Yeremiya 48:45 - BIBLIYA NTAGATIFU OMU MASHI

⁴⁵ Emirhamà y’abajâga bayâka balibirhira omu lwâkiro lwa Hesboni, ci omuliro gwarhenga omu Hesboni, ngulumira yarhenga omu lurhambà lwa Sihoni yafômera amarhama ga Mowabu n’empanga y’iburha ly’olubî.

Yeremiya 48:45 ပူးပေါင်းရင်းမြစ်များ

Ennanga 135:11

Sihoni mwâmi w’Abamoriti, na Ogu mwâmi w’e Bashani, n’amâmi goshi g’e Kanâni.

Ennanga 78:63

Abâna bâbo b’emisole omuliro gwabashamula, abâna-nyere bâbo babula ciyansire.

Yeremiya 2:16

Ciru bene Nofu na bene Tapenesi bamâkumôma empanga.

Yeremiya 48:2

“Yahwerîrwe, erhaciri irenge lya Mowabu! E Heshiboni bajire irhigi ly’obuhanya bwâge: Bangaduki: Rhumukûle omu mashanja! Na­we, Madmeni, orhacibumbûle akanwa, engôrho ekugosire bwinjà­ bwinjà”.

Amosi 2:2

Nkola nalîkira omuliro kuli Mowabu, gusingônole enyumpa za Keriyoti, na Mowabu aherêrekere omu ntambala, omu ndûlù y’ebîrha, oku izù ly’omushekera.

Zakariya 10:4

Muli ye mwârhenga abarhambo ba ngasi lubero, bazibuzibu nk’ibuye kaboko ka nyumpa, bantâdundwe nka nkwîra y’ihêma, badârhi nka muherho gwa bîrha. Bâkaz’igenda nka barhabâzi ntwâli bajè balabarhanya ababalwîsa nka bijondo by’omu njira.

Mibalè 21:21

Israheli anacilika entumwa emwa Sihoni, mwâmi w’Abanyamoriti mpu bagendimubwîra, erhi:

Mibalè 21:26

Heseboni lwo lwàli lugo lunênênè lwa Sihoni, mwâmi w’Abanyamoriti. Sihoni ye wajagilwîsa omwâmi w’embere wa bene Mowabu, anamunyaga ecihugo câge coshi kuhika kuli Arnoni.

Mibalè 21:28

Omuliro gwazûsire e Heseboni, engulumira omu lugo lwa Sihoni yamalîre Ari-Mowabu, yamirangusa entondo z’Arnoni!

Mibalè 21:29

Buhanya bwâwe, wâni Mowabu! Wamâhera weki lubaga lwa Kemoshi! Bagala bâge bayishaga bayâka, na bâli bâge bagwârhagwa; bajà ba Sihoni, mwâmi w’Abamoriti.

Mibalè 24:17

Namamubona, ci kwône arhacibà wa buno; namamulâba ci kwône arhacibà nk’oli hôfi. Enyenyêzi yamârhenga muli Yakôbo, akarhi k’obwâmi kamayimanga omu Israheli; kamavunanga emyanganga ya Mowabu, Kamamalîra bene Seti.

Mateyo 21:42

Yezu anacibabwîra, erhi: «Ka murhasâg’isoma ntya omu Mandiko»: ibuye abûbasi bagayaguzagya, lyayishir’ibà kaboko ka nyumpa; Nyakasane yêne wakolaga ebyo, byanabà bisômerîne omu masù gîrhu!