Yeremiya 49:4 - BIBLIYA NTAGATIFU OMU MASHI

⁴ Oku walimbiraga olubanda lwâwe, wâni munyere wagomire, oku wa­ cikubagiraga emihako yâwe: «mpu ndi wankacîshomya okuntêra’?»

Yeremiya 49:4 ပူးပေါင်းရင်းမြစ်များ

Ennanga 49:6

Cici cankarhuma najuguma amango ensiku ziri mbî? Cici cankarhuma nadirhimana nka ngosirwe n’empingira-mungo.

Ennanga 52:7

Okwôla kwârhuma Nyamuzinda akushâba buyumpa, akushugule budundu, kwârhuma akubarhûla omu cihugo, akumânyule oku igulu ly’abazîne.

Ennanga 62:10

Bene-Adamu gunabà mufula bufula, babà banywesi ababurhwa n’abantu. Erhi bankashonera oku munzâni, boshi haguma banayanguha kulusha omufula.

Migani 10:15

Obugale bw’omuhirhi, lwo lwâkiro lwâge, obubî bw’omuganda, bunali bulya bukenyi bwâge.

Yeremiya 21:13

We mbwîzire, weyûbaka omu lubanda, Kabuye-ali-e Cibanda, Kanwa ka Nyakasane, mwe mukaziderha mpu ndi warhuhonera anahike omu nyumpa zîrhu?

Yeremiya 3:14

Mugaluke mwe bâna bagoma, Nyakasane okudesire, bulya niene nie Nnâhamwinyu, nayishimurhôla muguma arhenge muli lugo lulebe, babirhi barhenge mulala muguma, nyishimuhisa e Sioni.

Yeremiya 31:22

“Kuhika mangaci lyo ohiga ebishingânîne, oyu mwânanyere w’ecigamba? Bulya Nyakasane ânaleme ebihyâhya omu igulu: Omukazi yekola wakazilonza omulune”».

Yeremiya 48:7

“Nêci, bulya walangâlîre ebijiro byâwe n’emihako yâwe, nâwe wamâgwârhwa mpira. Kemoshi alulizibwa haguma n’abadâhwa bâge n’a­baluzi bâge”.

Yeremiya 49:16

Wakagiyôbohya abantu boshi, wakazicîkebwa mpu oli mukulu bwenêne kubalusha cikwône kurheba wakagicîrheba. We bêra omu lwâla­ lw’amabuye, wâmanana oku masongerwe g’entondo, ciru akabà wajirimanika olwôgo lwâwe enyanya bwenêne nka lw’ikozi, nâkubungulula eyo munda». Kwo Nyakasane adesire ntyo.

Yeremiya 7:24

Cikwône, aye, bàrhumvirhizagya barhanarhegaga okurhwiri, bôhe bakulikira oluhengu lw’omurhima gwâbo mubî, bampà ebirhugo ahâli h’okunyêrekera.

Yeremiya 9:23

Cikwône owalonza okucîkunga acikunge oku: okuyumva n’okummanya, bulyâla niono nie Nyamubâho nie nyôrha mbikola n’olukogo, n’obucîranuzi haguma n’obushinganyanya hano igulu nêci byo ntonya ebyo, Kanwa ka Nyamubâho.

Hozeya 4:16

Bulya Israheli aciyêrekîne nka cigamba, kurhi Nyamuzinda akacimuyâbulira nka mwâna-buzi omu bulambo bugali?

1 Timoteyo 6:17

Obwîre abahirhi ba mw’er’igulu barhakâg’icîbona, bamanye bakahira obulangâlire bwâbo omu mahirhi ga nsiku nsungunu, ci bacîkubagire Nyamuzinda, orhugabira ebintu byoshi mpu rhubikolêse.

Mafulûlo 18:7

Kulyâla akazâg’icîkuza n’okucîlimbîsa, kwo munamulîsagye n’amagala munamuhè emishîbo! Akazâg’iderha omu murhima gwâge, erhi: «K’arhali nie mwâmi-kazi, ntali mukana, na ntà mango nabone emishîbo!»