Yeremiya 49:24 - BIBLIYA NTAGATIFU OMU MASHI

²⁴ Abantu b’e Damasi batwîsire omurhima, bahindwîre omugongo bayâka, badirhimanyire n’omusisi; balikwo amalibuko n’amalumwa ak’omukazi walumwa n’emikero y’okuburha.

Yeremiya 49:24 ပူးပေါင်းရင်းမြစ်များ

Murhondêro 3:16

Abwîra nyamukazi, erhi: «Nkolanayûshûla amalumwa gâwe, n’amazîmi gâwe omu malumwa okola wakaburha abâna. Kulalikira okolaga wakalalikira balo, ci naye akola ayish’ikâkuzidohera.»

Izaya 13:8

Barhunzirwe n’obwôba, badwîrhe bageramwo ogwa nyugunyu banalîbwa n’amalumwa; badwîrhe bacîluma olulimi n’okuyumva emikero ak’omukazi oli buburha; badwîrhe balolanakwo banarhangire; amalanga gâbo gadukulîze nka muliro.

Yeremiya 30:6

“Mudôsanye munalolêreze, erhi omulume anaburhe. Cici cirhumirage ndwîrhe nabona abalume bacîgwârhirire oku nziha, nka mukazi waburha? Cici cirhumirage ngasi busù buhindulîrwe?”

Yeremiya 4:31

Namâyumva omuniho guli nka gwa muzîre izîmi lyamâkoma, omulenge guli nka gwa muhya wayig’iburha, mwâli wa Siyoni odwîrhe alaka alengezize n’amaboko erhi: namâhera! namâfà n’empîmbo za balya bakaheza ngabo.

Yeremiya 48:41

Ebishagala byagwâsirwe mpira. Ebyôgo bizibu by’abalwî byashâbwîrwe (n’omurhima gw’omurhwe gw’abalwî b’e Mowabu, n’olwo lusiku, gwàli nka gwa mukazi odwîrhe afumba.)

Yeremiya 49:22

Kwo ali nk’ikozi lishanjwîre ebyûbi, amâsoka n’okulembêra enyanya za Bosra. Olwo lusiku emirhima y’abasirika b’entwâli ba Edomu yayôrha ak’omurhima gw’omukazi odwîrhe alumwa n’emikero y’okuburha.

Yeremiya 49:29

Babanyâge amahêma gâbo n’amasò gâbo g’ebintu, amashîro gâbo n’ebirugu byâbo byoshi binyagwe. Banyagwe engamiya zâbo banabalumizekwo ecôbà, empande zoshi.

Yeremiya 49:37

“Abaelamiti nâbadirhimanya embere z’abashombanyi bâbo, embere za balya babalongeza olufù. Nâbarhumira obuhanya omu bukunizi bwâni bunene. Nâbashimbulula n’ebîrha kuhika mbamalîre”.

Yeremiya 50:43

Omwâmi w’e Babiloni obu ayumvîrhe ogwo mwanzi, amârhoga amaboko, entemu yamâmushamula ak’omukazi walumwa n’emikero y’okuburha.

Yeremiya 6:24

Rhwayumvîrhe ogwo mwanzi, mâshi rhwatwîka enjingo rhwagwârhwa n’ebihamba, rhwayumva n’emikero-mibishi ciru;

Hozeya 13:13

Emikero y’izîmi emuzûkîre ci omwâna ciri cinganyi; akola ahisize emyêzi, ci arhârhenga omu nda ya nnina.

Mateyo 24:8

“Ebyo byoshi, gwo murhondêro gw’amalibuko”.

Marko 13:8

“Ishanja lyârhêre elindi ishanja, n’obwâmi obundi bwâmi. Omusisi gw’idaho gwayish’ibà hanji, hâbè n’ecizombo”. “Ebyo gwo murhondêro gw’amalibuko”.