanabona malibuko.»

Ennanga 14:1

Gwârhi omukulu w’abimbiza. Lwa Daudi Omusirhe anakâderha omu murhima gwâge, erhi: «Nyamuzinda arhahabà!» Bàcisherêzize, bàjira ebirhankaderhwa; ntà muntu okola aminjà ocibabâmwo.

Migani 30:9

Kuderha nti nakayigurha obone namâkuhaba, obone nkola naderha nti: Nyamuzinda ye ndi oyo! nîsi erhi nshalike obone nkola nazimba, obone namâhemukira izîno lya Nyamubâho.

Yeremiya 14:22

K’omu bikabulirwa by’amashanja hali eciniêsa enkuba? Ka malunga garhuma enkuba yania? K’arhali we, Yâgirwa Nyamuzinda wîrhu? We rhucîkubagira bulya wekola ebyo byoshi.

Yeremiya 2:6

“Ahâli h’okuderha mpu: ngahi ali Nyakasane warhurhenzagya omu cihugo ca Mîsiri, arhugeza omu irungu, Omu cihugo c’idaho lyûmu, liyunjwîre migâku, emunda ecanda n’empehema y’olufù bishundwa, emunda erhagerwa na muntu erya munda erhabà nyumpa?”

Yeremiya 28:4

“Kwo na kwo, Yekonyahu mwene Yehoyakimu, mwâmi w’e Yûda, ye bo na abalulizibagwa kurhenga e Yûda mpu bajè e Babiloni, nâjira bagaluke aha, kanwa ka Nyakasane, bulyâla nkola nashangula omucîmba gwa mâmi w’e Babiloni”».

Yeremiya 4:10

Naderhe obwo: erhi waliha Nyakasane kwabirage kurheba warhurhebire erhi oderha erhi «mwâbona omurhûla» enakolaga ngôrho eno erhuli emumiro.

Yeremiya 43:1

Cikwône erhi Yeremiyahu ayûs’ibwîra olubaga ebinwa bya Nyakasane Nyamuzinda wâbo byoshi, ebi Nyakasane ali amurhumire mpu abà­bwîre, ebi binwa binadesirwe byoshi.

Yeremiya 5:31

Abalêbi badwîrhe baderha eby’obunywesi, abadâhwa badwîrhe bayigîriza byâbo-byâbo. N’olubaga lwâni lusîmire okwo! Bici mwâjira hano luhumba obwo?

Yeremiya 6:14

Bali mpu barhuba ecihulu c’olubaga mpu murhûla, murhûla mâshi! n’obwo omurhûla ntâgwo.

Ezekiyeli 13:6

Eby’obulêbi byâbo bibà bya busha, banakazilêba eby’obusha baderhe, mpu: «Kwo adesire ntyâla Nyamubâho». N’obwo Nyamubâho arhabarhumaga, banabulikaz’ilingûza oku ebyôla binwa byâbo byayunjulira.

Mikeyo 2:11

Hamayisha owageremwa, asinge obunywesi erhi: «Nâkulêbera ogw’idivayi n’ogw’amamvu». Ye wankakwânana okubà mulêbi w’olwo lubaga.

Mikeyo 3:11

Abarhambo bamwo barhatwa lubanja buzira kuhongerwa, abajinji bamwo barhayigîriza buzira kuhâbwa luhembo; abalêbi bamwo balêbere ensaranga. Kurharhuma barhashegema Nyamuzinda bakaziderha mpu: «Ka Nyamuzinda arhali ekarhî kîrhu? Obuhanya burharhurhindekwo!»

Lushika 29:19

Nyamuzinda arhankaziga amubabalira. Ciru oburhè n’emitula ya Nyamuzinda yanahikira oyo muntu; amahanya gayandisìrwe mw’eci citabu goshi ganamurhibukira, na Nyamuzinda anaherêrekeza izîno lyâge hano idako ly’amalunga.

1 Yowane 5:10

Oyêmîre Mugala wa Nyamuzinda, obwôla buhamîrizi bubà muli ye. Ci obûla bwayêmêra Nyamuzinda, amujira munywesi, bulya arhayêmîri obuhamîrizi Nyamuzinda ahamîrizagya Omugala.

1 Samweli 6:9

“Ci kwônene muyishilolêreza kwinjà, mukabona ogwôla Mucîmba gurhôla enjira yajà ebwa cihugo câgo, enjira esôkîre e Bet-Shemeshi erhi kwo binali Nyamubâho ye walirhudwîrhîre gala mababale, akabà nanga kandi rhwanamanyira aho oku arhali kuboko kwâge kwarhubabazagya, ci bwanali buhanya kwônene bwarhurhogire.”»