Yeremiya 48:42 - BIBLIYA NTAGATIFU OMU MASHI

⁴² Mowabu aherêrekîre lwoshi arhaciri ishanja lya lubaga, bulya acîbwîne mukulu kulusha Nyakasane.

Yeremiya 48:42 ပူးပေါင်းရင်းမြစ်များ

Migani 16:18

Kagayo kashokolera okurhibuka, n’omuhîmbo gw’omuntu gwo gushokolera okuhunguluka.

Izaya 16:14

Ci na bunôla Nyakasane adesire, erhi: «Enyuma lya myâka isharhu, nka kula baganja emyâka y’omulimya, irenge lya Mowabu lyalaba­rhwa, ciru akabà abantu bâge bali mwandu. Asigalana amahunga garhankagerwa bici.»

Izaya 37:23

“Ndi olya wajâciraga? Ndi olya walôgorheraga, ndi olya walengerezagya izù n’okumumôlera amasù g’obucîbone? Kali Mutagatîfu w’Israheli?”

Izaya 7:8

Bulya irhwe lya Aramu, ye Damasko, n’irhwe lya Damasko, ye Rasoni. Hacisigîre myâka makumi gali ndarhu n’irhanu yône, omu Efrayimu murhâcibe lubaga.

Yeremiya 30:11

“Ndi haguma nâwe nti nkucize, kwo Nyakasane adesire, hano mmalîra amashanja goshi nali kushandabanyizemwo, wêhe wêne ntaherêre­ keze. Cikwône nâkuhana nk’oku bishingânîne. Ntankakujirira nka kuno oli mwêru-kwêru, ciru akabà!”

Yeremiya 48:2

“Yahwerîrwe, erhaciri irenge lya Mowabu! E Heshiboni bajire irhigi ly’obuhanya bwâge: Bangaduki: Rhumukûle omu mashanja! Na­we, Madmeni, orhacibumbûle akanwa, engôrho ekugosire bwinjà­ bwinjà”.

Ezekiyeli 35:13

“Embere zâni, wadesire ebinwa by’obucîbone, waluza n’ebinwa by’obukunizi kuli nie, ebyo byoshi nabiyumvîrhe”.

Daniyeli 11:36

Omwâmi anakazijira oku analonzize yêshi acîhire enyanya acîkuze kulusha ngasi nyamuzinda, na kuli Nyamuzinda wa banyamuzinda anaderha ebi­nwa bishologosire, anahêrwa omu byâge kuhika obukunizi buyunjulire; ebwa kubà okwarhegesirwe kwanabà.

Mateyo 7:2

Oku mwânatwe oluli omu mwabene, kwo mwâtwîrwe oluli omu mwinyu, n’omulengo mwalengeremwo abandi gwo ninyu mwâlengerwemwo.

2 Tesalonika 2:4

ye Mubisha, olya ocîhira enyanya lya ngasi ciderhwa Nyamuzinda erhi eci bagashâniza kuhika okuj’itamala omu ka-Nyamuzinda n’okuderha mpu ye kola Nyamuzinda.

Mafulûlo 13:6

Canacibumbûla akanwa, mwarhenga ebinwa by’ebijâci kuli Nyamuzinda n’eby’okulogorhera izîno lyâge n’obwâmi bwâge, n’ababà emalunga boshi cabanogonoza.